புதுடெல்லி, ஜூலை 27–
திராவிடமுன்னேற்றக் கழக, மேலவை உறுப்பினர் எஸ்.ஆர். சிவலிங்கம் 23 ஜுலை 2026 அன்று மாநிலங்களவையில் கல்பாக்கம் அணுமின் நிலையத்தி
லிருந்து தோரியம் மூலமாகப் பெறப்படும் அனுமின் சக்தியின் வளர்ச்சிக்கு ஒன்றிய அரசு என்னென்ன முயற்சிகளை மேற்கொண்டுள்ளது? என்றும், புளுட்டோனியம் தனிமத்தின் பயன்பாடு எந்த அளவில் பயனுள்ளதாக உள்ளது? என்றும், இந்தியாவின் எரிசக்தி பாதுகாப்பினை உறுதிப்படுத்த ஒன்றிய அரசிடம் வேறு திட்டங்கள் ஏதும் உள்ளதா? என்றும், ஒன்றிய அரசின் அணுசக்தித் துறை இணையமைச்சர் டாக்டர் ஜிதேந்திர சிங் அவர்களிடம் விரிவான கேள்வியை எழுப்பினார்.
ஒன்றியஅரசின் அணுசக்தித் துறை; துறை இணையமைச்சர் அவர்கள் அளித்த தில் வருமாறு:-
இந்தியாவின் எரிசக்தி பாதுகாப்பினை உறுதிப்
படுத்தவும், யூரேனியம் இறக்குமதியை குறைத்துக் கொள்ளவும், தோரியம் தனிமத்திள் மூலம் செயல்
படும் பல்வேறு திட்டங் களை அணுசக்தித் துறை மேற்கொண்டு வருகிறது என்றும், முதல் நிலையில் யூரேனியம் தனிமத்தை பயன் படுத்தி கடின தண்ணீர் அனுமின் உலைகளையும் இரண்டாம் நிலையில், புளுட்டோனியம் தனிமத்தைப் பயன்படுத்தி வேகமாக செயல்படும் அணுமின் உலைகளையும், மூன்றாவது நிலையில் தோரியம் தனிமத்தைப் பயன்படுத்தி இந்தியாவின் எரிசக்தி பாதுகாப்பினை அனுசக்தித் துறை உறுதி செய்துள்ளது என்றும், பாபா அணுமின் சக்தி நிலையத்திலும் கல்பாக்கம் இந்திராகாந்தி அணுமின் சக்தி நிலையத்திலும், தோரியம் தனிமத்தின் பயன்பாடு அதிகரித்துள்ளது என்றும் இணையமைச்சர் மாநிலங்களவையில் தெரிவித்தார்.
மேலும், மும்பாய் பாபா அணுசக்தி ஆராய்ச்சி மையத்தின் உதவியுடன் அதிவேக அணு உலைகளின் மூலம் கார்பன் உமிழ்வு இல்லாத ஹைட்ரஜன் தயாரிப்பில் ஒன்றிய அரசு சாதனை புரிந்துள்ளது என்றும், காப்பர் மற்றும் குளேரின் தனிமங்களின் மின் பகுப்பாய்வு முறைகளை பின்பற்றி மின்சாரம் தயாரிக்கப்படுவதுடன் கூடவே ஹைட்ரஜன் உற்பத்தியும் உறுதி செய்யப்படுவதால், உரத்துறை, எஃகுத்துறை, வாகனப் போக்குவரத்து ஆகிய துறைகளில் ஹைட்ரஜனின் பயன்பாடுகள் அதிகரிக்க வாய்ப்புகள் ஏற்பட்டுள்ளது என்றும் பாரத் தன்னிறைவுத் திட்டத்தின் கீழ் தோரியம் தனிமத்தைப் பயன்படுத்தி மின்சாரத்தை தயாரிக்கு முயற்சியில் ஒன்றிய அரசு உறுதியாக செயல்பட்டு வருகிறது என்றும் ஒன்றிய அரசின் அணுசக்தித் துறை இணையமைச்சர் டாக்டர் ஜிதேந்திர சிங் அவர்கள் விரிவான பதிலை அளித்துள்ளார்.