சென்னை, ஜூலை 29 –

திரா­விட இயக்­கத்தமி­ழர் பேர­வைத் தலை­வர் – பேரா சிரியர் சுப. வீர­பாண்­டி­ய­னின்கண்­டன அறிக்கை வரு­மாறு :–

தலை­வர் கலை­ஞர் அவர்­கள், தமிழ்­நாட்­டின் முத­ல­மைச்­ச­ரா­கப் பொறுப்­பேற்ற பிறகு, 1970 ஆம் ஆண்டு நவம்­பர் மாதம் 23 ஆம் நாள், ஓர் அர­சா­ணையை வெளி­யிட்­டார். அதன்­படி மனோன்­ம­ணி­யம் சுந்­த­ர­னார் எழு­தி­யுள்ள “நீரா­ரும் கட­லு­டுத்த...” என்று தொடங்­கும் பாடலே, இனி­மேல் தமிழ்­நாடு அர­சின் மாநி­லப் பாட­லாக (state song) இருக்­கும் என்று அறி­வித்­தார்.

நாம் ஒரு விழா­வைத் தொடங்­கும் போது, அதில்நம் மொழி­யின் தொன்­மையை,பெரு­மை­யைப் பேசு­வ­தும், வாழ்த்­து­வ­தும் இயல்­பா­ன­தும், தேவை­யா­ன­தும் என்று அவர் கரு­தி­னார்!

அதே நேரம், பிறமொழி­களை அந்த இடத்­தில் விமர்­ச­னம் செய்ய வேண்­டி­ய­தில்லை என்று கரு­திய கலை­ஞர்,பெருந்­தன்­மை­யோடு, “ஆரி­யம்போல் உலக வழக்கு அழிந்து ஒழிந்து” என வரும் வரியை நீக்­கி­ட­வும் ஆணை­யிட்­டார்!

அன்­றி­லி­ருந்து இன்று வரை இம்­ம­ரபு, அரசு விழாக்­க­ளி­லும், பல்­க­லைக்­க­ழ­கங்­கள், தமிழ் உணர்­வா­ளர்­கள் நடத்­தும் விழாக்­கள் ஆகி­ய­ன­வற்­றி­லும் பின்­பற்­றப்­பட்டு வரு­கி­றது!

இடை­யில், 2018 ஜன­வரி மாதம் நடை­பெற்ற தமிழ்–சமஸ்­கி­ருத அக­ராதி வெளி­யீட்டு விழா­வில் பங்­கேற்ற சின்ன சங்­க­ராச்­சா­ரி­யார், தமிழ்த் தாய் வாழ்த்து பாடப்­பட்ட போது, இருக்­கையை விட்டு எழா­மல், மேடை­யில் அமர்ந்து இருந்­தார்! அவ­ரு­டைய ஆண­வத்­தை­யும், தமிழ்அவ­ம­திப்­பை­யும் அன்று நாடே கண்­ட­னம் செய்­தது!

பிறகு, 2021 இல் ஏற்­பட்ட ‘திரா­விட மாடல்’ அரசு, அவ்­வாண்டு டிசம்­பர் மாதம், மேடை­க­ளில் தமிழ்த்­தாய் வாழ்த்து பாடப்­ப­டும் பொழுது, மாற்­றுத்­தி­ற­னா­ளி­க­ளைத் தவிர அனை­வ­ரும் எழுந்து நிற்க வேண்­டும் என்று ஆணை பிறப்­பித்­தது! இப்­போது மீண்­டும் தமிழ்த்­தாய் வாழ்த்­துக்­கும், தமி­ழுக்­கும், தமி­ழர்­க­ளுக்­கும் ஓர் அவ­மா­னம் ஏற்­பட்டு வரு­கின்­றது!

இன்­றைய தமிழ்­நாடு அரசு பதவி ஏற்ற நாளில், ஆளு­நர் பங்­கேற்­றார் என்­ப­தைக்கார­ணம் காட்டி, முத­லில் வந்தே மாத­ரம், அடுத்து ஜன கண மன, மூன்­றா­வ­தா­கத் தமிழ்த்­தாய் வாழ்த்து பாடப்­பட்­டது! இப்­படி, தமிழ் மூன்­றா­வது இடத்­திற்­குத் தள்­ளப் ­பட்­ட­தைக் கண்­டித்து,நாடு முழு­வ­தும் கண்­ட­னங்­கள் எழுந்­தன! இதோ, இப்­போது தமிழ் மீண்­டும் அவ­ம­திக்­கப்­ப­டு­கி­றது!

தமிழ்த்­தாய் வாழ்த்­துப்பாடலை எழு­திய பேரா­சி­ரி­யர் சுந்­த­ர­னார் பெய­ரில் இயங்­கும்நெல்­லைப் பல்­க­லைக்­க­ழ­கத்­தி­லேயே, அந்தஅவ­மா­னம் நிகழ்­கி­றது! பல்­க­லைக் கழ­கத்­தின் பட்­ட­ம­ளிப்பு விழா­வில், மூன்­றா­வ­தா ­கத்­தான் தமிழ்த்­தாய் வாழ்த்து இடம் பெறும் என்­றும், ஆளு­நர் மாளி­கை­யில் இருந்து தங்­க­ளுக்கு ஆணை வந்­தி­ருப்­ப­தா­க­வும், அப்­பல்­க­லைக் கழ­கத்­தின்துணை வேந்­தர் கூறி­யி­ருக்­கி­றார்!

இத­னைத் திரா­விட இயக்­கத் தமி­ழர் பேரவை வன்­மை­யா­கக் கண்­டிக்­கி­றது! இவ்­வாறு 28ஆம் தேதி தமிழ் அவ­ம­திக்­கப்­ப­டு­மா­னால், அதை எதிர்த்து ஆர்ப்­பாட்ட மும், போராட்­டங்­க­ளும் தமிழ்­நாட்­டில் நடத்­தப்­ப­டும் என்­றும் எச்­ச­ரிக்­கி­றது!

இவ்­வாறு சுப. வீர­பாண்­டி­ யன், தனது கண்­டன அறிக்­கை­யில் குறிப்­பிட்­டுள்­ளார்.