புது­டெல்லி, ஜூலை.27–

நுகர்­வோர் நிலை­யில் விலை­வா­சி­கள் குறித்து அரசு அண்­மை­யில் ஆய்­வு­கள் ஏதே­னும் மேற்­கொண்­டதா? எனில், அதன் விவ­ரங்­க­ளும் அவற்­றின் வாயி­ லா­கக் கண்­ட­றிந்த நில­வ­ரம் என்ன?

சென்ற மூன்று ஆண்­டு­க­ளில், பல்­வேறு மாநி­லங்­க­ளில், தனி­ந­பர் நுகர் பொ­ருள்­க­ளுக்­கான மாதச் செலவு குறித்த விரி­வான தக­வல்­கள் என்ன?

தனி­ந­பர் நுகர்வு (consumption) அளவு மற்­றும் வாங்­கு­தி­ற­னில் (purchasing power) இந்­திய மாநி­லங்­கள் இடை­யில் பெரிய அள­வில் ஏற்­றத்­தாழ்­வு­கள் இருப்­ப­தாக இந்த ஆய்­வு­கள் தெரி­விக்­கின்­றன என்­றால் அதன் விவ­ரங்­கள் என்ன?

மாநி­லங்­கள் இடையே நில­வும் பெரிய அள­வி­லான தனி­ந­பர் வாங்­கும் / நுகர்­தி­றன் ஏற்­றத்­தாழ்வை நீக்க ஒன்­றிய அரசு கொள்கை இடை­யீடு உள்­ளிட்ட எடுத்த பல்­வேறு நிவா­ரண நட­வ­டிக்­கை­கள் என்­னென்ன?

அமைச்­ச­ரின் விளக்­கம் வரு­மாறு :–

நாட்­டில் நில­வும் கடு­மை­யான விலை­வாசி உயர்வு கார­ண­மாக பல்­வேறு மாநி­லங்­க­ளி­லும் மக்­க­ளின் பொருட்­கள் வாங்­கும் திறன், செலவு செய்­யும் சக்தி, நுகர் ஆற்­றல் (consumption capacity) ஆகி­யவை பாதிக்­க­டப் பட்­டுள்­ள­தைக் கருத்­தில் இருத்தி இந்த கேள்­வியை டி.ஆர். பாலு, எம்.பி. எழுப்பி இருந்­தார். இதற்கு ஒன்­றிய புள்­ளி­யி­யல் மற்­றும் திட்ட அம­லாக்­கல் துறைக்­கான அமைச்­சர் திரு. ராவ் இந்­தர்­ஜீத் சிங் அவர்­கள் மக்­க­ள­வை­யின் 22.7.2026 நடை­பெற்ற அமர்­வில் விரி­வான பதில் அளித்­தி­ருந்­தார்.

எழுத்து பூர்­வ­மாக அமைச்­சர் அளித்த பதி­லில் தெரி­வித்த விவ­ரங்­கள் வரு­மாறு :–

புள்­ளி­யி­யல் மற்­றும் திட்ட அம­லாக்­கல் அமைச்­ச­கம் சமீப காலத்­தில் நுகர்­வோர் அள­வி­லான விலை­வா­சி­கள் குறித்த குறிப்­பி­ டத்­தக்­க­ஆய்­வு­கள் எதை­யும் மேற்­கொள்ள வில்லை. ஆனால், நுகர்­வோர் விலை­வா­சி­கள் குறீ­யீடு (கன்ஸ்­யூ­மர் பிரைஸ் இண்­டெக்ஸ் CPI) தொகுத்­தல் சம்­பந்­தப்­பட்ட செயல்­மு­றைக் கட்­ட­மைப்பை, 2012 முதல் 2014 வரை­யி­லான கால­கட்­டத்­தில் அடித்­த­ளங்­க­ளின் முழு­மை­யான வலு­வூட்­டல் மூலம் மேற்­கொள்­ளப்­பட்­டது. 2023–24 ஆம் ஆண்­டில் நடத்­தப்­பட்ட மாதாந்­திர குடும்ப செல­வு­கள் பற்­றிய ஆய்­வு­க­ளில் கிடைத்த தர­வு­களை அடிப்­ப­டை­யா­கக் கொண்­டு­தான் இந்த முயற்சி செய்து முடிக்­கப்­ப ட்­டது. கன்ஸ்­யூ­மர் பிரைஸ் இண்­டெக்ஸ் என்­பது குடும்­பங்­கள் பயன்­ப­டுத்­தும் பொருள்­க­ளின் விலை­வா­சி­யின் அள­வை­யும் குறிப்­ப­தா­கும்.

2022–23 மற்­றும் 2023–34 ஆகிய இரண்டு ஆண்­டு­க­ளில், ஆகஸ்ட் முதல் ஜூலை வரை­யி­லான கால­கட்­டத்­தில், குடும்­பங்­க­ளின் நுகர்­வுக்­கான செலவு பற்­றிய தக­வல் சேக­ரிக்க பட்­டன. இதற்கு முன், 2011–12 ஆம் ஆண்­டில் தான் இத்­த­கைய ஆய்வு செய்ய ப் பட்­டது என்­பது குறிப்­பி­டத் தக்­கது.

இந்த ஆய்­வு­க­ளின் படி, 2023–24 ல், அனைத்­திந்­திய அள­வில் சரா­சரி தனி­ந­பர் ( per capita) மாதாந்­திர செலவு கிராம பகு­தி­யில் ரூ 4122 , நகர்ப்­புற பகு­தி­யில் ரூ 6996 என்ற அள­வில் இருந்­தது .இது, முந்­தைய ஆண்­டை­விட, கிரா­மப்­பு­றத்­தில் ரூ 340 ,நகர்ப்­பு­றத்­தில் ரூ 537 என்ற அள­வுக்கு கூடி­யுள்­ளது.

ஆனால் சிக்­கி­மில் ரூ.13927/–, சண்­டி­க­ரில் ரூ. 13425/– ,அந்­த­மான் நிகோ­பா­ரில் ரூ 10, 459 என தேசிய சரா­ச­ரியை விட மிக­மிக அதி­க­மாக உள்­ளது. மாறாக, பல மாநி­லங்­க­ளில் சரா­சரி மாதாந்­திர தனி­ந­பர் நுகர்­வுச் செலவு என்­பது, சத்­திஸ்­கர் மாநி­லத்­தில் ரூ4927/–, உத்­த­ரப் பிர­தே­சத்­தில் ரூ5395/–, ஜார்­கண்­டில் ரூ 5393/– என மிக­வும் குறைந்த அள­வில் உள்­ளது.

தமிழ் நாட்­டின் நிலைமை; தேசிய சரா­ச­ரியை விட அதி­கம்!

தமிழ்­நாட்­டைப் பொறுத்த வரை­யில், சரா­சரி தனி­ந­பர் மாதாந்­திர செலவு, 2022–23 ல் கிரா­மப் பகு­தி­யில் ரூ 5310 /– ,நகர்ப்­பு­றத்­தில ரூ.7630 /– ஆக­வும், 2023–24 ல் அதி­க­ரித்து, கிராம பகு­தி­க­ளில் ரூ 5701/– நகர்ப்­புற பகு­தி­யில் ரூ8165/– என்ற அள­வி­லும் மேம்­பட்­டுள்­ளது. தேசிய சரா­ச­ரி­யுன் ஒப்­பிட்­டால் தமிழ்­நாட்டு மக்­க­ளின் தனி­ந­பர் சரா­சரி மாதாந்­திர செலவு என்­பது, கிரா­மப் புற மக்­க­ளைப் பொறு­த­வ­ரை­யில் ரூ.1509/– கூடு­த­லாக வும், நகர்ப்­புற மக்­க­ளைப் பொறு­வரை ரூ.1169/– கூடு­த­லா­க­வும் உள்­ளது.

உ.பி., பீகார் உள்­ளிட்ட 12 மாநி­லங்­கள் பின்­தங்­கிய நிலை!

2023–24 கணக்­கெ­டுப்பு புள்­ளி­வி­வ­ரங்­க­ளின் படி தேசிய சரா­ச­ரியை விட, 12 மாநி­லங்­கள் குறை­வான தனி­ந­பர் மாதாந்­திர நுகர்வு செல­வுத் திற­னு­டன் இருப்­பது தெரி­ய­வந்­துள்­ளது . இதில், அசாம்,பீகார்,சத்­தீஸ்­கர், ஜார்­கண்ட், மத்­திய பிர­தே­சம், மணிப்­பூர், ஒரிசா, ராஜஸ்­தான், மேற்கு வங்­கம், தாத்ரா நாகர் ஹவேலி, ஜம்மு காஷ்­மீர், லட்­சத்­தீ­வு­கள் அடங்­கும்.

ஒன்­றிய அர­சின் முன்­னெ­டுப்­பு­கள்!

இந்த நிலை­யில் முன்­னேற்­றம் கொண்­டு­வர ஒன்­றிய அரசு பல்­வேறு நட­வ­டிக்­கை­களை மேற்­கொண்டு ள்ளது. கொள்கை சார்ந்த இடை­யீ­டு­க­ளும் இதில் அடங்­கும். குடும்­பங்­க­ளின் வாங்­கும் திறன் மற்­றும் நுகர்வு சக்­தியை அதி­க­ரித்­தல், மாநி­லங்­க­ளின் பொரு­ளா­தார நிலையை உயர்த்­து­தல் போன்­றவை இதில் உள்­ள­டங்­கும். குறிப்­பாக உட்­கட்­ட­மைப்பு திட்­டங்­க­ளில் தொடர்ச்­சி­யாக முத­லீடு செய்­வது, வேலை வாய்ப்­பு­கள் மற்­றும் திறன்­மேம்­பாட்­டுக்கு நீடித்த ஆத­ரவு பி.எம்.முத்ரா போன்ற நிதி உத­வித் திட்­டங்­கள் மூல­மாக எளி­தில் கடன் வழங்­கு­தல் போன்ற முன்­னெ­டுப்­பு­க­ளும் மேற்­கொள்­ளப்­பட்டு வரு­கின்­றன.

இவ்­வாறு ஒன்­றிய அமைச்­சர் ராவ் இந்­தர்­ஜீத் சிங் தனது விரி­வான பதி­லில் உரிய தர­வு­க­ளு­டன் தெரி­வித்­தார்.