புதுடெல்லி, ஜூலை 29–
நடைபெற்று வரும் நாடாளுமன்றகூட்டத்தொடரில் மக்களவையில் தருமபுரி ஆ.மணி சுகாதாரம் மற்றும் குடும்ப நலத்துறை அமைச்சகத்தின் இணை அமைச்சர் திருமதி அனுப்ரியா படேலிடம்
தமிழ்நாட்டின் தருமபுரி மாவட்டத்தில் காசநோய் (Tuberculosis), டெங்கு, மலேரியா மற்றும் அப்பகுதிக்கே உரிய பிற தொற்றுநோய்கள் உள்ளிட்ட நாள்பட்ட உள்ளூர் நோய்கள் மற்றும் கொசு உள்ளிட்ட நோய் பரப்பும் உயிரினங்களால் பரவும் நோய்களைத் தடுப்பது, கட்டுப்படுத்துவது மற்றும் முற்றிலுமாக ஒழிப்பதற்காக சிறப்பு இலக்கு அடிப்படையிலான நடவடிக்கைகள் தேவைப்படும் மாவட்டமாக ஒன்றிய அரசு தருமபுரியை அடையாளம் கண்டுள்ளதா? அவ்வாறு கண்டிருந்தால் அதன் விவரங்கள் யாவை? கேள்வி எழுப்பினார். தொடர்ந்து அவர்
நோய் கண்காணிப்பு முறையை வலுப்படுத்துதல், ஆரம்ப நிலையிலேயே நோய்களைக் கண்டறிதல், ஆய்வக உள்கட்டமைப்பை மேம்படுத்துதல், பொதுமக்கள் விழிப்புணர்வு பிரச்சாரங்களை தீவிரப்படுத்துதல் மற்றும் உரிய நேரத்தில் சிகிச்சை வழங்குதல் ஆகியவற்றை உறுதி செய்யும் வகையில் தருமபுரி மாவட்டத்திற்கென தனிப்பட்ட மாவட்ட சுகாதார செயல் திட்டம் தயாரிக்கப்பட்டுள்ளதா? அவ்வாறு தயாரிக்கப்பட்டிருந்தால் அதன் விவரங்கள் யாவை? என்றும்
தருமபுரி மாவட்டத்தில் செயல்படுத்தப்பட்டு வரும் நோய் கட்டுப்பாட்டு திட்டங்களின் செயல்திறனை ஒன்றிய அரசு ஆய்வு செய்துள்ளதா? அவ்வாறு ஆய்வு செய்திருந்தால், சுகாதார உள்கட்டமைப்பு, மருத்துவப் பணியாளர் பற்றாக்குறை மற்றும் பொதுச் சுகாதார சேவைகள் பொதுமக்களைச் சென்றடைவதில் உள்ள குறைபாடுகள் கண்டறியப்பட்டுள்ளனவா? அதன் விவரங்கள் யாவை?
தருமபுரி மாவட்டத்தில் நாள்பட்ட உள்ளூர் நோய்களின் பாதிப்பைக் குறைத்து, பொதுச் சுகாதார நிலையை மேம்படுத்துவதற்காக ஒன்றிய அரசு இதுவரை எடுத்துள்ள மற்றும் இனி மேற்கொள்ளத் திட்டமிட்டுள்ள நடவடிக்கைகள் யாவை? மேலும், அவற்றை செயல்படுத்த நிர்ணயிக்கப் பட்ட காலக்கெடு என்ன? என்றும் தருமபுரி எம்.பி.வழக்கறிஞர்.ஆ.மணி கேள்வி எழுப்பி உள்ளார்.
கோவை மாநகராட்சி, தெற்கு மண்டலம் அலுவலகத்தில் வார்டு குழு கூட்டம் மாநகராட்சி துணை மேயர் இரா.வெற்றிச்செல்வன் தலைமையில் நடைபெற்றது. இதில் தெற்கு மண்டல குழுத்தலைவர் தனலட்சுமி, உதவி ஆணையாளர் நர்மதா, உதவி செயற்பொறியாளர் யோகசித்ரா உள்பட மாமன்ற உறுப்பினர்கள் மற்றும் அரசு அலுவலர்கள் பலர் கலந்து கொண்டனர்.