புதுடெல்லி, ஜூலை 28 –
நீட் தேர்வு, டெல்லியில் மாணவர்கள் மீது நடத்தப்பட்ட தாக்குதல்கள் குறித்து விவாதிக்கக் கோரி எதிர்க்கட்சிகள் தொடர்ந்து வலியுறுத்தியதால் நாடாளுமன்ற இரு அவைகளும் 6வது நாளாக நேற்றும் முடங்கின.
நாடாளுமன்ற மழைக்காலக் கூட்டத்தொடர்கடந்த 20-ம் தேதி தொடங்கியது. நீட் தேர்வு முறைகேடு, டெல்லி மாணவர் போராட்டம் மற்றும் மேகதாது அணை உள்ளிட்ட விவகாரங்களை முன்வைத்துஎதிர்க்கட்சிகள் தொடர் போராட்டத்தில் ஈடுபட்டதால், நாடாளுமன்ற அலுவல்கள் முற்றிலுமாக முடங்கின. வார இறுதி விடுமுறைக்குப் பிறகு நாடாளுமன்றம் நேற்று கூடியது.
மக்களவை கூடியதும் நீட் தேர்வை ரத்து செய்யக் கோரி தான் அளித்துள்ள ஒத்திவைப்புத் தீர்மானத்தை தி.மு.க. குழுத் தலைவர் டி.ஆர்.பாலு வலியுறுத்தினார். மேலும், டெல்லியில் மாணவர்கள் மீது கொடிய ஆயுதங்கள் மூலம் நடத்தப்பட்ட கண்மூடித்தனமான தாக்குதலுக்கு கண்டனம் தெரிவித்த அவர், இது குறித்து விசாரணை நடத்த வேண்டும் என்றும் கோரினார்.
இதனைத் தொடர்ந்து தங்களது கோரிக்கைகள் குறித்து எதிர்க்கட்சி எம்.பி.க்கள் குரல் எழுப்பினர். இதனால், அவையில் கூச்சல் குழப்பம் ஏற்பட்டது. இதனைத் தொடர்ந்து நண்பல் 12 மணி வரை அவை ஒத்திவைக்கப்படுவதாக சபாநாயகர் அறிவித்தார்.
பின்னர் அவை கூடியதும் நுழைவுத் தேர்வுகளில் முறைகேடுகள் நடந்தால் தண்டனையை அதிகரிக்கும் சட்டத் திருத்த மசோதாவை ஒன்றிய அமைச்சர் ஜிஜேந்திர சிங் தாக்கல் செய்தார். ஆனால், மாணவர்கள் மீதான தாக்குதல்கள் குறித்து முதலில் விவாதிக்க வேண்டும் எனக் கோரி எதிர்க் கட்சிகள் முழக்கமிட்டனர். இதனைத் தொடர்ந்து பிற்பகல் 2 மணி வரை ஒத்திவைக்கப்பட்டது.
மாநிலங்களவை
ஒத்திவைப்பு !
இதேபோல், மாநிலங்களவை கூடியதும், நீட் தேர்வை ரத்து செய்யக் கோரி தான் அளித்துள்ள நோட்டீஸ் மீது விவாதம் நடத்த வேண்டும் என தி.மு.க. குழுத் தலைவர் திருச்சி சிவா வலியுறுத்தினார். மருத்துவர்களாக வேண்டும் என்று விரும்பும் மாணவர்களின் துயர நிலை முடி
வில்லாமல் தொடர்கிறது
என்றும் நீட் தேர்வினால் தற்கொலைகள்தொடர்வதாகவும் அவர் தெரிவித்தார்.
மாணவர்கள் மீது டெல்லி காவல்துறையினர் நடத்திய தாக்குதல்கள் குறித்தும் விசாரணை நடத்த எதிர்க்கட்சி உறுப்பினர்கள் வலியுறுத்தினர். இதனைத் தொடர்ந்து நண்பல் 12 மணி வரை மாநிலங்களவை ஒத்திவைக்கப்பட்டது. பின்னர் அவை கூடியதும் அமைதியற்ற சூழலே நிலவியதால் பிற்பகல் 2 மணி வரை ஒத்திவைக்கப்பட்டது.