சென்னை, ஜூலை 28 –
தமிழ்நாட்டில் கடந்த 5 வாரங்களில் காவல்துறையினரின் சித்ரவதைக்கு 4 பேர் பலியாகி உள்ளனர். ஆனால் அது பற்றி நடவடிக்கை எடுக்காமல் தனது முதலமைச்சர் அலுவலகத்தை கடல் காட்சியுடன் இருப்பதற்காக மாற்றுவதற்கு முக்கியத்துவம்
தருகிறார் முதலமைச்சர் ஜோசப் விஜய் என்று குறிப்பிட்டு தி.மு.கழக ஐ.டி. பிரிவு அறிக்கை வெளியிட்டுள்ளது.
காவல்துறையின் துஷ்பிரயோ கத்தால் நிகழும் லாக்கப் மரணங்கள். கடந்த 13ம் தேதி, நாகர்
கோயிலில் குட்கா வழக்கில் கைது செய்யப்பட்ட மாற்றுத்திறனாளி சபரிவர்மனின் லாக்கப் மரணம், மாநிலத்தையே உலுக்கியது.
இந்த அதிர்ச்சி ஓய்வதற்குள், கடந்த 23ம் தேதி தூத்துக்குடியில் சட்டவிரோதமாக மது விற்றதாக கூறி, விசாரணைக்கு அழைத்துச் செல்லப்பட்ட 24 வயது இளைஞர் அருணாசலம், போலீசார் தாக்கியதில் இறந்துள்ளார். இதுவும் காவல் துறையின் கோர முகத்தை வெளிச்சம் போட்டுக் காட்டியுள்ளது.
இதற்கு முன்பாக 15ஆம் தேதி, சென்னை புழல்சிறையில் காவலில் வைக்கப்பட்டிருந்த 45 வயது கைதி பாலாஜி உயிரிழந்துள்ளார். அதற்கும் முன்பாக 8ஆம் தேதி, சென்னையை சேர்ந்த 28 வயது ஓட்டுநர் வெங்கடேசன், காவல்
துறையின் சித்ரவதையால்
உயிரிழந்துள்ளார்.
இப்படி ஒரே மாதத்தில், மாநிலத்தையே அதிர வைத்த 4 லாக்கப் மரணங்கள் நிகழ்ந்துள்ளது.
தி.மு.கழக ஐ.டி. பிரிவு வெளியிட்டுள்ள அறிக்கை வருமாறு:–
“கடந்த 5 வாரங்களில் காவல் துறைக் காவலில் நிகழ்ந்த சித்திரவதையால் 4 அப்பாவி உயிர்கள் பலியாகியுள்ளன. பாதிக்கப்பட்டவர்களின் குடும்பத்தினர் நீதிக்காக கதறிக் கொண்டிருக்கையில், இந்தத் தன்னடக்கம் இழந்த நிர்வாகி எந்தவித பொறுப்பேற்பும் (accoun tability), மன்னிப்பும் (apology) இன்றி ஆணவமானமௌனத்தைக் கடைப்பிடிக்கிறார். தனது அரசின் கைகளில் படிந்துள்ள இரத்தத்தை விட, 10–ஆவது மாடியில் உள்ள கடல் காட்சியுடன் கூடிய தனது அலுவலக அறையின் அழகிய தோற்றத்திற்கே அவர் அதிக முக்கியத்துவம் அளிக்கிறார்.
தார்மீக பொறுப்பேற்க மறுப்பு!
“பொறுப்பேற்பு (Account ability), பொறுப்பு (Responsibility), மன்னிப்பு (Apology) -– இந்த மூன்று கருத்துகளும் அவரது அகராதியிலேயே இல்லாத அந்நியச் சொற்களைப் போன்றவை!
தமிழ்நாடு காவல் காவலில் நிகழும் உயிரிழப்புகள், சட்டம்– ஒழுங்கு சீர்கேடுகள் மற்றும் காவிரி நெருக்கடியால் அவதிப்பட்டு வரும் வேளையிலும், இந்தத் தன்னடக்கம் இழந்த நபர் வெறுமனே உணர்வற்ற பார்வையுடன் அமர்ந்திருக்கிறார்; எதற்கும் தார்மீகப் பொறுப்பை ஏற்க மறுக்கிறார்.”
இவ்வாறு தி.மு.கழக ஐ.டி.பிரிவு அறிக்கை வெளியிட்டுள்ளது.