தூத்துக்குடியில் காவல்துறையினரால் விசாரணைக்காக அழைத்துச் செல்லப்பட்டு, வன்முறைக்கு ஆளாகி உயிரிழந்த அருணாசலம் அவர்களின் குடும்பத்தினரைச் சந்தித்து கழக துணைப் பொதுச் செயலாளர் கனிமொழி கருணாநிதி எம்.பி. ஆறுதல் கூறினார். காவல் நிலையத்தில் தான் காவலர்களால் தாக்கப்பட்டதாக அருணாசலம் வாக்குமூலம் அளித்துள்ள நிலையில், இன்னும் த.வெ.க. அரசு உரிய விசாரணை நடத்தி, நடவடிக்கை எடுக்காதது ஏன்? பாதிக்கப்பட்ட குடும்பத்திற்கு நீதி கிடைக்க வேண்டும் என வலியுறுத்தினார். உடன் தூத்துக்குடி வடக்கு மாவட்டச் செயலாளர் – முன்னாள் அமைச்சர் கீதாஜீவன் உள்ளிட்ட கழக நிர்வாகிகள் உள்ளனர்.
சென்னை, ஜூலை 28–
‘நீட்’பிரச்சினையில் பிரதமர் மோடிக்கு இளைஞர்கள் மூன்றாவது தோல்வியைக் கொடுத்துள்ளனர் என்று சட்டப் பேரவை முன்னாள்தலைவர்
மு.அப்பாவு கூறியுள்ளார்.
முன்னாள்சட்டப்பேரவை தலைவர் மு.அப்பாவு தனது எக்ஸ் வலைதள பதிவில் கூறியிருப்பதாவது:–
நீட் தேர்வுக்கு எதிராககரப்பான் பூச்சி ஜனதா கட்சிமுன்னெடுத்த போராட்டத்தில் தன் எழுச்சியுடன் கலந்து கொண்ட மாணவர்களையும், இளைஞர்களையும் பார்த்து மிரண்டு போன பிரதமர் மோடி அவர்கள் பாகிஸ்தான்,பங்களாதேஷ், இலங்கை போன்ற அண்டை நாடுகளில் ஏற்பட்ட நிலை நமக்கும் வந்துவிடுமோ என்ற அச்சத்தில் ஒன்றிய கல்வி அமைச்சர் தன்மேந்திர பிரதானை பதவி விலகச் செய்துள்ளார்.
தேர்தல் வழக்கு ஒன்றில் தீர்ப்பளித்த சென்னை உயர்நீதிமன்ற நீதியரசர் ஜெயச்சந்திரன் அவர்கள்உச்சநீதிமன்றம் இது போன்ற வழக்குகளில் 10 ஆண்டுகளுக்கு மேல் காலதாமதப் படுத்துவது நமது அண்டை நாடுகளை போல் Gen z இளைஞர்கள் கொதித்தெழும் சூழ்நிலை ஏற்படும் என்று ஏற்கனவே எச்சரித்து இருந்ததை தற்போது நினைவு படுத்த விரும்புகி றேன்.
விவசாயிகள் தொடர்போராட்டத்தை தொடர்ந்துமூன்று வேளாண் சட்டங்களை திரும்ப பெற்று முதல் தோல்வியைதழுவினார் பாரதப் பிரதமர். தொகுதி மறு வரையறை மசோதாவில் முன்னாள் முதல்வர்மு.க.ஸ்டாலின் அவர்கள் எடுத்த முன் முயற்சி அம்மசோதா தோற்கடிக்கப்பட்டு பாரத பிரதமருக்கு இரண்டாவது தோல்வியை கொடுத்தது. இப்போது Gen z இளைஞர்கள் மோடிக்கு மூன்றாவது தோல்வியை கொடுத்துள்ளார்கள்.
காங்கிரசால் முடியாததை கரப்பான் பூச்சி ஜனதா கட்சி முடித்துக் காட்டி இருக்கிறது.ஆனாலும் நீட் தேர்வை ரத்து செய்வதுதான் நிரந்தர தீர்வு.இத்தனையும் கண்டுகொள்ளாமல்கடந்து செல்லும் தமிழக முதல்வரே! உங்களுக்கும் மிக விரைவிலேயே தமிழக மக்கள் இது போல் தக்க பாடம் புகட்டுவார்கள் CMsir.
இவ்வாறு அவர் கூறியுள்ளார்.