புதுடெல்லி, ஜூலை 27 –
வேலூர் மக்களவைத் தொகுதியில் உள்ள அணைக்கட்டில் “ஒருங்கிணைந்த பழக்கூழ் ஆராய்ச்சிமையம்” ஒன்றை நிறுவ, போதுமான நிதியை ஒதுக்கீடு செய்யுமாறு ஒன்றிய அரசை வலியுறுத்தி -நாடாளுமன்ற மக்களவையில் விதி எண். 377ன் கீழ் வேலூர் மக்களவைத் தொகுதி எம்.பி. டி.எம்.கதிர் ஆனந்த் கோரிக்கை விடுத்தார்.
தமிழ்நாட்டின் வேலூர்பகுதி, சிறந்த காலநிலை மற்றும் வளமான மண்ணைக் கொண்டிருப்பதால், வெப்பமண்டலப் பழங்களின் உற்பத்தி அதிகமாக உள்ளது. உள்ளூர் விளைச்சல்கள், குறிப்பாக மாம்பழம், வாழைப்பழம், கொய்யா, சீதாப்பழம் போன்ற பழங்களின் அதிக விளைச்சல், பிராந்திய தோட்டக்கலைக்கு குறிப்பிடத்தக்க பங்களிப்பை அளிக்கின்றன.
ஆனால், வேலூரில் தனியாகவோ அல்லது அரசு நிதியுதவியுடனோ “ஒருங்கிணைந்த பழக்கூழ் ஆராய்ச்சி மையம்” எதுவும் இல்லை.
மாம்பழம் போன்ற பழச்சாறுகளின் சுவையையும், சேமிப்புக் காலத்தையும் மேம்படுத்துவதற்காக,சிட்ரிக் மற்றும் மாலிக் அமிலங்களை உகந்ததாக்குவதில் கவனம் செலுத்தும் ஆராய்ச்சிஆய்வுகளை அரசு தொடங்க வேண்டும்.
ஊட்டச்சத்துத் தரத்தை மேம்படுத்துவதற்காக, வாழைப்பழக் கூழ் மற்றும் தோல் நார் ஆகியவற்றை பால் பொருட்களில் (தயிர் மற்றும் யோகர்ட் போன்றவை) சேர்ப்பது குறித்த ஆராய்ச்சியைத் தொடங்க வேண்டிய அவசரத் தேவை உள்ளது.
தாவர வேதிப் பகுப்பாய்வின் மூலம், பிராந்தியப் பழங்கள் மற்றும் பனை மரங்களின் சதைப்பகுதியை ஆய்வு செய்து, ஃபிளாவனாய்டுகளைக் கண்டறிந்து, செயல்பாட்டு உணவுகள் மற்றும் மருந்துப் பயன்பாடுகளுக்கான உயிரியல் செயல்பாட்டுக் கலவைகளைப் பிரித்தெடுப்பது, பழக்கூழ் துறைக்கு மதிப்புக்கூட்டலை வழங்கும்.
வேம்பு மற்றும் சீதாப்பழம் போன்ற பழக்கூழ் சாறுகளைப் பயன்படுத்தி, ஆக்சிஜனேற்றத் தடுப்பு மற்றும் பாக்டீரியா எதிர்ப்புப் பயன்பாடுகளுக்காக நானோ துகள்களைத் தொகுக்கபசுமை நானோ தொழில்நுட்பத்தைப் பயன்படுத்துதல்.
இதை நனவாக்கவும், உற்பத்தி செய்யப்படும்பழங்களைச் சிறந்த முறையில்பயன்படுத்தவும், தமிழ்நாட்டின் வேலூரில் உள்ளஅணைக்கட்டில் “ஒருங்கிணைந்த பழக்கூழ் ஆராய்ச்சி மையத்தை”நிறுவ வேண்டும் என்று மத்திய அரசை நான் வலியுறுத்தி கேட்டுக்கொள்கிறேன்.
இவ்வாறு கதிர் ஆனந்த் எம்.பி. நாடாளுமன்ற மக்களவையில் விதி எண் 377ன் கீழ் கோரிக்கை விடுத்தார்.