திருச்சி தெற்கு மாவட்ட தி.மு.க. சார்பில், திருவெறும்பூர் தொகுதிக்குட்பட்ட தெற்கு ஒன்றிய நிர்வாகிகள் சந்திப்பு மற்றும் கழக ஆக்கப் பணிகள் தொடர்பான ஆலோசனைக் கூட்டம் நடைபெற்றது. இக்கூட்டத்திற்கு முன்னாள் அமைச்சரும், திருச்சி தெற்கு மாவட்ட தி.மு.க. செயலாளருமான அன்பில் மகேஸ் பொய்யாமொழி தலைமை ஏற்றார். இந்தக் கூட்டத்தில், கழக வளர்ச்சி மற்றும் அமைப்புப் பணிகள் குறித்து நிர்வாகிகளுடன் விரிவான ஆலோசனை மேற்கொள்ளப்பட்டது. தெற்கு ஒன்றியத்திற்கு உட்பட்ட அனைத்து ஊராட்சிகளின் கழகத்தை சேர்ந்த நிர்வாகிகளுடன் ஆலோசனைக் கூட்டம் நடைபெற்றது. ஆலோசனையில் கழக நிர்வாகிகளிடம் தங்களது கருத்துக்களை பகிர்ந்து கொண்டனர். இக்கூட்டத்தில் ஒன்றியக் கழகச் செயலாளர் கங்காதரன், தலைமை செயற்குழு உறுப்பினர் சேகரன், கிளைகழகச் செயலாளர்கள், நிர்வாகிகள் மற்றும் பி.எல்.ஏ.2 உள்ளிட்டோர் கலந்து கொண்டு சிறப்பித்தனர்.