சென்னை, ஜூலை 27–
மாணவர்களின் தெளிவையும், துணிவையும், உணர்வையும் அதிகாரத்தில் இருப்போர் குறைத்து மதிப்பிடுகிறார்கள். அநீதியை ஏற்காமல் நடைபெறும் இந்த எழுச்சி ஒரு தலைமுறைக்கு ஊக்கமளிக்கட்டும் எனவும், அதே வேளையில் ஒன்றிய கல்வி அமைச்சர் பதவி விலகல் முற்றல்ல, மூன்று வேளாண் சட்டத்தை திரும்பப் பெற வைத்ததுபோல் நீட்டையும் ஒழித்தே தீருவோம். தங்களின் உரிமைகளுக்கான போராட்டத்தில் வென்ற இளைஞர்கள், மாணவர்களுக்கு தமது பாராட்டுக்களைத் தெரிவித்துக்கொள்கிறேன் எனவும் கழகத் தலைவர் மு.க.ஸ்டாலின் அவர்கள் தெரிவித்துள்ளார்.
கழகத் தலைவர் மு.க.ஸ்டாலின் அவர்கள் விடுத்துள்ள சமூக வலைத்தளப் பதிவில்கூறியிருப்பதாவது:–
இந்தியாவின் உழவர்கள் முதலில் சாதித்துக் காட்டினார்கள்.
இப்போது இளைஞர்கள் நடத்திக் காட்டியிருக்கிறார்கள்.
நாடு முழுதும் களத்திலும் இணையத்திலும் தங்களது உரிமைகளுக்காகப்போராடி இந்த வெற்றியைப் பெற்றுள்ள இளைஞர்கள் அனைவருக்கும் எனது பாராட்டுகள்!
அதே வேளையில், தர்மேந்திர பிரதானின் பதவி விலகல் முற்றல்ல; மூன்று வேளாண் சட்டங்களைத் திரும்பப் பெற வைத்தது போல நீட்டையும் ஒழிப்போம்!
பொய்யான பரப்புரைகளாலும், வெற்று வாக்குறுதிகளாலும் இளைஞர்களைத் திசைதிருப்பலாம் என்றுசிலர் நம்புகிறார்கள். ஆனால், தங்களின் எதிர்காலத்தைத் தாங்களே வடிவமைக்கத் தீர்மானித்திருக்கும் தலைமுறையின் தெளிவையும், துணிவையும், உணர்வையும் அவர்கள் குறைத்து மதிப்பிடுகிறார்கள்.
கேள்வி கேட்கவும், அரசியலில் பங்கேற்கவும், அநீதியை ஒருபோதும் ஏற்றுக்கொள்ளாமல் மறுக்கவும் இந்த எழுச்சி ஒரு தலைமுறைக்குஊக்கமளிக்கட்டும். விழிப்புணர்வும் அஞ்சாமையும் கொண்டஇளைஞர்களே எந்தஜனநாயகத்திற்கும் வலிமையான அடித்தளம்.”
இவ்வாறு கழகத் தலைவர் மு.க.ஸ்டாலின் அவர்கள் தெரிவித்துள்ளார்.