ராணிப்பேட்டை, ஜூலை 29–
ராணிப்பேட்டை மாவட்டம், சோளிங்கரில் ஒரு கடைக்குள் புகுந்து ஒரு சிலர் தாக்குதல் நடத்தியுள்ளனர். இதைக் கண்ட தினமலர் செய்தியாளர் கல்யாணசுந்தரம் மற்றும் தினகரன் செய்தியாளர் அரங்கநாதன் அதை படம் பிடித்துள்ளனர்.
அப்போது தாக்குதலில் ஈடுபட்ட தமிழக வெற்றிக் கழகத்தை சேர்ந்த சோளிங்கர் சட்டமன்ற உறுப்பினர் கபில் மற்றும் அவருடன் வந்த நபர்கள் ஊடகங்களின் செய்தியாளர்களை மிகக் கொடூரமாகத் தாக்கியுள்ளனர்.
மேலும் அவர்கள் சிறைவைக்கப்பட்ட நிகழ்வு பெரும் அதிர்ச்சியையும்வேதனையையும் அளிக்கிறது. பத்திரிகையாளர்களைகாட்டு மிராண்டித்தனமாக தாக்கிய சம்பவம், சோளிங்கர் உதவி காவல்ஆய்வாளர் முனீர் பாஷா முன்னிலையிலேயே நடைபெற்றதாகக் கூறப்படும் நிலையில்,தாக்குதலைத் தடுக்கவோ,செய்தியாளர்களுக்கு உடனடி பாதுகாப்பு வழங்கவோ அவர் நடவடிக்கை எடுக்கப்படவில்லை என்று கூறப்படுகிறது.
மக்களாட்சியின் நான்கு தூண்களில் ஒன்றாக விளங்கும் ஊடகத்துறையினர், தங்கள் கடமையைச் செய்யும்போது அதிகார பலத்தாலும், ஆள் பலத்தாலும் ஒடுக்க நினைப்பது சகித்துக்கொள்ள முடியாத அராஜகம். பத்திரிகையாளர்களைச் சிறை வைத்து, கொலைவெறி தாக்குதல்நடத்திய எம்.எல்.ஏ., கபில்மற்றும் அவரது ஆதரவாளர்களைக் காவல்துறை உடனடியாகக் கைது செய்ய வேண்டும்.
த.வெ.க. சட்டமன்ற உறுப்பினர் ஒருவர் இத்தகைய வன்முறையில் ஈடுபட்டதை த.வெ.க. தலைமைசாதாரணமாகக் கடந்து விடக் கூடாது. தவறிழைத்த எம்.எல்.ஏ., மற்றும் அவரதுஆதரவாளர்கள் மீது முதல்வர் ஜோசப் விஜய் அவர்கள் உடனடியாகக் கடுமையான ஒழுங்கு நடவடிக்கை எடுக்க வேண்டும்.
பத்திரிகையாளர்களின்பாதுகாப்பு கேள்விக்குறியாக்கப்படும் பட்சத்தில், ஜனநாயகம் தன் மாண்பை இழந்துவிடும். எனவே,தமிழ்நாட்டில் ஊடகவியலாளர்களின் பாதுகாப்பை அரசு உறுதி செய்ய வேண்டும்.
ஊடகச் சுதந்திரத்தை அச்சுறுத்தும் எந்தவொரு வன்முறையையும் சென்னை பத்திரிகையாளர் சங்கம்(MUJ)ஒருபோதும் சகித்துக் கொள்ளாது என்பதை உறுதிபட தெரிவித்துக்கொள்கிறோம்.