சென்னை,ஜூலை 27–

அளித்த வாக்­கு­று­தியை, வரும் ஆகஸ்ட் 5-ஆம் தேதி தாக்­கல் செய்­யப்­பட உள்ள த.வெ.க . அர­சின் முதல் நிதி­நிலை அறிக்­கை­யி­லேயே நிறை­வேற்ற வேண்­டும் என்று கொங்­கு­நாடு மக்­கள் தேசி­யக் கட்­சி­யின் பொதுச்­செ­ய­லா­ள­ரும், முன்­னாள் எம்.எல்.ஏ. வுமான ஈ.ஆர். ஈஸ்­வ­ரன் வலி­யு­றுத்­தி­யுள்­ளார்.

இது­கு­றித்து அவர் வெளி­யிட்­டுள்ள அறிக்­கை­யில், தமி­ழக வெற்­றிக் கழ­கம் தேர்­தல் அறிக்­கை­யில் ஆட்­சிக்கு வந்­தால் வேலை­யில்லா இளை­ஞர்­க­ளுக்கு மாதந்­தோ­றும்ரூ.4,000 வழங்­கப்­ப­டும் என்று அந்த வாக்­கு­று­தியைநம்பி லட்­சக்­க­ணக்­கான இளை­ஞர்­கள் வாக்­க­ளித்து தற்­போ­தைய அரசை ஆட்­சிக்கு கொண்டு வந்­த­தாக குறிப்­பிட்­டுள்­ளார். வேலை தேடும் காலத்­தில் தேவை­யான நிதி ஆத­ர­வா­க­வும், தவ­றான வழி­யில் பணம் சம்­பா­திக்­கும் நிலை­யைத் தவிர்க்­க­வும் இந்த உத­வித்­தொகை பய­னுள்­ள­தாக இருக்­கும் என்­றும் தெரி­வித்­துள்­ளார்.

புதிய முத­லீ­டு­கள் எதிர்­பார்த்த அள­வில் வரா­த­தும், அரசு பணி­யி­டங்­க­ளில் புதிய நிய­ம­னங்­கள் இல்­லா­த­தும் கார­ண­மாக வேலை­யில்லா இளை­ஞர்­கள் பொரு­ளா­தார நெருக்­க­டியை எதிர்­கொள்­வ­தாக அவர் கூறி­யுள்­ளார். பல இளை­ஞர்­கள் பெற்­றோ­ரி­டம் பணம் கேட்க முடி­யா­மல் மன­அ­ழுத்­தத்­து­டன் வாழும் சூழல் இருப்­ப­தா­க­வும், வரு­மா­ன­மின்றி இருக்­கும் இளை­ஞர்­கள் தன்­மா­னத்­து­டன் வாழ இந்­தத் திட்­டம் பெரும் உத­வி­யாக அமை­யும் என்­றும் தெரி­வித்­துள்­ளார்.

எனவே, நிதி­நி­லையை கார­ணம் காட்டி திட்­டத்­தைத் தவிர்க்­கா­மல், தேர்­தல் வாக்­கு­று­தியை நிறை ­வேற்­றும் வகை­யில் வேலை­யில்லா இளை­ஞர்­க­ளுக்கு மாதந்­தோ­றும் ரூ.4,000 வழங்­கும் திட்­டத்தை முதல் நிதி­நிலை அறிக்­கை­யில் அறி­விக்க வேண்­டும் என்று ஈ.ஆர். ஈஸ்­வ­ரன் வலி­யு­றுத்­தி­யுள்­ளார்.