அ
மைச்சர் நிர்மல் குமார்
அவர்களே,
முடிந்துபோன கல்யாணத்துக்கு மேளம் அடித்து விட்டு நீங்கள் ஊர் முழுவதும் சீன் போட்டு இருக்கிறீர்கள். அது கோமாளித்தனமா, இல்லை ஜென்சி தி.மு.க. என்று டி ஷர்ட் போட்டு வந்து உட்கார்ந்தது கோமாளித்தனமா?
மின்சாரத் துறை அமைச்சர் கோமாளித்தனத்தை நிறுத்திக் கொள்ளச் சொல்லி உள்ளார். நீங்களும் சரி, பள்ளி கல்வித்துறை அமைச்சரும் சரி, ரெண்டு பேரும் மாற்றி மாற்றி முடிஞ்சு போன கல்யாணத்துக்கு மேளம் அடித்தீர்கள் அல்லவா? அந்த மாதிரி இங்கே யாரும் மேளம் அடிக்கவில்லை.
‘ஜென்சி’ போராட்டம் டெல்லியில் ஆரம்பிச்சப்போது முதன் முதலில் தமிழ்நாட்டில் இருந்து தி.மு.க. சார்பில் ஆ.ராசா எம்.பி. சென்று ஆதரவு
அளித்தார்கள். அதற்கு அடுத்து கனிமொழி கருணாநிதி எம்.பி. ஆதரவு அளித்தார்கள்.
நீங்கள் என்ன செய்தீர்கள்? ஒன்றிய கல்வித்துறை அமைச்சர் ராஜினாமா செய்த பிறகு சாவகாசமாக மத்தியானமா வந்து மாணவர்களுக்கு ஆதரவு கொடுத்தீர்கள். இப்போது தெரியுதா எது கோமாளித்தனம் என்று. முடிந்து போன கல்யாணத்திற்கு மேளம் அடிப்பதுதான் கோமாளித்தனம். டி-ஷர்ட் போட்டு வருவது கோமாளித்தனம் அல்ல.
நீங்கள், எதிர்க்கட்சித் தலைவர் உதயநிதி ஸ்டாலின் அவர்களை “கோமாளி” என்று விமர்சித்திருப்பது அரசியல் நாகரிகத்தின் வீழ்ச்சியையே வெளிப்படுத்துகிறது.
அமைச்சரின் நாவுக்கு கட்டுப்பாடு இல்லையென்றால், அது அரசின் பொறுப்புணர்வுக்குகேள்விக்குறியாகவே அமையும்.
மக்கள் அன்றாடம் சந்திக்கும் பாலியல் சீண்டல், கற்பழிப்பு, கொலை, கொள்ளை, லாக்கப் டெத், ஆள் கடத்தல், நில அப கரிப்பு, பணம் கேட்டு மிரட்டுதல், ஊழல், அரசு நிலங்களில் காலங்காலமாக குடியிருந்து வரும் ஏழை எளிய மக்களின் வீடுகளை இடித்தல், சட்டம் ஒழுங்கு சீர்கேடு போன்ற பிரச்சினைகளுக்கு தீர்வு காண முடியாத அமைச்சர், தரக்குறைவான வார்த்தைகளால் அரசியல் கவனம் ஈர்க்க முயல்வது அவரது செயல்பாடுகளில் உள்ள வெற்றிடத்தையே காட்டுகிறது.
கொள்கைக்கு கொள்கையால் பதிலளிக்க முடியாதவர்கள் மட்டுமே இழிவான வார்த்தைகளை ஆயுதமாக பயன்படுத்துவார்கள்.
ஒரு அமைச்சரின் வார்த்தைகள் அரசின் தரத்தை பிரதிபலிக்க வேண்டும். ஆனால் நிர்மல் குமார் அவர்களின்இந்தப் பேச்சு, அவரது பதவியின் கண்ணியத்தைக் குறைப்பதோடு மட்டுமல்லாமல், அரசியல் கலாச்சாரத்தையும் அவமதிக்கும் செயலாகும்.
தமிழக மக்கள் நாகரிகமான அரசியலையே விரும்புகிறார்கள்; தரம் தாழ்ந்த வசை பாடுகளையும் ஆணவப் பேச்சுகளையும் அல்ல. அரசியல் என்பது மேடைப் பேச்சுப் போட்டி அல்ல; அது மக்களின் நம்பிக்கையை சுமக்கும் பொறுப்பு என்பதை அமைச்சர் உணர வேண்டும்.
அமைச்சர் நிர்மல் குமார் தனது தரக்குறைவான பேச்சுக்கு உடனடியாக பொதுமக்களிடமும், எதிர்க்கட்சித் தலைவர் உதயநிதி ஸ்டாலின் அவர்களிடமும் நிபந்தனையற்ற மன்னிப்பு கேட்க வேண்டும். தொடர்ந்து இதுபோன்ற நாகரிகமற்ற அரசியலை முன்னெடுத்தால், தி.மு.க. தொண்டனும்,ஜனநாயகத்தின் மீது நம்பிக்கை கொண்ட தமிழக மக்களும் தக்க நேரத்தில் ஜனநாயக வழியில் அதற்கான பதிலை அளிப்பார்கள்.