புது­டெல்லி, ஜூலை27 –

ஏற்­று­மதி ஊக்­கு­விப்பு குறித்து வழக்­க­மான பதிலை மட்­டுமே அளித்த ஒன்­றிய அரசு; ஈரோடு உள்­ளிட்ட ஏற்­று­மதி மாவட்­டங்­க­ளின் தேவை­க­ளுக்கு தெளி­வான பதில் இல்லை என மக்­க­ள­வை­யில் கே.இ.பிர­காஷ் குற்­றம் சாட்­டி­னார்.

ஈரோடு மக்­க­ளவை உறுப்­பி­னர் கே.இ.பிர­காஷ், ஜவுளி, கைத்­தறி, ஆடை­கள், மசாலா பொருட்­கள் மற்­றும் வேளாண் சார்ந்த பொருட்­கள் உள்­ளிட்ட தொழி­லா­ளர் அதி­கம் சார்ந்த துறை­க­ளின் ஏற்­று­ம­தியை மேம்­ப­டுத்­து­வ­தில், குறிப்­பாக தமிழ்­நாட்­டின் ஈரோடு போன்ற ஏற்­று­மதி மைய மாவட்­டங்­க­ளில் உற்­பத்­தி­யா­கும் பொருட்­களை உல­கச் கொண்டு செல்ல இந்­தி­யத் தூத­ர­கங்­கள் மற்­றும் வெளி­நா­டு­க­ளில் உள்ள இந்­தி­யத் தூத­ரக அலு­வ­ல­கங்­கள் வகிக்­கும் பங்கை ஒன்­றிய வெளி­யு­ற­வுத் துறை அமைச்­ச­கம் மதிப்­பீடு செய்­துள்­ளதா என்று விளக்­கம் கோரி­னார்.

மேலும், குறு, சிறு மற்­றும் நடுத்­த­ரத் தொழில் நிறு­வ­னங்­கள் (MSME) மற்­றும் ஏற்­று­மதி மையத் தொழில்­துறை குழு­மங்­க­ளின் பொரு ட்­களை ஊக்­கு­விக்­கும் வகை­யில், இந்­தி­யத் தூத­ர­கங்­கள் மேற்­கொண்ட வர்த்­தக மேம்­பாட்டு நட­வ­டிக்­கை­கள், சந்தை வச­தி­கள் ஏற்­ப­டுத்­து­தல், வாங்­கு­ப­வர்-­­விற்­ப­னை­யா­ளர் சந்­திப்­பு­கள் மற்­றும் துறை­வா­ரி­யான விழிப்­பு­ ணர்வு முயற்­சி­கள் குறித்த விவ­ரங்­க­ளை­யும் கேட்­டுக்­கொண்­டார்.

அத்­து­டன், ஒன்­றிய வர்த்­த­கம் மற்­றும் தொழில்­துறை அமைச்­ச­கம் மற்­றும் பிற தொடர்­பு­டைய அமைச்­ச­கங்­க­ளு­டன் இணைந்து, சுங்­கம் அல்­லாத வர்த்­த­கத் தடை­கள், சுகா­தார மற்­றும் தாவர சுகா­தார (SPS) விதி­மு­றை­கள், நிலைத்­தன்­மைத் தர­நி­லை­கள் மற்­றும் இந்­திய ஏற்­று­ம­தியை பாதிக்­கும் பிற சந்தை அணு­கல் சவால்­களை எதிர்­கொள்ள வெளி­நாட்டு அர­சு­கள் மற்­றும் சர்­வ­தேசஅமைப்­பு­க­ளு­டன் ஒன்­றிய வெளி­யு­ற­வுத் துறை அமைச்­ச­கம் மேற்­கொண்ட நட­வ­டிக்­கை­கள் மற்­றும் அவற்­றின் விளை­வு­கள் குறித்­தும் விளக்­கு­மாறு கேட்­டுக்­கொண்­டார்.

இதற்கு வெளி­யு­ற­வுத் துறை அமைச்­ச­கம் அளித்த பதில் வரு­மாறு:–

(அ) மற்­றும் (ஆ): ஆம் வெளி­நா­டு­க­ளில் உள்ள இந்­தி­யத் தூத­ர­கங்­கள் மற்­றும் இந்­தி­யத் தூத­ரக அலு­வ­ல­கங்­கள் மேற்­கொள்­ளும் வர்த்­தக மற்­றும் வணிக மேம்­பாட்டு நட­வ­டிக்­கை­கள் உட்­பட அவற்­றின் பணி­களை அமைச்­ச­கம் தொடர்ந்து மதிப்­பீடு செய்து வரு­கி­றது. ஜவுளி, கைத்­தறி, ஆடை­கள், மசாலா பொருட்­கள் மற்­றும் வேளாண் சார்ந்த பொருட்­கள் போன்ற தொழி­லா­ளர் அதி­கம் சார்ந்த துறை­க­ளி­ லி­ருந்து நாடு முழு­வ­தும் நடை­பெ­றும் ஏற்­று­ம­தியை ஊக்­கு­விப்­பது, இந்­தி­யத் தூத­ர­கங்­க ­ளின் முக்­கி­யப் பொறுப்­பு­க­ளில் ஒன்­றா­கும்.

இந்­தத் தூத­ர­கங்­க­ளின் வணி­கப் பிரி­வு­கள், இந்­திய ஏற்­று­ம­தி­யா­ளர்­கள் மற்­றும் ஏற்­று­மதி மேம்­பாட்டு கவுன்­சில்­கள் சர்­வ­தேச வர்த்­த­கக் கண்­காட்­சி­க­ளில் பங்­கேற்­ப­தற்கு உத­வு­வ­து­டன், வாங்­கு­ப­வர்-­­விற்­ப­னை­யா­ளர் சந்­திப்­பு­கள், சாலை விளக்க நிகழ்ச்­சி ­கள் (Roadshows) ஆகி­ய­வற்றை நடத்தி, சந்தை தொடர்­பான தக­வல்­க­ளை­யும் வழங்­கு­கின்­றன. மேலும், MSME நிறு­வ­னங்­கள் உட்­பட இந்­திய ஏற்­று­ம­தி­யா­ளர்­க­ளி­ட­மி­ருந்து வரும் வர்த்­த­கக் கேள்­வி­க­ளுக்கு பதி­ல­ ளிப்­ப­தோடு, வர்த்­தக வாய்ப்­பு­கள், டெண்­டர்­கள் மற்­றும் ஒழுங்­கு­மு­றைத் தேவை­கள் தொடர்­பான தக­வல்­க­ளை­யும் பரப்­பு­கின்­றன.

புதி­தாக அறி­மு­கப்­ப­டுத்­தப்­பட்ட ஏற்­று­மதி மேம்­பாட்டு இயக்­கத்­தின் (Export Promotion Mission - EPM) கீழ், இந்­தி­யத் தூத­ர­கத் தலை­வர்­கள் (Heads of Missions HOMs) மற்­றும் வணிக பிர­தி­நி­தி­கள் (Commercial Representatives - CRs) ஆகி­யோ­ருக்­காக ஐந்து உயர்­மட்­டப் பயி­ல­ரங்­கு­கள் நடத்­தப்­பட்டு, ஏற்­று­மதி ஊக்­கு­விப்பு நட­வ­டிக்­கை­க­ளில் “நாடு முழு­வ­தை­ யும் உள்­ள­டக்­கிய ஒருங்­கி­ணைந்த அணு­கு­முறை” (Whole of Nation Approach) வலுப்­ப­டுத்­தப்­பட்­டுள்­ளது.

மேலும், ஜவுளி மற்­றும் கைத்­தறி பொருட்­க­ளின் ஏற்­று­ம­தியை முன்­னு­ரிமை நாடு­க­ளில் ஊக்­கு­விக்­கும் பணி­க­ளில், ஜவு­ளித்­துறை அமைச்­ச­ கத்­து­டன் இணைந்து வெளி­யு­ற­வுத் துறை அமைச்­ச­கம் செயல்­பட்டு வரு­கி­றது.

அதே­போல், ஒரு மாவட்­டம் ஒரு தயா­ரிப்பு (One District One Product - ODOP) திட்­டத்­தின் கீழ் தயா­ரிக்­கப்­ப­டும் பொருட்­க­ளின் சந்­தைப்­ப­டுத்­த­லுக்­கும் பல்­வேறு முயற்­சி­கள் மேற்­கொ ள்­ளப்­பட்டு வரு­கின்­றன. இதன் மூலம் கிரா­மப்­புற கைவி­னைக் கலை­ஞர்­கள் மற்­றும் MSME நிறு­வ­னங்­கள் பயன்­பெற்று வரு­கின்­றன.

(இ): வெளி­யு­ற­வுத் துறை அமைச்­ச­க­மும், வெளி­நா­டு­க­ளில் உள்ள இந்­தி­யத் தூத­ர­கங்­க­ளும், வர்த்­த­கத் துறை, பிற தொடர்­பு­டைய அமைச்­ச­கங்­கள், மாநில அர­சு­கள், ஏற்­று­மதி மேம்­பாட்டு கவுன்­சில்­கள் மற்­றும் வர்த்­தக அமைப்­பு­க­ளு ­டன் இணை ந்து, சுங்­கம் அல்­லாத வர்த்­த­கத் தடை­கள், சந்தை அணு­கல் தேவை­கள், சுகா­தார மற்­றும் தாவர சுகா­தார (SPS) நட­வ­டிக்­கை­கள், தொழில்­நுட்ப வர்த்­த­கத் தடை­கள் (TBT) உள்­ளிட்ட விவ­கா­ரங்­க ­ளில் வெளி­நாட்டு அர­சு­கள் மற்­றும் சர்­வ­தேச அமைப்­பு­க­ளு­டன் தொட ர்ந்து தொட ர்பு கொண்டு செயல்­பட்டு வரு­கின்­றன.

மேலும், வெளி­நா­டு­க­ளில் அமல்­ப­டுத்­தப்­ப­டும் புதிய தர­நி­லை­கள் மற்­றும் ஒழுங்­கு­முறை மாற்­றங்­கள் குறித்து இந்­தி­யா­வில் உள்ள தொடர்­பு­டைய அதி­கா­ரி­க­ளுக்­கும் பங்­கு­தா­ரர்­க­ளுக்­கும் தொடர்ந்துதக­வல்­கள் வழங்­கப்­பட்டு வரு­கின்­றன. இந்­திய ஏற்­று­ம­திக்­கான சந்தை அணு­கலை பாது­காத்து விரி­வு­ப­டுத்­து­வதே இதன் நோக்­க­மா­கும்.

இவ்­வாறு பதி­ல­ளித்­துள்­ளார்.