சென்னை, ஜூலை 27–

நீட் தேர்வை ரத்து செய்யக்கோரி சென்னை கிண்டியில் உள்ள ஆளுநர் மாளிகையை முற்றுகையிட முயன்ற மாணவர்களை காவல்துறையினர் தடுத்து நிறுத்தியதால் இருதரப்பின ருக்கும் இடையே தள்ளுமுள்ளு ஏற்பட்டது.

நீட் வினாத்தாள் கசிவு உள்ளிட்ட குளறுபடி களுக்கு எதிராக டெல்லியில் மாணவர்கள் நடத்திய தொடர் போராட்டம் காரணமாக ஒன்றிய கல்வித்துறை அமைச்சர் தர்மேந்திர பிரதான் நேற்று பதவி விலகினார். இதனைத் தொடர்ந்து டெல்லியில் நடைபெற்ற போராட்டம் வாபஸ் பெறப்பட்டது.

இந்நிலையில், தமிழ் நாட்டிற்கு நீட் தேர்வில் இருந்து முழு விலக்கு அளிக்கக் கோரி தமிழ கத்தின் பல பகுதிகளிலும் மாணவர்களின் போராட்டம் தொடர்ந்து வருகிறது. இந்நிலையில், அகில இந்திய மாணவர் பெருமன்றத்தைச் சேர்ந்த மாணவர்கள், சென்னை சைதாப்பேட்டையில் இருந்து, கிண்டியில் உள்ள ஆளுநர் மாளிகை நோக்கி பேரணியாக புறப்பட்ட னர். அப்போது, காவல் துறையினர் அவர்களை தடுத்து நிறுத்தினர். சாலைத் தடுப்புகளை தள்ளிவிட்டு மாணவர்கள் முன்னேற முயன்றனர். இதனால், இரு தரப்பினருக்கும் இடையே தள்ளுமுள்ளு ஏற்பட்டது.

இதனைத் தொடர்ந்து நீட் தேர்வை முழுமையாக ரத்து செய்யும் வரை போராட்டம் தொடரும் என முழக்கமிட்டு மாண வர்கள் முன்னேற முயன்ற னர். அவர்களை காவல் துறையினர் குண்டுக் கட்டாக தூக்கிச் சென்று கைது செய்ததால் பதற்றம் ஏற்பட்டது.