திருவண்ணாமலை, ஜூலை 26 –
வியட்நாம் சுற்றுலா படகு விபத்தில், தமிழ்நாட்டைச் சேர்ந்த 10நபர்கள் உயிரிழந்தனர். அதில் திருவண்ணா மலைச் சேர்ந்த ரவிசங்கர் என்கிற வியாபாரியும் உயிரிழந்தார். அவரது குடும்பத்தினரை முன்னாள் அமைச்சரும், கழக கொறடாவுமான எ.வ. வேலு சந்தித்து ஆறுதல் கூறினார். அவரது மகனின் உயர் கல்வி செலவைஏற்றுக்கொள்வதாக குடும்பத்தினரிடம் கூறினார்.
வியட்நாம் நாட்டின் புகுவோக் தீவு அருகே ஜூலை 11 அன்று சுற்றுலா படகு கவிழ்ந்த விபத்தில் தமிழ்நாட்டைச்சேர்ந்த 10பேர் உட்பட 15 இந்தியர்கள் பரிதாபமாக உயிரிழந்தனர். திடீர்கடல் சீற்றம் மற்றும் இராட்ச அலை காரணமாக விபத்து நேரிட்டது. உயிரிழந்தவர்களின் உடல்கள் மீட்கப்பட்டு, ஜூலை-14அன்று தமிழகம் கொண்டுவரப்பட்டு அவரவர்களின் சொந்தஊர்களுக்கு அனுப்பிவைக்கப்பட்ட னர்.
25.07.2026 சனிக்கிழமை காலை 11.00 மணிக்கு திருவண்ணாமலை ஆனைக்கட்டி தெருவில், வியட்நாம் சுற்றுலா படகு விபத்தில் உயிரிழந்த வியாபாரி ரவிசங்கர் வீட்டிற்கு சென்று, முன்னாள் அமைச்சரும், கழக கொறடாவுமான எ.வ. வேலு, குடும்பத்தினரை சந்தித்து ஆறுதல் கூறினார்.
இறந்த வியாபாரி ரவிசங்கரின் மகன்ராமபிரகாஷ் கல்வி குறித்து கேட்டறிந்தார். மேல்நிலைக் கல்வி பயிலும் மாணவனின் கல்லூரிசெலவை ஏற்றுக் கொள்வதாக குடும்பத்தினரிடம் முன்னாள் அமைச்சர் எ.வ. வேலு தெரிவித்தார்.
முன்னாள் அமைச்சர் எ.வ.வேலுவுடன் நாடாளுமன்ற உறுப்பினர் சி.என்.அண்ணாதுரை, முன்னாள் சட்டமன்ற உறுப்பினர்கள் மு.பெ.கிரி, பெ.சு.தி.சரவணன், மாநகர செயலாளர் ப. கார்த்திவேல்மாறன், மாவட்ட துணை செயலாளர் பிரியா விஜய
ரங்கன் தொ.மு.ச. க.சௌந்தரராசன், மாவட்ட அமைப்பாளர் காலேஜ் குரவி, பகுதிசெயலாளர் ந.சீனுவாசன்,எஸ்.டி.ஆர்.எஸ்.பாபு, மாவட்டப் பிரதிநிதி இல.குணசேகரன், நகரமன்ற உறுப்பினர்
அருணாரவி, மாவட்ட துணை அமைப்பாளர் லக்கி.அரவிந்த், வட்டச் செயலாளர் கோல்டு.மஞ்சு மற்றும் வட்ட கழக நிர்வாகிகள் உடன் இருந்தனர்.