திருவண்ணாமலை, ஜூலை 25–
மாற்றுக் கட்சி மாநகராட்சி என்பதால், திருவண்ணாமலை மாநகராட்சி அலுவலர்கள் எவரும் ஒத்துழைப்பதில்லை, சுகாதாரத் துறையை சேர்ந்த அலுவலர்களும், ஊழியர்களும் ஒத்துழைப்பதில்லை, குடிநீர் மோட்டார்களை பழுதுபார்க்க சொன்னால் நிதி ஆதாரம் இல்லை என கைவிரிப்பது என்றால், மாநகரில் நிலவும் கடும் குடிநீர் பிரச்சனை எப்படித் தீர்ப்பது என்று மாநகர மேயர் நிர்மலாவேல்மாறன் செய்தியாளர்களிடம் பேசும் போது குறிப்பிட்டார்.
இதுகுறித்து திருவண்ணாமலை மாநகர மேயர் நிர்மலாவேல்மாறன் செய்தியாளர்களிடம் பேசும்போது...
திருவண்ணாமலை மாநகரம் புகழ்பெற்ற ஆன்மிக தலம், உலகமெங்கும் இருந்து இலட்சகணக்கான ஆன்மிக பக்தர்கள் வருகை தருகிறார்கள், திருவண்ணா மலை மாநகராட்சியின் மேயராக, துணை மேயராக, 30 பேருக்கும் மேற்பட்ட மாமன்ற உறுப்பினர்கள் திராவிட முன்னேற்றக் கழகத்தை சேர்ந்தவர்கள்.
தற்போது ஆட்சி
மாற்றம் ஏற்பட்ட உடன், திருவண்ணாமலை மாநகராட்சி மாற்றுக் கட்சியினர் மேயராக உள்ளதால், மாநகர அலுவலர்கள் எவரும் ஒத்துழைப்பதில்லை, சுகாதாரத் துறையை சேர்ந்த அலுவலர்களும், ஊழியர்களும் ஒத்துழைப்பதில்லை, குடிநீர் மோட்டார்களை பழுதுபார்க்க சொன்னால் நிதி ஆதாரம் இல்லை எனகைவிரிக்கிறார்கள், மாநகரில்நிலவும் கடும் குடிநீர் பிரச்சனை தீர்ப்பது எப்படி?
தற்போது திருவண்ணா மலை மாநகரில், நிலத்தடி நீர் மட்டம் என்பது தமிழ்நாட்டிலேயே மிக குறைந்த அளவுள்ள மாவட்டமாக திருவண்ணாமலை மாவட்டம் உள்ளது. மேலும் திருவண்ணாமலை மாநகரில் இலட்சகணக்கான வெளிமாநில பக்தர்கள் வருகையால், அசுரவேகத்தில் போடப்படும் ஆழ்துளை கிணற்றால் நிலத்தடி நீர் வேகமாக குறைந்து வரு
கிறது.
திருவண்ணாமலை மாநகர மக்கள் குடிநீர் பிரச்சனையால் மிகவும் அவதிபட்டு வருகின்றனர். குறிப் பாக சமுத்திரம் ஏரிகரையில், திருவண்ணாமலை மாநகரம், 16 வார்டுகளுக்கு குடிநீர் வழங்கும் வாட்டர் சப்ளை உள்ளது. இங்கு குடிநீர் வழங்க 3 மோட்டர்கள் 60எச்.பி, 40 எச்.பி என்ற அளவில் உள்ளது. இங்கிருந்து குடிநீர் சோமவரகுளம் அருகில் உள்ள குடிநீர் தொட்டிக்கு அனுப்பப்பட்டு, அங்கிருந்து 15 வார்டுகளுக்கு குடிநீர் வழங்கப்பட்டுவந்தது.
தற்போது சமுத்திரம் ஏரிகரையில் உள்ள 3 மோட்டார்களும் பழுது ஏற்பட்டதால் குடிநீர் தடைப்பட்டு 10 நாட்களாக பொது மக்களுக்கு குடிநீர் வழங்கப்படவில்லை. மேலும், சோமவர குளம் அருகில் உள்ள குடிநீர் தொட்டியில்உள்ள இரண்டு மோட்டர்களும் பழுதடைந்துள்ளது. இதே போல், திருவண்ணாமலை மாநகரில் அனைத்து வார்டுகளிலும் உள்ள சிறு மின்விசை பம்புகளில் உள்ள மோட்டர்கள் பழுதடைந்துள்ளது இதையெல்லாம் உடனடியாக பழுதுபார்க்க மாநகராட்சி அலுவலர்களிடம் தெரிவித்தால்,அவர்கள் நிதி ஆதாரம் இல்லை என்று சாக்கு போக்கு சொல்லி வருகிறார்கள்.
மாநகர மக்கள் மட்டுமல்லாமல், வெளியூரிலிருந்து வருகிற ஆன்மிக பக்தர்களுக்கு தண்ணீர் தரவேண்டியது நமது மாநகராட்சியின் கடமையல்லவா? மாற்று கட்சி மாநகராட்சி என்பதற்காக அலுவலர்கள் ஒத்துழைக்க மறுப்பது மக்களுக்கு செய்கிற மாபெரும்
துரோகம் அல்லவா.
அதே போல் திருவண்ணாமலை மாநகராட்சியில் உள்ள சுகாதாரத் துறை பொது மக்களுக்கு எந்த ஒத்துழைப்பும் தருவதில்லை. எந்த சுகாதார ஆய்வாளர்களும் வார்டு பக்கம் செல்வதில்லை, சுகாதார பணியாளர்களுக்கு எந்த விதமாக தகவல்களும் அளிப்பதில்லை, கால்வாய்கள் அடைப்பும், குப்பை மேடுகளுமாக திருவண்ணாமலை மாநகராட்சி விளங்குகிறது.
புதியதாக திறக்கப்பட்ட கலைஞர் நூற்றாண்டு பேருந்து நிலையத்தில், இரவு நேரத்தில் எந்த துப்புரவு பணியும் நடைபெறுவதில்லை. பகுதி – 2 பேருந்து நிலையத்தில் இதுவரை எந்த பணியாளர்களும் நியமிக்கப்படவில்லை.
திருவண்ணாமலை மாநகராட்சிக்கு 3வது கூட்டு குடிநீர் திட்டம் கொண்டு வந்து, பொது மக்களின் குடிநீர் பிரச்சனையை தீர்த்தவர், திருவண்ணாமலை மாநகராட்சிக்கு 30க்கும் மேற்பட்ட பேட்டரி வாகனங்களை தந்திட்டவர் முன்னாள் பொதுப்பணித்துறை அமைச்சரும், தற்போதைய சட்டமன்ற உறுப்பினருமான எ.வ.வேலு. திருவண்ணாமலை மாநகராட்சியாக தரம் உயர்த்திட பாடுபட்டவர் அவர், மாநகராட்சிக்கு தேவையான அனைத்தையும் திராவிட மாடல் ஆட்சியில் பெற்று தந்தார்.
ஆனால் தற்போது மாற்றாந் தாய் மனப்பான்மையில், மாற்றுக் கட்சியை சேர்ந்த மாநகராட்சி என்பதால், மாநகராட்சி அலுவலர்களும் எந்தவித ஒத்துழைப்பும் தருவதில்லை, எனவே புதியதாக பொறுப்பேற்று இருக்கிற த.வெ.க அரசும், மாவட்ட நிர்வாக மும் உடனடியாக போர்க்கால அடிப்படையில் தலையிட்டு, திருவண்ணாமலை மாநகர மக்களையும், வருகை தருகிற இலட்சக் கணக்கான ஆன்மிக பெருமக்களையும் காப்பாற்றிட கேட்டுக்கொள்கிறேன்.
இவ்வாறு மேயர் நிர்மலாவேல்மாறன் குறிப்பிட்
டார்.