இ
ந்திய அளவில் மருத்துவக் கல்விக்கான நுழைவுத் தேர்வாக ’நீட்’ அறிமுகம் செய்யப்பட்ட நாள் முதல், அதற்கு எதிராகத் தமிழ்நாடு தொடர்ந்து சமரசமின்றி குரல் கொடுத்து வருகிறது. தற்போது நாடு முழுவதும் நீட் தேர்வு முறைகேடுகள் மற்றும் வினாத்தாள் கசிவு சர்ச்சைகள் பெரும் போராட்டங்களாக வெடித்துள்ள சூழலில், மாணவர்களின் வீரமிக்க அறப்போராட்டத்தினை நாடே கவனித்துக் கொண்டிருக்கிறது.
பா.ஜ.க. தவிர, அனைத்துக் கட்சிகளும் தங்கள்
அடையாளத்தை தக்க வைத்துக் கொள்ள போராட்டத்தில் கலந்து கொள்ளத் தொடங்கியுள்ளனர். அதேநேரத்தில், திமுக இல்லாமல் நீட் விலக்கினை சாதித்துவிட முடியும் என நினைக்கின்றனர். வினாத்தாள் கசிவு - முறைகேடு விவகாரத்தில் தற்காலிக தீர்வு கிடைக்கலாம். ஆனால், நீட் விலக்கு என்கிற இலக்கு தி.மு.க. இல்லாமல்
சாத்தியமில்லை என்பதையே காலமும் வரலாறும் நமக்கு உணர்த்துகிறது.
தமிழ்நாட்டில் ஏழை, எளிய மற்றும் கிராமப்புற மாணவர்களின் மருத்துவக் கனவை நனவாக்கிய பெருமை முத்தமிழறிஞர் கலைஞர் கருணாநிதியையே சாரும். 1980-–களின் இறுதியில் அறிமுகப்படுத்தப்பட்ட நுழைவுத் தேர்வுகள், நகர்ப்புறங்களில் உள்ள வசதி படைத்த மற்றும் லட்சக்கணக்கில் பணம் செலவழித்துத் தனியார் பயிற்சி மையங்களுக்குச் செல்லக்கூடிய மாணவர்களுக்கே சாதகமாக இருந்தன.
இதனால் கிராமப்புற மற்றும் அரசுப் பள்ளி மாணவர்களின் மருத்துவச் சேர்க்கை விகிதம் பெருமளவில் சரிந்ததை அடுத்து, 2006–-ல் மீண்டும் ஆட்சிப் பொறுப்பேற்ற கலைஞர், நுழைவுத் தேர்வுகளால் ஏற்படும் சமூகப் பாதிப்புகளை ஆராயப் பேராசிரியர் ஆனந்தகிருஷ்ணன் தலைமையில் உயர்மட்டக் குழுவைஅமைத்தார். இக்குழுவின் பரிந்துரையின்படி, 2007–-ல்‘தமிழ்நாடு தொழில் முறை கல்வி நிறுவனங்கள் சேர்க்கை சட்டத்தை’ கொண்டு வந்தார். அதன் மூலம் தமிழ்நாட்டில் நுழைவுத் தேர்வுகள் முற்றிலுமாக ஒழிக்கப்பட்டு,
பிளஸ்-–2 மதிப்பெண் அடிப்படையிலேயே மருத்துவச் சேர்க்கை நடை
பெற்றது.
இச்சட்டம் குடியரசுத் தலைவரின் ஒப்புதலைப் பெற்ற தோடு, உச்ச நீதிமன்றத்தாலும் அங்கீகரிக்கப்பட்டு,
தமிழகத்தில் ஒரு சமூகப் புரட்சியை ஏற்படுத்தியது. அதன்பின்னர்தான், தமிழ்நாட்டின் ஒவ்வொரு குடும்பத்தில் இருந்தும், பொறியியல் பட்டதாரிகள் உருவாகினர். அடித்தட்டு, நடுத்தர வசதி கொண்ட மக்கள், தாழ்த்தப்பட்ட, பிற்படுத்தப்பட்ட மக்கள் எந்தவிதமான சிரமங்களும் இன்றி, உயர்படிப்புகளில் எளிதாக சேர முடிந்தது.
இதேபோல, மருத்துவக் கல்வியில் அகில இந்தியத் தொகுப்பில் இதர பிற்படுத்தப்பட்ட வகுப்பினருக்கான ஓ.பி.சி. இடஒதுக்கீட்டைப் பெற்றுத் தந்ததில் தி.மு..க. வின் சட்டப் போராட்டம் இந்திய அளவில் மிக முக்கிய மானது. மாநில அரசுகள் மத்திய தொகுப்பிற்கு வழங்கும் மருத்துவ இடங்களில், எஸ்சி/எஸ்டி பிரிவினருக்கு இடஒதுக்கீடு வழங்கப்பட்ட போதிலும், ஓ.பி.சி. மாணவர்களுக்கான 27 சதவீத இடஒதுக்கீடு பல ஆண்டு
களாக மத்திய அரசுகளால் மறுக்கப்பட்டு வந்தது.
இதனை எதிர்த்து தி.மு.க. சென்னை உயர் நீதிமன்றத்தில் தொடர் சட்டப் போராட்டங்களை நடத்தியது. இதன் விளைவாக, உயர் நீதிமன்றம் அமைத்த குழுவின் பரிந்துரையின்படி, 2021 ஜூலையில் மத்திய அரசு அகில இந்தியத் தொகுப்பில் ஓபிசி மாணவர்களுக்கான 27 சதவீத இடஒதுக்கீட்டை அதிகாரப்பூர்வமாக அறிவித்தது. இது தமிழக மாணவர்கள் மட்டுமின்றி, ஒட்டுமொத்த இந்தியாவிலும் உள்ள பிற்படுத்தப்பட்ட சமூக மாணவர்களின் மருத்துவக் கனவுக்குக் கிடைத்த
மாபெரும் வெற்றியாகும்.
மருத்துவப் படிப்புக்கு அகில இந்திய நுழைவுத் தேர்வு நடத்த காங்கிரஸ் ஆட்சியில் முடிவு செய்தபோது, அதை தடுத்து பாதுகாப்பு அளித்தவர் கலைஞர்தான். ஒன்றிய அரசின் அழுத்தத்துக்கு பணிந்து ‘நீட்’டுக்கு கம்பளம் விரித்தார் எடப்பாடி பழனிச்சாமி. அப்போது கழகத்தின் எதிர்ப்பும், உச்சநீதிமன்ற வழக்குகளும் விரிவாக பேச வேண்டியவன. அதன்பின்னர், 2021–ஆம் ஆண்டில் தி.மு.க. ஆட்சி அமைந்ததும், முதலமைச்சர் மு.க. ஸ்டாலின் தலைமையிலான அரசு, நீட் தேர்வினால் உருவாகியுள்ள ’ பொருளாதார மற்றும் கல்வி ரீதியான பாதிப்புகளை ஆராய’ ஓய்வுபெற்ற சென்னை உயர் நீதிமன்ற நீதியரசர் ஏ.கே. ராஜன் தலைமையில் ஒன்பது பேர் கொண்ட உயர்மட்டக் குழுவை அமைத்தது.
சுமார் 86,000-–க்கும் மேற்பட்ட பொதுமக்களின் கருத்துகளைப் பரிசீலித்து, விரிவான புள்ளி விவரங்களுடன் கூடிய 165 பக்க அறிக்கையை இக்குழு அரசிடம் சமர்ப்பித்தது. நீட் தேர்வுக்கு முந்தைய சேர்க்கை முறையையும், நீட் தேர்வுக்கு பிந்தைய சேர்க்கை முறையையும் ஒப்பிட்டு, இக்குழு வெளியிட்ட முக்கியப் புள்ளிவிவரங்கள் அதிர்ச்சியளிப்பவையாக இருந்தன.
தமிழ்நாட்டில் பிளஸ்–-2 மதிப்பெண் அடிப்படையில் மருத்துவச் சேர்க்கை நடந்தபோது, அரசுப் பள்ளி மாணவர்களின் சேர்க்கை விகிதம் சராசரியாக 14.44 சதவீதமாக இருந்தது. ஆனால், நீட் தேர்வு வந்த முதல்
ஆண்டிலேயே இந்த விகிதம் வெறும் 1.7 சதவீதமாகக் கொடூரமாகச் சரிந்தது. மேலும், நீட் தேர்வுக்கு முன் மருத்துவ இடங்களைப் பெற்ற தமிழ் வழி மாணவர்களின் எண்ணிக்கை 19.79 சதவீதமாக இருந்தது, நீட் அறிமுகத்திற்குப் பின் அது 1.6 சதவீதமாகச் சுருங்கியது; மாறாக, ஆங்கில வழி மாணவர்களின் சேர்க்கை 98 சதவீதத்திற்கும் மேலாக உயர்ந்தது.
கிராமப்புற மாணவர்களின் சேர்க்கை விகிதம் 61.5 சதவீதத்திலிருந்து 49.9 சதவீதமாகக் குறைந்ததோடு, நகர்ப்புற மாணவர்களின் சேர்க்கை 50 சதவீதத்திற்கும் மேல் அதிகரித்தது. எல்லாவற்றிற்கும் மேலாக,
பிளஸ்-–2 முடித்துவிட்டு நேரடியாக முதன்முறையாக நீட் தேர்வு எழுதி மருத்துவ இடம் பெற்றவர்களின் எண்ணிக்கை வெறும் 29 சதவீதம் மட்டுமே என்பதும், மருத்துவ இடம் பெற்றவர்களில் 71 சதவீத மாணவர்கள் லட்சக்கணக்கில் பணம் செலவழித்து, இரண்டு அல்லது மூன்று ஆண்டுகள் தனியார் பயிற்சி மையங்களில் தங்கிப் படித்தவர்கள் என்பதும் அம்பலமானது.
நீதியரசர் ஏ.கே. ராஜன் தனது அறிக்கையில், நீட் தேர்வு என்பது தகுதியை மதிப்பிடும் தேர்வு அல்ல; அது மாணவர்களைப் பிரித்தாளும் ஒரு தேர்வு என்றும், இது தொடர்ந்தால் கிராமப்புறங்களில் பணியாற்ற
மருத்துவர்கள் கிடைக்காத நிலை ஏற்படும் என்றும் மிகக் கடுமையான எச்சரிக்கையை விடுத்திருந்தது
முக்கியமானது.
இந்த ஏ.கே. ராஜன் கமிட்டியின் அறிக்கைதான், தமிழ்நாடு சட்டமன்றத்தில் ‘நீட் விலக்கு மசோதா’ நிறைவேற முதன்மைத் தரவாக அமைந்தது. 2021 செப்டம்பரில் தமிழ்நாடு சட்டமன்றத்தில் நீட் விலக்கு மசோதா முதன்முறையாக நிறைவேற்றப்பட்
டது. இதனை அப்போதைய தமிழக ஆளுநர் திருப்பி அனுப்பியதைத் தொடர்ந்து, 2022 பிப்ரவரியில் மீண்டும் ஒருமுறை சட்டமன்றத்தைக் கூட்டி, ஒருமனதாக மசோதாவை நிறைவேற்றி ஆளுநருக்கு அனுப்பியது தி.மு.க. அரசு. ஆளுநர் இந்த மசோதாவை ஒன்றிய உள்துறை அமைச்சகத்தின் வழியாகக் குடியரசுத் தலைவரின் ஒப்புதலுக்கு அனுப்பியதை அடுத்து, தற்போது இந்த மசோதா குடியரசுத் தலைவரிடம் நிலுவையில் உள்ளது. அதே நேரத்தில், நீட் தேர்வின் அரசியலமைப்புச் சட்டத் தன்மையை எதிர்த்து தமிழ்நாடு அரசு தாக்கல் செய்த அசல் வழக்கு உச்ச நீதிமன்றத்திலும் நிலுவையில் உள்ளது.
தற்போது வினாத்தாள் கசிவு மற்றும் தேர்வு முறை
கேடுகள் காரணமாகப் பல கட்சிகளும், புதிய மாணவர் அமைப்புகளும் வீதியில் இறங்கிப் போராடி வரு
கின்றன. எனினும், நீட் விலக்கில் தி.மு.க.வின் கடந்த போராட்டத்தை பேசாமல் ’நீட்’ விலக்கினை கோரிவிட முடியாது. அதிலும் சிலரோ நீட் ஒழிக்கும் மந்திரம் என்னவென்று திமுக சொல்ல வேண்டும் என மேடையில் விமர்சனம் செய்வதைப் பார்க்க முடிகிறது. அவர்களுக்கு இந்த வரலாறு தெரியாது. தெரிந்து கொள்ளவும் விரும்புவதில்லை. சட்டவடிவங்களும், சட்டமன்ற , நாடாளுமன்ற வடிவங்களும்தான் நீட் ஒழிப்பு மந்திரங்கள். அதை தி.மு.க. செய்தது. திமுக மட்டுமே செய்தது. அதற்கு அடிப்படையான காரணம் அதன் சமூகநீதிக் கொள்கை மற்றும் அரசியல் பலம்.
இன்று களத்தில் உள்ள சிறிய அமைப்புகள், கட்சிகள், போராடுவது ஜனநாயக உரிமை என்கிற சூழலில், அதில் திமுகவை மறுதலிக்கமுனைவது ’நீட் விலக்கு’ போராட்டத்தின் வலிமையை குறைக்கும் செயல்தான். தி.மு.க. தனது பலமான நாடாளுமன்ற உறுப்பினர்கள் மூலம் நாடாளுமன்ற வளாகத்திலும், மாநிலங்களவையிலும் நேரடியாக மத்திய அரசுக்கு முட்டுக்கட்டைப் போடும் தகுதியைக் கொண்டுள்ளது. ’நீட் குறித்து முழுமையான தீர்மானகரமான முடிவை கொண்டிராத காங்கிரஸ் கட்சியினரையும் தனது அரசியல் அழுத்தங்களால் ‘நீட் விலக்கு’ என்கிற உறுதியை பெற்ற கட்சி தி.மு.க. என்பதுதான் கடந்த கால வரலாறு.
தமிழகத்தில், இப்போது ’நீட்’டுக்கு எதிராகக்
குரலெழுப்புபவர்களிடம் முழக்கங்கள் மட்டுமே
உள்ளனவே தவிர, அதனை உச்ச நீதிமன்றத்திலோ அல்லது நாடாளுமன்றத்திலோ சட்டப் போராட்டமாக மாற்றுவதற்கான அரசியல் கட்டமைப்போ அல்லது வரலாற்றுப் பின்னணியோ இல்லை. அதேநேரத்தில், தி.மு.க.வின் நீட் எதிர்ப்பு என்பது தற்காலிகமான ஒரு தேர்தல் அரசியல் நகர்வு அல்ல. அது கலைஞரின் நுழைவுத் தேர்வு ஒழிப்புச் சட்டம், ஓபிசி 27 சதவீத இடஒதுக்கீட்டுப் போராட்டம்
மற்றும் ஏ.கே. ராஜன் கமிட்டியின் அறிவியல் பூர்வமான தீர்மானத்தின் தொடர்ச்சியாக, திராவிட இயக்கத்தின்
‘சமூகநீதி’ மற்றும் ‘மாநில சுயாட்சி’ என்ற இரு கண்களின் அடிப்படையிலானது.
சமீபத்திய தேர்வு முறைகேடுகளுக்குப் பின்னர்தான், “தமிழ்நாடு அன்றே சொன்னது” என்பதை ஒட்டுமொத்த இந்தியாவும் இன்று உணர்ந்து கொண்டு, நீட்டுக்கு எதிராகக் குரலெழுப்பத் தொடங்கியிருக்கிறது. இதுதான் தி.மு.க. அதன் கொள்கைப் பலம்தான் எதிர்காலத்தை முன்னோக்கிக் கவனிக்கிறது. கணிக்கிறது. தமிழ்நாட்டில் கொள்கை பலம் இல்லாதவர்களின் கூடாரத்தில் ’நீட்’ எதிர்ப்பு குரல் என்பது, அட்டைக் கத்திக்கு கூர்த்தீட்டு வதற்குச் சமம்.