சேலம், ஜூலை 28–
சேலம் அருகே உள்ள வெள்ளாளபட்டி பகுதியில் தவெக வை சேர்ந்த இளைஞர் அணி மற்றும் மாணவர் அணியை சேர்ந்த 75 க்கும் மேற்பட்ட இளைஞர்கள் அக்கட்சியில் இருந்து விலகி முன்னாள் அமைச்சர் ராஜேந்திரன் முன்னிலையில் திமுகவில் தங்களை இணைத்துக் கொண்டனர்
சேலம் மாவட்டம் கருப்பூர் அருகே உள்ள வெள்ளாளபட்டி பகுதியில் தமிழக வெற்றி கழகத்தில் செயல்பட்டு வந்த இளைஞர் அணியை சேர்ந்த முஷ்ரப் மற்றும் மாணவரணி சேர்ந்த பாலா ஆகியோர் தலைமையில் அக்கட்சியை சேர்ந்த இளைஞர் அணி மற்றும் மாணவர் அணியினர் 75 க்கும் மேற்பட்டவர்கள் அக்கட்சியில் இருந்து விலகி திமுகவில் இணையும் நிகழ்ச்சி சேலம் மாவட்ட திமுக அலுவலகமான கலைஞர் மாளிகையில் நடைபெற்றது.
இந்த நிகழ்ச்சியில் சேலம் மத்திய மாவட்ட திமுக செயலாளரும் முன்னாள் அமைச்சருமான ராஜேந்திரன் கலந்துகொண்டு புதிதாக கட்சியில் இணைந்தவர்களுக்கு பொன்னாடை அணிவித்து வரவேற்று பேசினார்.
திமுக அனைத்து மக்களுக்குமான இயக்கமாக செயல்பட்டு வருவதாகவும் தமிழ்நாட்டில் பல்வேறு வளர்ச்சி திட்டங்களை செயல்படுத்தி தமிழ்நாடு முன்னேற்றம் அடைய காரணமான இயக்கம் என்றும் இந்த இயக்கத்தில் தங்களை இணைத்துக் கொண்ட அனைவருக்கும் வாழ்த்துக்களை தெரிவிப்பதாக கூறினார்.
நிகழ்ச்சியில் மத்திய மாவட்ட அவை தலைவர் சுபாஷ், தலைமை செயற்குழு உறுப்பினர் ராஜேந்திரன், மாநில அமைப்புசாரா ஓட்டுனர் அணி துணை செயலாளர் செல்லதுரை, ஒன்றிய செயலாளர் பாலசுப்ரமணி, முன்னாள் இளைஞர் அணி ஒன்றிய அமைப்பாளர் சண்முகம் சேலம் மாநகர செயலாளர் ரகுபதி, மாநில தேர்தல் பணிக்குழு செயலாளர் தாமரைக்கண்ணன் உள்ளிட்ட நிர்வாகிகள் பலரும் உடன் இருந்தனர்.