புதுடெல்லி, ஜூலை 26–
மக்கள் தினசரி பயன்படுத்தும் 53 அத்தியாவதிய மருந்துகள் அரசால் நியமிக்கப்பட்ட தரத்துடன் இல்லாததால் அவை உட்கொள்ள தகுதி அற்றவை என அண்மையில் மத்திய மருந்துகள் தரக் கட்டுப்பாடு அமைப்பு அறிவிக்கை செய்துள்ளதா? அப்படியானால், அதன் முழு விவரங்கள் என்ன? தவறிழைத்த மருந்து நிறுவனங்கள் மீது அரசு என்ன நடவடிக்கை எடுத்துள்ளது? என மக்களவையில் திமுக மக்களவைக் குழுத் தலைவரும் ஸ்ரீபெரும்புதூர் நாடாளுமன்ற உறுப்பினருமான டி.ஆர்.பாலு கேள்வி எழுப்பினார்.
இந்த கேள்விக்கு நேற்று (24.7.2026) எழுத்துப்பூர்வமாக மக்களவையில் ஒன்றிய நல்வாழ்வு மற்றும் குடும்ப நலன் அமைச்சகத்தின் இணையமைச்சர் திருமதி. அனுபிரியா பட்டேல் அவர்கள் பதிலளித்தார்.
நியமிக்கப்பட்ட தரத்தின் படி
தயாரிக்கப் படாத மருந்துகள், கலப்பட மருந்துகள், கள்ளமருந்துகள் (spurious drugs) போன்ற உட்கொள்ளத் தகுதி இல்லாத மருந்துகளின் விவரங்களை மத்திய மருந்துகள் தரக் கட்டுப்பாட்டு அமைப்பு (சென்ட்ரல் டிரக்ஸ் ஸ்டாண்டார்டு கன்ட்ரோல் ஆர்கனைசேஷன் – CDSCO) தனது வலைதளத்தில். மருந்துகள் எச்சரிக்கை (டிரக்ஸ் அலர்ட்) எனும் தலைப்பில் தொடர்ந்து பதிவேற்றம் செய்து விளம்பரப் படுத்தி வருகிறது.
இந்நிலையில், மருந்துகளின் தரம் மற்றும் பாதுகாப்புத் தன்மை குறித்த புகார்கள் வரும் போதெல்லாம், மருந்துகள் தயாரிக்கும் உரிமம் வழங்கும் அதிகாரிகள் சம்பந்தப்பட்டவர்டள் மேல் மருந்துகள்மற்றும் ஒப்பனைப் பொருட்கள்
சட்டம் 1940 (Drugs and Codmetics Act,1940) மற்றும் இச்சட்டத்தின் கீழ் இயற்றப்பட்டடுள்ள விதிகளின் படி உரிய நடவடிக்கைகளை எடுக்கின்றனர். தவறிழைத்தோருக்கு எதிராக உரிய நீதிமன்றங்களில் வழக்குத் தொடுப்பதும் இதில் அடங்கும்.
அண்மையில் அச்சு ஊடகங்களில் இப்பிரச்சினையதொபர்பான செய்திகள் வெளியானதைத் தொடர்ந்து கழகப் பொருளாளர் டி.ஆர்.பாலு அவர்கள் மக்களவையில் இதுபற்றி வினா எழுப்பிய நிலையில் ஒன்றிய நல்வாழ்வுத்துறை அமைச்சர் மேற்கண்டவாறு விளக்கத்தை தனது பதிலில் தெரிவித்தார் என்பது குறிப்பிடத்தக்கது.