சென்னை, ஜூலை 29 –

சென்னை கோயம்­பேடு- நந்­தம்­பாக்­கம்- – ஆலந்­தூர் வரை­யி­லான மெட்ரோ வழித்­த­டப் பணி­கள் தாம­த­மாகி உள்­ளன. த.வெ.க. அர­சின் மெத்­த­னத்­தால், இந்த வழித்­த­டம் திறக்­கப்­ப­டு­வது அடுத்த ஆண்­டுக்கு தள்­ளிப்­போய் உள்­ளது.

சென்னை மெட்ரோ இரண்­டாம் கட்­டத் திட்­டத்­தின் ஒருபகு­தி­யாக, மாத­வ­ரம் - சோழிங்க­நல்­லூர் வழித்­த­டத்­தில் கோயம்­பேடு - நந்­தம்­பாக்­கம் - ஆலந்­தூர் புதிய மெட்ரோ வழித்­த­டம் அமை­கி­றது. முத­லில், இந்த ரெட் லைன் வழித்­தட சேவை கோயம்­பேட்­டில் இருந்து ஆலப்­பாக்­கம் வழி­யாக நந்­தம்­பாக்­கம் டிரேட் சென்­டர் வரை மட்­டுமே இயக்க திட்­ட­மி­டப்­பட்­டி­ருந்­தது.

பூந்­த­மல்லி -– வட­ப­ழனி வழித்­த­டப் பணி­க­ளின் இறு­திக் கட்­டத்தை எட்­டி­யுள்ள நிலை­யில், இச்­சே­வையை நந்­தம்­பாக்­கத்­து­டன் நிறுத்­தா­மல், ஆலந்­தூர் நிலை­யம் வரை நீட்­டிக்­கும் வகை­யில் திட்­டம் மாற்­றி­ய­மைக்­கப்­பட்­டது.

ஆலந்­தூர் மற்­றும் கோயம்­பேடு ஆகிய இரண்­டுமே ஏற்­க­னவே பயன்­பாட்­டில் உள்ள முதற்­கட்ட மெட்­ரோ­வின் முக்­கிய சந்­திப்­பு­க­ளா­கும். இத­னு­டன், புதிய வழித்­த­டத்­தை­யும் இணைப்­ப­தால், பய­ணி­கள் மிக எளி­தாக மற்ற வழித்­த­டங்­க­ளுக்கு மாறிக்­கொள்ள முடி­யும்.

இதற்­கி­டையே, பூந்­த­மல்லி பைபாஸ் –வட­ப­ழனி இடை­யே­யான 14 புள்ளி 6 கிலோ மீட்­டர் நீள­முள்ள வழித்­த­டம் இயக்­கத்­திற்­குத் தேவை­யான அனைத்து பாது­காப்பு அனு­ம­தி­க­ளை­யும் பெற்­றி­ருந்­தா­லும், சேவை இன்­னும் தொடங்­கப்­ப­ட­வில்லை. இந்த வழித்­த­டத்­தில் சாலி­கி­ரா­மம், ஆவிச்சி பள்ளி, ஆழ்­வார் திரு­ந­கர், வள­ச­ர­வாக்­கம், காரம்­பாக்­கம் மற்­றும் ஆலப்­பாக்­கம் சந்­திப்பு ஆகிய ஆறு மெட்ரோ நிலை­யங்­க­ளில் கட்­டு­மா­னப் பணி­கள் முழு­மை­யாக நிறை­வ­டைய மேலும் 3 மாதங்­கள் ஆகும் எனத் தெரி­விக்­கப்­பட்­டுள்­ளது.

இந்­நி­லை­யில், கோயம்­பேடு- நந்­தம்­பாக்­கம்- ஆலந்­தூர் வரை­யி­லான மெட்ரோ வழித்­த­டப் பணி­கள் தாம­த­மாகி உள்­ளன. இந்த வழித்­த­டத்­தில் உள்ள மெட்ரோ நிலை­யங்­க­ளின் நுழைவு மற்­றும் வெளி­யே­றும் கட்­ட­மைப்­பு­களை அமைப்­ப­தில் சிக்­கல் ஏற்­பட்­டுள்­ளது. இந்த கட்­டு­மா­னப் பணி­கள் அக்­டோ­பர் இறு­திக்­குள் முடிந்­தால் மட்­டுமே அடுத்­த­கட்­டப் பணி­க­ளைத் தொடங்க முடி­யும்.

சிவில் கட்­டு­மா­னங்­கள் முடிந்த பிற­கு­தான் தண்­ட­வா­ளங்­க­ளில் சிக்­ன­லிங் மற்­றும் தொலைத்­தொ­டர்பு அமைப்­பு­க­ளுக்­கான தொழில்­நுட்­பப் பணி­கள் தொடங்­கப்­பட வேண்­டும். இந்த தொழில்­நுட்­பப் பணி­களை முடிப்­ப­தற்கே குறைந்­தது 2 முதல் 3 மாதங்­கள் வரை ஆகும்.

அதன் பின்­னரே ரயில்வே பாது­காப்பு ஆணை­யத்­தின் இறு­திச் சோத­னை­கள் மற்­றும் பாது­காப்பு அனு­ம­தி­க­ளைப் பெற முடி­யும். த.வெ.க. அர­சின் இந்த மெத்­த­னத்­தால், கோயம்­பேடு- நந்­தம்­பாக்­கம்- ஆலந்­தூர் வரை­யி­லான மெட்ரோ வழித்­த­டம் திறக்­கப்­ப­டு­வது அடுத்த ஆண்­டுக்கு தள்­ளிப்­போய் உள்­ளது.