திருப்பூர், ஜூலை 26 –
திருப்பூர் மாவட்டம், தாராபுரம் நகரின் மையப்பகுதியில் தற்போது இயங்கி வரும் நகராட்சி மத்திய பேருந்து நிலையம் கட்டப்பட்டு 30 ஆண்டுகளை கடந்து விட்டது. அன்றைய மக்கள் தொகைக்கு ஏற்ப அமைக்கப்பட்ட இந்த பேருந்து நிலையத்துக்கு தற்போது நாளொன்றுக்கு 92 தொலைதூரப் பேருந்துகள் வந்து செல்கின்றன. இதனால் பழனி. கொடைக்கானல், கோவை, திருப்பூர் செல்லும் பேருந்து பயணிகளின் வருகையும் அதிகரித்துள்ளது.
ஆனால், பேருந்து நிலை யத்தில் இடப்பற்றாக்குறை ஏற்பட்டுள்ளது. இதன் காரணமாக, வெளி மாவட்டங்களுக்கு செல்லும் தொலைதூரப் பேருந்துகள் பேருந்து நிலைய த்திற்கு வராமல் வெளியிலேயே பயணிகளை இறக்கிவிட்டு, ஏற்றிச்செல்லும் நிலை நீடித்து வருகிறது. சில நேரங்களில் கோவை, திருப்பூரில் இருந்து வரும் பேருந்துகள் தாராபுரம் மத்திய பேருந்து நிலையத்துக்கு வராமலே மேம்பாலம் வழியாக சென்று விடுகின்றன.
இதனால் பேருந்து நிலை யத்தில் காத்திருக்கும் பயணிகள், வெளியூருக்கு செல்ல வேண்டிய மாணவ, மாணவிகள் பெரும் சிரமத்திற்கு ஆளாகி வருகின்றனர். இதற்கு பேருந்து நிலையத்தில் இடப்பற்றாக் குறை மற்றும் அடிப்படை வசதியின்மையே காரணம் என புகார் எழுந்துள்ளது. பேருந்து நிலையத்தின் இடப்பற்றாக் குறையை நிரந்தரமாக போக்குவதற்கும், பஸ் பயணிகளுக்கு கழிப்பிடம், பொருட்கள் பாதுகாப்பு அறை, தாய் மார்களுக்கு பாலூட்டும் அறை, புறக்காவல் நிலையம் உள்ளிட்டவை அமைக்கவும். நவீன முறையில் பேருந்து நிலையத்தை விரிவு படுத்த அரசுக்கு கோரிக்கை விடுக்கப்பட்டது இதையடுத்து கழகத் தலைவர், முத்துவேல் கருணாநிதி ஸ்டாலின் அவர்களின் தலைமையிலான கடந்த கால திராவிட மாடல் ஆட்சியில் ரூ.5.53 கோடி நிதி ஒதுக்கீடு செய்து கட்டுமான பணியை விரைந்து முடிக்க உத்தரவிடப்பட்டது. இதனைத் தொடர்ந்து நகராட்சி மத்திய பேருந்து நிலையத்தின் வட பகுதியில் உள்ள வணிகவளாக கடைகள் முற்றிலும் இடித்து அகற்றப்பட்டு புதிதாக 41 வணிக வளாக கடைகளுடன் பேருந்துகள் நின்று செல்வதற்கு வசதியாக ரேம்புகள் கட்டப்பட்டன. கட்டிடங்களுக்கு வர்ணம் பூசும் பணியும் நிறை வடைந்துள்ளது.
ஆனால், ஆட்சி மாற்றம் ஏற்பட்ட பின்னர் நகராட்சி மத்திய பேருந்து நிலையத்தில் பேருந்துகளை நிறுத்தும் இடம் கட்டுவதற்கான நிதி விடுவிக்கப்படவில்லை. நிதியை விடுவிக்க தவெக அரசு காலதாமதம்செய்து வருவதாக நகராட்சி உறுப்பினர்களிடையே புகார் எழுந்தது. இதன் காரணமாக பொதுமக்களும், பள்ளி செல்லும் மாணவ, மாணவிகளும் போதிய இடவசதி இல்லாத பேருந்து நிலையத்தையே பயன்படுத்தி வருகின்றனர். இதனால், சமூக விரோதி களால் பெண்களுக்கும். வணிக வளாக கடைகளில் பணியாற்றும் ஊழியர்களுக்கும் விரும்பத்த காத பிரச்னைகள் ஏற்பட்டு வருகிறது.
புதிய கட்டிடத்தில் வணிக வளாக கடைகளை வியாபாரிகள் பலர் லட்சக்கணக்கான ரூபாய் முன்பணமாக செலுத்தி குத்த கைக்கு எடுத்துள்ளனர். ஆனால் கடைகளைத் திறந்து வியாபாரம் செய்ய முடியாமல் உள்ளனர். கடன் பெற்றவர்களிடம் கடந்த ஆறு மாதமாகதேவையின்றி வட்டிகளை கட்டி வருவதாகவும், தங்களுக்கு பெரும் பொருள் இழப்பு ஏற்படுவதாகவும் புகார் தெரிவித்து வருகிறார்கள். பொதுமக்கள். பயணிகளின் தேவை மற்றும் பயன்பாட்டின் அவசியம் கருதி கட்டி முடிக்கப்பட்டு 6 மாதங்களை கடந்துவிட்ட விரிவு படுத்தப்பட்ட பேருந்து நிலையம் மற்றும் வணிக வளாக கடைகளை திறக்க வேண்டும் என்று கோரிக்கை எழுந்துள்ளது.
பேருந்து நிற்கும் இடங்களை புனரமைப்புச் செய்ய தேவையான நிதியை தவெக அரசு விடுவிக்க வேண்டும் என்றும் வலியுறுத்தப்பட்டு வருகிறது. அந்த பணிகளை முடித்து புதிய விரிவுபடுத்தப்பட்ட பேருந்து நிலைய கட்டிடத்தை திறப்பு விழா செய்து பொதுமக்களின் பயன்பாட்டுக்கு அர்ப்பணிக்கும் நிகழ்ச்சி எப்போது நடக்கும்? என்ற எதிர்பார்ப்பு சமூக ஆர்வலர்கள், பேருந்து பயணிகள், மாணவ, மாணவிகள் மத்தியில் எழுந்துள்ளது.
கோவை வடக்கு மாவட்டம், கூடலூர் நகராட்சியில் நடைபெற்று வரும் மக்கள் திட்டப்பணிகள் குறித்த ஆலோசனைக் கூட்டம் நகராட்சித் தலைவர் நகரக் கழகச் செயலாளர் அறிவரசு தலைமையில், பொறுப்பு ஆணையாளர் டி.டி.கோபிநாத், பொறியாளர் சோமசுந்தரம் ஆகியோர் முன்னிலையில் நடைபெற்றது. இதில் நகர்மன்ற உறுப்பினர்கள், நகராட்சி அலுவலர்கள் பலர் கலந்து கொண்டனர்.