கோவை, ஜூலை 28 –
கால்நடைத்துறை அமைச்சர் கமலி நேற்று முன்தினம் கோவை மாவட்டம், அன்னூர் ஒன்றியத்தில் வடக்கு மற்றும் மேற்கு பகுதியில் பட்டியலிட்டு கிராமங்களில் சுற்றுப்பயணம் செய்தார்.
அப்போது பொகலூரில் உள்ள கால்நடை மருத்துவமனைக்கு அமைச்சர் வருகை தரவுள்ள சுற்றுப் பயணம் பட்டியலிடப்பட்டதில் பொகலூர் கால்நடை மருத்துவமனையும் உள்ளதாக தகவல் தெரிவித்தனர்.
இதையடுத்து மருத்துவமனையில் அனைத்து ஏற்பாடுகளையும் செய்து கால்நடை மருத்துவர், உதவி யாளர், கிராம நிர்வாக அலுவலர், விவசா
யிகள், கால்நடை வளர்ப்போர் காத்திருந்தனர். 2 மணி நேர காத்திருப்புக்கு பிறகு அமைச்சர் கால்நடை மருத்துவமனைக்கு வரவில்லை. அருகில் உள்ள மற்றொரு பகுதியில் பொது மக்களிடம் குறைகளை கேட்டு விட்டு சென்று விட்டார்.
இதனால் அதிருப்தி அடைந்த விவசாயிகள், கால்நடை வளர்ப்போர் கூறுகையில், “கால்நடைகளை சிகிச்சைக்காக நீண்ட தொலைவு அழைத்து வர வேண்டி உள்ளது. அதேபோல் கால்நடைகள் கருவுற்றல் ஊசி செலுத்த நீண்ட தூரம் மாடுகளை கால்நடையாக அழைத்து வர வேண்டி உள்ளது.
இல்லையெனில் இதற்கென தனியாக பணம் செலவு செய்து சரக்கு வாகனம் மூலம் கால்நடைகளை ஏற்றி வரவேண்டிய நிலை உள்ளது. அவ்வாறு இங்கு கால்நடைகளை சிகிச் சைக்கு அழைத்து வந்தாலும் மருத்துவர்கள் பரிந்துரைக்கும் மருந்துகள் இங்கு இருப்பில் இல்லாமல் உள்ளது. வெளியே உள்ள தனியார் மருந்துக்கடைக்கு சென்று அதிக விலை கொடுத்து வாங்கும் நிலை உள்ளது. இதனால் விவசாயிகள் அரசு கால்நடை மருத்துவமனையை பயன்படுத்த முடியாத நிலை உள்ளது. பொகளூரில் உள்ள அரசு கால்நடை மருத்துவமனை கட்டிடம் சிதிலமடைந்த நிலையில்உள்ளது.
அதில் செடிகள் முளைத்து காணப்படுகிறது. எனவே இந்த கோரிக்கைகளை எல்லாம் கால்நடைத்துறை அமைச்ச ரிடம் தெரிவிக்கலாம் என இரண்டு மணி நேரம் காத்திருந்தோம்.
ஆனால் அமைச்சர் கால்நடை மருத்துவமனையை புறக்க ணித்து விட்டு சென்று விட்டார்” என தெரிவித்தனர்.