புதுடெல்லி,ஜூலை.27–

தென் சென்னை மக்­க­ள­வைத் தொகுதி உறுப்­பி­னர் தமி­ழச்சி தங்­க­பாண்­டி­யன், இந்­தியா செமி­கண்­டக்­டர் மிஷன் (ISM 2.0), தமிழ்­நாட்­டில் செமி­கண்­டக்­டர் முத­லீ­டு­கள், இந்­தியா AI மிஷன் மற்­றும் பொது சேவை மையங்­கள் (CSC) குறித்து மக்­க­ள­வை­யில் கேள்வி எழுப்­பி­னார்.

அதா­வது, 2024ஆம் ஆண்டு தமிழ்­நாடு அறி­வித்த செமி­கண்­டக்­டர் கொள்­கை­யின் கீழ் 50 சத­வீ­தம் வரை கூடு­தல் மூல­தன மானி­யம் அறி­விக்­கப்­பட்டு, திருப்­பெ­ரும்­பு­தூ­ரில் வலு­வான மின்­னணு உற்­பத்தி மையம் இருந்­த­போ­தி­லும், இந்­தியா செமி­கண்­டக்­டர் மிஷ­னின் கீழ் அங்­கீ­க­ரிக்­கப்­பட்ட ஃபேப் (Fab) அல்­லது டிஸ்ப்ளே திட்­டங்­கள் தமிழ்­நாட்­டில் அமைக்­கப்­ப­டா­தது குறித்து அர­சின் கவ­னம் சென்­றுள்­ளதா?

ISM 2.0 திட்­டத்­தில் உப­க­ர­ணங்­கள், மூலப் பொ­ருட்­கள் மற்­றும் அறி­வு­சார் சொத்­து­ரிமை ஆகி­ய­வற்­றுக்கு அதிக முக்­கி­யத்­து ­வம் வழங்­கப்­ப­டு­வ­தால், தமிழ்­நாட்­டின் ATMP/OSAT மற்­றும் வடி­வ­மைப்பு சார்ந்த தொழில்­து­றைக்கு பாதிப்பு ஏற்­ப­டுமா?

திரு­நெல்­வேலி மற்­றும் தூத்­துக்­கு­டி­யில் ரூ.80,000 கோடி மதிப்­பில் பரி­சீ­ல­னை­யில் உள்ள தைவான் முத­லீட்டு திட்­டத்­திற்­கான துறை­முக வசதி, சிறப்பு பொரு­ளா­தார மண்­டல அறி­விப்பு மற்­றும் மின்­சார ஒதுக்­கீடு தொடர்­பான ஒன்­றிய அர­சின் ஒப்­பு­தல்­க­ளின் நிலை என்ன?

மேலும், இந்­தி­யா­வின் சொந்த செயற்கை நுண்­ண­றிவு (AI), பெரிய மொழி மாதிரி (LLM) திறனை உரு­வாக்க ஒன்­றிய அரசு எடுத்­துள்ள நட­வ­டிக்­கை­கள் என்ன? இந்­தியா AI மிஷ­னின் கீழ் தமிழ்­நாட்­டிற்கு வழங்­கப்­பட்ட GPU/கணினி வள ஒதுக்­கீடு மற்­றும் AI சிறப்பு மையங்­க­ளுக்­கான நிதி எவ்­வ­ளவு? தமிழ்­நாட்­டின் கிரா­மப்­புற மற்­றும் மலைப்­ப­கு­தி­க­ளில் செயல்­ப­டும் பொதுச் சேவை மையங்­க­ளின் எண்­ணிக்கை தேசிய சரா­ச­ரி­யு­டன் ஒப்­பி­டு­கை­யில் எந்த நிலை­யில் உள்­ளது? என்று கேள்வி எழுப்­பி­னார்.

இதற்கு ஒன்­றிய மின்­னணு மற்­றும் தக­வல் தொழில்­நுட்ப அமைச்­சர் அஸ்­வினி வைஷ்­ணவ் எழுத்­துப்­பூர்­வ­மாக பதில் அளித்­தார். அந்த பதி­லில்,–

‘ஆத்­ம­நிர்­பர் பாரத்’ நோக்­கத்­தின் அடிப்­ப­டை­யில், மின்­னணு உற்­பத்திமற்­றும் செமி­கண்­டக்­டர் துறை­யின் முழு மதிப்­புச் சங்­கி­லி­யை­யும் மேம்­ப­டுத்த மத்­திய அரசு பல்­வேறு கொள்கை நட­வ­டிக்­கை­களை மேற் கொண்டுள்­ளது. 2014–15ஆம் ஆண்­டு­டன் ஒப்­பி­டும்­போது, 2025–26ஆம் ஆண்­டில் மின்­னணு பொருட்­கள் உற்­பத்தி 7 மடங்­கா­க­வும், ஏற்­று­மதி 11 மடங்­கா­க­வும், மொபைல் போன் உற்­பத்தி 33 மடங்­கா­க­வும், மொபைல் போன் ஏற்­று­மதி 165 மடங்­கா­க­வும் உயர்ந்­துள்­ளது. தற்­போது நாட்­டில் விற்­ப­னை­யா­கும் மொபைல் போன்­க­ளில் 99.2 சத­வீ­தம் இந்­தி­யா­வி­லேயே உற்­பத்தி செய்­யப்­ப­டு­கின்­றன. இந்­தத் துறை சுமார் 25 லட்­சம் பேருக்கு வேலை­வாய்ப்பை உரு­வாக்­கி­யுள்­ளது.

தமிழ்­நாட்­டில் செங்­கல்­பட்டு, சென்னை, காஞ்­சி­பு­ரம், கிருஷ்­ண­கிரி, தூத்­துக்­குடி, திரு­நெல்­வேலி, திரு­வள்­ளூர் உள்­ளிட்ட மாவட்­டங்­க­ளில் பல மின்­னணு உற்­பத்தி ஆலை­கள் அமைக்­கப்­பட்­டுள்­ளன. மேலும் மண­லூர் மற்­றும் பிள்­ளைப்­பாக்­கம் ஆகிய இடங்­க­ளில் மின்­னணு உற்­பத்தி குழு­மங்­கள் அமைக்க ஒன்­றிய அரசு ஆத­ரவு வழங்­கி­யுள்­ளது.

செமி­கண்­டக்­டர் துறை­யின் வளர்ச்­சிக்­காக 2022ஆம் ஆண்டு தொடங்­கப்­பட்ட செமி­கான் இந்­தியா திட்­டத்­தின் கீழ், ஆந்­தி­ரப் பிர­தே­சம், அசாம், குஜ­ராத், பஞ்­சாப், ஒடிசா மற்­றும் உத்­த­ரப் பிர­தே­சம் ஆகிய 6 மாநி­லங்­க­ளில் ரூ.1.64 லட்­சம் கோடி முத­லீட்­டில் 12 உற்­பத்­தித் திட்­டங்­கள் ஒப்­பு­தல் பெற்­றுள்­ளன. இதில் 3 ஆலை­கள் ஏற்­க­னவே வணிக உற்­பத்­தி­யைத் தொடங்­கி­யுள்­ளன. முத­லீட்­டா­ளர்­களே தங்­க­ளுக்­கான இடத்­தைத் தேர்வு செய்­வ­தால், மத்­திய அரசு அனைத்து மாநி­லங்­க­ளி­லும் பர­வ­லான தொழில்­துறை வளர்ச்­சியை ஊக்­கு­வித்து வரு­கி­றது என்று தெரி­விக்­கப்­பட்­டுள்­ளது.

செமி­கண்­டக்­டர் வடி­வ­மைப்பு துறையை ஊக்­கு­விக்­கும் வகை­யில், Design Linked Incentive (DLI) திட்­டத்­தின் கீழ் சென்னை மற்­றும் கோயம்­புத்­தூ­ரைச் சேர்ந்த பல நிறு­வ­னங்­க­ ளுக்கு நிதி மற்­றும் மின்­னணு வடி­வ­மைப்பு தானி­யக்க (EDA) கரு­வி­கள் வழங்­கப்­பட்­டுள்­ளன. மேலும், தமிழ்­நாட்­டில் உள்ள 61 கல்வி நிறு­வ­னங்­க­ளில் செமி­கண்­டக்­டர் திறன் மேம்­பாட்­டிற்கு மத்­திய அரசு ஆத­ரவு வழங்கி வரு­கி­றது.

2026 ஜூலை 15ஆம் தேதி அமைச்­ச­ரவை ஒப்­பு­தல் அளித்த Semicon 2.0 திட்­டம், முந்­தைய திட்­டத்­தின் எந்­தப் பிரி­வை­யும் நீக்­க ­வில்லை. மாறாக, முழு­மை­யான செமி­கண்­டக்­டர் சூழலை உரு­வாக்­கும் வகை­யில் வடி­வ­மைக்­கப்­பட்­டுள்­ள­தால், தமிழ்­நாடு உள்­ளிட்ட அனைத்து மாநி­லங்­க­ளுக்­கும் புதிய முத­லீட்டு வாய்ப்­பு­களை உரு­வாக்­கும் என்று தெரி­விக்­கப்­பட்­டுள்­ளது.

திரு­நெல்­வேலி மற்­றும் தூத்­துக்­கு­டி­யில் ரூ.80,000 கோடி மதிப்­பி­லான தைவான் முத­லீட்டு திட்­டம் தொடர்­பாக, கேள்­வி­யில் குறிப்­பி­டப்­பட்­டுள்ள வகை­யில் எந்த விண்­ணப்­ப­மும் இது­வரை அமைச்­ச­கத்­திற்கு வர­வில்லை என்று மத்­திய அரசு தெரி­வித்­துள்­ளது.

இந்­தியா AI மிஷ­னின் கீழ், 12 பெரிய மொழி மாதி­ரி­கள் (LLM), 8 சிறிய மொழி மாதி­ரி­கள் (SLM) உட்­பட மொத்­தம் 20 உள்­நாட்டு AI மாதிரி முன்­மொ­ழி­வு­க­ளுக்கு ஆத­ரவு வழங்­கப்­ப­டு­கி­றது. மேலும், மாநி­லங்­கள் மற்­றும் யூனி­யன் பிர­தே­சங்­க­ளு­டன் இணைந்து 58 செயற்கை நுண்­ண­றிவு சிறப்பு மையங்­களை (AI–CoE) அமைக்க ஒப்­பு­தல் அளிக்­கப்­பட்­டுள்­ளது. இதில் தமிழ்­நாட்­டிற்கு 2 AI சிறப்பு மையங்­கள் அங்­கீ­க­ரிக்­கப்­பட்­டுள்­ளன. இந்­தி­யா–­அ­மெ­ரிக்கா ஒத்­து­ழைப்­பின் கீழ் AI ஆராய்ச்சி, கணினி வளங்­கள் மற்­றும் செயலி அணு­கலை மேம்­ப­டுத்­தும் பணி­க­ளும் முன்­னெ­டுக்­கப் பட்டு வரு­கின்­றன.

பொதுச் சேவை மையங்­கள் (CSC) தொடர்­பாக, 2026 மே 31 நில­வ­ரப்­படி நாடு முழு­வ­தும் 5,01,731 CSC–களும், அதில் 3,91,160 கிரா­மப்­பு­றங்­க­ளில் செயல்­பட்டு வரு­கின்­றன. தமிழ்­நாட்­டில் மொத்­தம் 18,632 CSC–கள் செயல்­பட்டு வரு­வ­து­டன், அவற்­றில் 12,379 கிரா­மப்­பு­றங்­க­ளில் அமைந்­துள்­ளன என அமைச்­சர் தெரி­வித்­துள்­ளார்.