புதுடெல்லி, ஜூலை 29 –
தமிழ்நாட்டில் கூட்டு றவுத்துறை சீர்திருத்தங் களுக்கு உதவும் வகையில் கூட்டுறவுப் பயிற்சி நிறுவனங்களுக்கு ஒன்றிய அரசு நிதி உதவி உள்ளிட்ட ஆதரவை வழங்க வேண்டும் என்று மக்களவையில் பொள்ளாச்சி நாடாளுமன்ற உறுப்பினர், திருப்பூர் தெற்கு மாவட்டக் கழகப் பொறுப்பாளர் கே.ஈஸ்வரசாமி வேண்டுகோள் விடுத்துள்ளார்.
“கூட்டுறவு மேலாண்மை நிறுவனங்களுக்கு நிதி யளித்தல் மற்றும் அவற்றை வலுப்படுத்தும் வகையில் கடந்த 5 ஆண்டுகளில், சென்னையில் உள்ள நடேசன் கூட்டுறவு மேலாண்மை நிறுவனம்’ உள்ளிட்ட கூட்டுறவுப் பயிற்சி நிறுவனங்க ளுக்கு வழங்கப்பட்ட நிதி மற்றும் நிறுவன ரீதியான ஆதரவை அரசு ஆய்வு செய்துள்ளதா? அவ்வாறு ஆய்வு செய்திருந்தால் அது குறித்த விபரங்களை கூட்டுறவுத் துறை அமைச்சர் தெரிவிக்க வேண்டும். மேலும் ஆண்டு வாரியாக அனுமதிக்கப்பட்ட மானியங்கள், உள்கட்டமைப்புக்கான நிதி மற்றும் பயிற்சித்திட்டங்கள் குறித்த விவரங்களை தெரிவிக்க வேண்டும். கூட்டுறவுத் துறை சீர்திரு த்தங்களைக் கருத்தில் கொண்டு, கூட்டுறவுப் பயிற்சி நிறுவ னங்களுக்கான நிதியுத வியை அதிகரிக்கவும், பாடத்திட்டத்தை நவீன மயமாக்கவும் அரசு திட்டமிட்டுள் ளதா என்பது குறித்த விபரங்களை தெரிவிக்கவேண்டும்.
தமிழ்நாட்டில் அறிவிக்கப்பட்ட தேசிய நீர்வழி களான பக்கிங்ஹாம் கால்வாய், பவானி ஆறு, காவிரி ஆறு (கொள்ளிடம் பகுதி உட்பட) பழையாறு மற்றும் பொன்னையாறு ஆகியவற்றின் மேம்பாட்டுப் பணிகளை அரசு மேற்கொண்டுள்ளதா? அவற்றின் தற்போதைய நிலை என்ன? குறிப்பிட்ட அந்தத் தேசிய நீர்வழிகளுக்கான சாத்தியக்கூறு ஆய்வுகளை அரசு நிறைவு செய்துள்ளதா? அவ்வாறு ஆய்வு மேற்கொண்டிருந்தால், தயாரிக்கப்பட்ட அல்லது தயாரிக்கப்பட்டு வரும் விரிவான திட்ட அறிக்கைகள் மற்றும் இதுவரை அதற்காக ஒதுக்கப்பட்ட மற்றும் விடுவிக்கப்பட்ட நிதிகள் உள்ளிட்ட விவரங்கள் குறித்து துறைமுகங்கள், கப்பல் போக்குவரத்து மற்றும் நீர் வழிகள் துறை அமைச்சர் தெரிவிக்க வேண்டும். இந்தத் தேசிய நீர்வழிகளில் சரக்கு மற்றும் பயணிகள், சுற்றுலா சேவைகளைச் செயல்படுத்துவதற்கான காலக்கெடுவை அரசு நிர்ணயித் துள்ளதா? அவ்வாறு நிர்ண யிக்கப் பட்டிருந்தால் அதுகுறித்த விவரங்கள் மற்றும் இந்த திட்டங்களை ஒரு குறிப்பிட்ட காலத்திற்குள் செயல்படுத்துவதையும், குறிப்பிட்ட அந்தத் தேசிய நீர்வழிகளைத் திறம்படப் பயன்படுத்துவதற்கு மாநிலங்களுக்கு இடையிலான ஒருங்கிணைப்பையும் உறுதி செய்வதற்கான நடவடிக்கைகளை அரசு எடுத்துள்ளதா என்பது குறித்தவிவரங்களையும் தெரிவிக்க வேண்டும் என்று வேண்டு கோள் விடுத்துள்ளார்.