#Title

மருத்துவக் கல்வியில் 27 சதவிகித இட ஒதுக்கீட்டின் மூலம் இதுவரை 26,204 பிற்படுத்தப்பட்ட மாணவர்களின் கல்வி உரிமை உறுதி செய்யப்பட்ட நன்னாள் இன்று (29.7.2026)

2021 ஜூலை 29 இந்தியாவின் சமூகநீதி வரலாற்றில் மறக்கமுடியாத மகத்தான நாள்.

மருத்துவக் கல்வியில் இதர பிற்படுயத்தப்பட்ட மாணவர்களின் 27 சதவீத இட ஒதுக்கீட்டை உறுதி செய்த நன்னாள்.

சமூகநீதிக் கொள்கையில் உறுதி,

அசராத உழைப்பின் அடையாளம்

நம் திராவிட முன்னேற்றக் கழகத்தின் தலைவர் முத்துவேல் கருணாநிதி ஸ்டாலின் அவர்கள் தந்த வழிகாட்டலில் உச்சநீதிமன்றத்தின் மூலம் வென்று வந்த நாள்.

கல்வி, வேலைவாய்ப்பு, அரசியல் உரிமைகளில் எல்லோருக்கும் எல்லாம் என சமூகநீதிக்கான வரலாற்றை தொடங்கி வைத்தவர்கள் நம் முன்னோடிகள்.

நீதிகட்சியாக உருவாகி, சுயமரியாதை இயக்கம், திராவிடர் கழகம், திராவிட முன்னேற்றக் கழகம் என கடந்த நூற்றாண்டு காலத்தில் ஒடுக்கப்பட்ட தமிழ் சமுதாயத்தை படிப்படியாக முன்னேற்றியது சமூகநீதி அரசியல்.

சமூக நீதிப் போராட்டத்தை மாபெரும் மக்கள் இயக்கமாக மாற்றினார் தந்தை பெரியார்.

பேரறிஞர் அண்ணா, முத்தமிழறிஞர் கலைஞர் ஆகியோர் சமூகநீதியை சட்ட வடிவங்களில் உறுதி செய்தார்கள்.

அணையாத திராவிடப் பெருஞ்சுடரை, கலைஞருக்குப் பின் தன் கைகளில் ஏந்தி “எல்லோருக்கும் எல்லாம்” என இந்தியாவுக்கே வழிகாட்டிக் கொண்டிருக்கிறார் கழகத் தலைவர் மு.க.ஸ்டாலின் அவர்கள்.

‘கல்வியே நம் தலைமுறையை மாற்றும் ஆயுதம்’ என பேரறிஞர் அண்ணாவும், முத்தமிழறிஞர் கலைஞரும் கொண்டிருந்த உறுதியோடு, நம் கழகத் தலைவர் அவர்களும் தமிழ்நாட்டு மாணவர் நலனில் காட்டும் அக்கறைகள் ஏராளம்.

மருத்துவ உயர்கல்வியில் இதர பிற்படுத்தப்பட்ட மாணவர்களுக்கு இழைக்கப்பட்டு வந்த அநீதியை அறிந்து, அதற்கெதிரான சட்டப் போராட்டத்துக்கு ‘நீ சென்று வென்று வா’ என்று மூத்த வழக்கறிஞராகிய என்னிடம் ஆலோசனை வழங்கினார்.

கழகத் தலைவர் அவர்களின் வழிகாட்டுதலில் , அவர் காட்டிய உறுதியிலேயே நாடாளுமன்றம் வழி, உயர்நீதி மன்றம், உச்ச நீதிமன்றம் வழி போராட்டத்தை நடத்தினோம்.

இந்தியாவுக்கே வெளிச்சம் கிடைக்கும் வகையில், அகில இந்திய மருத்துவ மாணவர் சேர்க்கையில், இதர பிற்படுத்தப்பட்ட பிரிவினருக்கு 27% இட ஒதுக்கீட்டை உச்சநீதிமன்றம் வழி உறுதி செய்தோம்.

2019 ஆம் ஆண்டில், மாநிலங்களவை உறுப்பினராக எனக்கு மாபெரும் வாய்ப்பை அளித்தார் கழகத்தலைவர் அவர்கள். ஜனநாயகக் கடமையாற்றும் முதல் உரையிலேயே, மருத்துவப் படிப்புக்கான அனைத்திந்திய தொகுப்பு இடங்களில் ஓ.பி.சி. இட ஒதுக்கீடு கோரிக்கையை வலியுறுத்தினேன்.

எந்தக் கோரிக்கை, யார் மூலம், எங்கு ஒலிக்க வேண்டும் என்பதை அறிவார் நம் தலைவர்.

2019 ஆம் ஆண்டு நாடாளுமன்றத்தில் தொடங்கிய நம் போராட்டம், 2021 ஆம் ஆண்டு ஜூலை மாதம் 29 ஆம் தேதி, உச்சநீதிமன்றத் தீர்ப்பின் வழி உறுதி செய்யப்பட்டது.

“நாடு முழுவதும் உள்ள அனைத்திந்திய தொகுப்பில் உள்ள மாநில அரசுகளுக்கு உட்பட்ட அனைத்து இளநிலை, முதுநிலை, பட்டய, பல் மருத்துவப் படிப்புகளில் O.B.C. வகுப்பினருக்கு 27 சதவித இட ஒதுக்கீடு தர ஒப்புக்கொண்டு அரசாணை வெளியிட்டது ஒன்றிய அரசு.

இதன் மூலம் 2021 முதல் 2026 வரை ஐந்து கல்வியாண்டுகளில் சுமார் 26,204 பிற்படுத்தப்பட்ட , இதர பிற்படுத்தப்பட்ட மாணவர்களின் கல்வி உரிமை உறுதி செய்யப்பட்டுள்ளது.

மாண்புமிகு ஒன்றிய சுகாதாரத் துறை அமைச்சர் அளித்த தரவுகளின் படி அதாவது MBBS படிப்பில் 9816 மாணவர்கள், BDS படிப்பில் 649 மாணவர்கள், PG (MD/MS) படிப்புகளில் 15,739 மாணவர்கள் பயன் பெற்றுள்ளார்கள் என்று தெளிவாகிறது.

அந்த வகையில், இதுவரை இந்த வழக்கின் மூலமாக நாம் பெற்றிருக்கக்கூடிய 26,204 மருத்துவக் கல்வி இடங்களானது 175 மருத்துவக் கல்லூரிகள் கட்டப்பட்டதற்கு ஒப்பானது.

ஒவ்வொரு வருடமும் அதிகரிக்கும் பல்லாயிரக்கணக்கான இதர பிற்படுத்தப்பட்ட வகுப்பினைச் சார்ந்த மாணவர்களின் மருத்துவக் கனவு நனவாக்கப்படுகிறது என்பதை இந்த தரவுகள் பறைசாற்றுகிறது.

வரலாற்றின் பொன்னெழுத்துகளால் பொறிக்கப்பட வேண்டிய அந்த சாதனைப் போராட்டத்தை நிகழ்த்திக் காட்டியவர் நம் கழகத் தலைவர் மு.க.ஸ்டாலின் அவர்கள். தனது உறுதி மிக்க செயல்பாடுகளால் இன்று இந்தியாவுக்கே வழிகாட்டும் தலைவராக, வரலாற்றை தெற்கிலிருந்து எழுதிக் கொண்டிருக்கிறார் நம் தலைவர்.

இந்தியாவில் ஒட்டுமொத்த ஓ.பி.சி. மாணவர்களின் கல்வி உரிமையை நிலைநாட்டிய இந்த நாள், நம் கழகத் தலைவர் அவர்களின் வெற்றித் திருநாளாக கொண்டாடப்பட வேண்டும்.

என்றும்,கழகத் தலைவரின் வழியில் சாதனை பயணத்தை தொடர்வோம்!