நெல்லை,ஜூலை 27–
தமிழக முதலமைச்சர்குறித்து அவதூறாகப் பேசியதாகப் பதிவு செய்யப்பட்ட வழக்கில் கைது செய்யப் பட்டு, பாளையங் கோட்டை மத்திய சிறை யில் அடைக்கப்பட்டுள்ள விளாத்திகுளம் தி.மு.க. சட்டமன்ற உறுப்பி னர் மார்க்கண்டேயனை,தி.மு.க முன்னாள் சட்டத் துறை அமைச்சர் ரகுபதி நேரில் சந்தித்துப் பேசினார்..
முன்னதாக ஏற்கனவே கழக துணை பொதுச் செயலாளர் கனிமொழி கருணாநிதி எம்.பி.அவர்கள் மற்றும் கழக முதன்மை செயலாளர் முன்னாள் அமைச்சர் கே.என். நேரு எம்.எல்.ஏ. ஆகியோர் பாளை மத்திய சிறைக்கு சென்று மார்க்கண்டேயன் எம்.எல்.ஏ.வை சந்தித்து நலம் விசாரித்தார்கள்.
இந்நிலையில், நேற்று முன்தினம் (25 ம் தேதி) முன்னாள் அமைச்சர் ரகுபதியும் சிறைக்கு வந்தார்.சுமார் ஒரு மணி நேரத்திற்கு மேலாக இந்தச் சந்திப்பு நீடித்தது.வரும் ஜூலை 27-ஆம் தேதி மார்க்கண்டேயனின் ஜாமீன் மனு உயர் நீதி மன்றத்தில் விசாரணைக்கு வரவுள்ள நிலையில்,அது தொடர்பாக இருவரும் தீவிர ஆலோசனை நடத்தியதாகத் தெரிகிறது.
சந்திப்பிற்குப் பிறகு பின்னர் பாளையங் கோட்டை சிறை வாசலில் செய்தியா ளர்களைச் சந்தித்த
முன்னாள் அமைச்சர் ரகுபதி பேசிய தாவது.
ஒரு பொதுக்கூட்டத்தில் பேசும்போது ‘எலும்பை முறித்து விடுவேன்’ என்று கூறியது பேச்சுவாக்கில் வந்த வார்த்தை. அது குற்றமாகாது.ஆனால், டிஎஸ்பி மூலம் நீதித் துறைக்கு அழுத்தம் கொடுத்து இந்த சட்ட நடவடிக்கைகள் எடுக்கப்பட்டுள்ளது.
கரூர் சம்பவத்தைப் பார்த்து யாரும் கண்ணீர் விடவில்லை ஆனால் இன்று ‘ஜனநாயகம்’ படத்தைப் பார்த்துவிட்டு கண்ணீர் விடுகிறார்கள். நம்முடைய சட்டமன்றம் தற்போது ஒரு திரைப்படக் கொட்டகை யாக மாறி யிருக்கிறது. இது மக்களைக் காப்பாற்றும் அரசு அல்ல சினிமா பார்க்கும் அரசு.
முதல்வர் பேசும்போது சட்டமன்றக் கதவுகளை மூட வேண்டும் என்று கூறு வது உரிமை மீறல் இல்லையா? கதவை மூடுவதற்கு யாருக்கு என்ன உரிமை உள்ளது? ‘எலும்பை முறிப்பேன்’ என்று சொன்னது மட்டும் குற்றமா, முதலமைச்சர் கதவைச் சாத்தச் சொல்வது நியாயமா? என கேள்வி எழுப்பினார்.
சபையில் சில குற்றச் சாட்டுகள் வைக்கப் படும்போது வெளி நடப்பு செய்ய சட்டமன்ற உறுப்பி னர்களுக்கு முழு உரிமை உண்டு.ஆனால் சட்ட பேரவை தலைவர் ஒரு தலைப்பட்சமாகச் செயல்படுகிறார்.தனது கடைசி காலத்தில் கிடைத்திருக்கும் வாய்ப்பை அவர் இப்படிப் பயன்படுத்துகிறார்.
வெள்ளைக்காரன் ஆட்சியில் கூட பொது மக்களுக்கு பேசுவதற்கு உரிமை இருந்தது.
ஆனால், தற்போதைய விஜய் ஆட்சியில் பேசு வதற்கு உரிமை இல்லை.அரசை விமர்சனம் செய்தாலே வழக்கு போடும் நிலை தான் உள்ளது.தமிழகத்தில் உள்ள கோவில் நிலங்கள் சூறையாடும் ஆட்சியாக இது இருக்கிறது.
மனோன்மணியம் சுந்தரனார் பல்கலைக் கழகத்தில் தமிழ்த்தாய் வாழ்த்து மூன்றாவது இடத்திற்குத் தள்ளப்பட உள்ளதற்குக் காரணம், ஆட்சியாளர்கள் பா.ஜ.க. வின் ஸ்லீப்பர் செல்லாகச் செயல்படுவதுதான். தமிழ்நாட்டு மக்களைப் பற்றி சிந்திக்க யாருக்கும் நேரமில்லை.பா.ஜ.க.வை எதிர்த்து உண்மையான அரசியல் செய்யும் ஒரே கட்சி தி.மு.க. மட்டும்தான்.”
அ.தி.மு.க.மற்றும் டி.வி.கே.இணைந்து ஆட்சி அமைக்கத் திட்டமிட்டனர்.அதில் தி.மு.க.வுக்குத் தொடர்பில்லை என டிடிவி தினகரன் கூறியுள்ளது குறித்த கேள்விக்கு நாங்கள் எப்போதுமே கொல்லைப்புற வழியாக ஆட்சியைப் பிடிக்க மாட்டோம்.ஒன்றிய கல்வி அமைச்சர் தர்மேந்திர பிரதான் தனது பதவியை ராஜினாமா செய்தது குறித்த செய்தியாளர்களின் கேள்விக்குப் பதிலளித்த ரகுபதி, “நீண்ட நாட்க ளாகப் போராடி வரும் போராட்டக்காரர்களின் கோரிக்கைக்குக் கிடைத்த வெற்றி இது. அதனால்தான் அவர் தனது பதவியை ராஜினாமா செய்தி ருக்கிறார்” என்று தெரி வித்தார்.
இவ்வாறு அவர் கூறினார்.
அப்போது நெல்லை மேற்கு மாவட்ட பொறுப்பாளர் இரா.ஆவுடையப்பன், மத்திய மாவட்ட பொறுப்பாளர் மு.அப்துல் வகாப் எம்.எல்.ஏ,முன்னாள் அமைச்சர் மைதீன்கான்,மாநில அணி நிர்வாகிகள் விஜிலா சத்யானந்த்,கணேஷ் குமார் ஆதித்தன்,நெல்லை கிழக்கு மாநகர பொறுப்பாளர் தினேஷ் உள்பட கழகத்தினர் பலர் உடன் இருந்தனர்.