புதுடெல்லி, ஜூலை 29–
தமிழகத்தில் சூழலியல் சுற்றுலா (Eco-Tourism) மேம்பாடு, இயற்கை வளப் பாதுகாப்பு, பழங்குடியின மக்களின் வாழ்வாதார முன்னேற்றம் மற்றும் சுற்றுலா உள்கட்டமைப்பு வசதிகள் தொடர்பாக வேலூர் மக்களவை உறுப்பினர் டி.எம். கதிர் ஆனந்த் மக்களவையில் கேள்வி எழுப்பினர்.
தமிழ்நாட்டில் ஒன்றிய அரசு ஆதரவுடன் செயல்படுத்தப்பட்டு வரும் சூழலியல் சுற்றுலா திட்டங்களின் தற்போதைய நிலை என்ன, கோயம்புத்தூர் மாவட்டம் காரமடை வனச்சரகத்திற்கு உட்பட்ட பரளிக்காடு (Baralikadu) சூழலியல் சுற்றுலா திட்டத்தின் முன்னேற்றம் என்ன, பழங்குடியின மக்களின் பங்களிப் புடன் இயற்கை வளங்களைப் பாதுகாக்கும்
திட்டங்கள் என்னென்ன,
சுற்றுலா மையங்களில் பார்வையாளர்களுக்கான வசதிகள், விளக்க மையங்கள், திறன் மேம்பாட்டுப் பயிற்சிகள், உள்ளூர் மக்களின் பங்கேற்பு மற்றும் 2020-–21 முதல் 2025-–26 வரை ஒதுக்கப்பட்ட, விடுவிக்கப்பட்ட மற்றும் பயன்படுத்தப்பட்ட நிதி விவரங்கள் என்ன என்பன உள்ளிட்ட பல்வேறு முக்கிய கேள்விகளை எழுப்பியிருந்தார். மேலும், இத்திட்டங்களின் மூலம் சுற்றுலாப் பயணிகள் வருகை, வேலைவாய்ப்பு உருவாக்கம், சுற்றுச்சூழல் பாதுகாப்பு குறித்த விழிப்புணர்வு மற்றும் உள்ளூர்
மக்களுக்கு கிடைத்த பொருளாதாரப் பலன்கள் குறித்தும் கதிர் ஆனந்த் விளக்கம் கோரியிருந்தார்.
இதற்கு, ஒன்றிய சுற்றுலாத்துறை அமைச்சர் கஜேந்திர சிங் ஷெகாவத் அவர்கள் எழுத்து பூர்வமாக அளித்த பதில் விவரம் கீழ்வருமாறு:-
ஒன்றிய அரசு, சுற்றுலாத் தலங்களை மேம்படுத்துவது மாநில அரசுகளின் பொறுப்பாக இருந்தாலும், ஒன்றிய சுற்றுலாத்துறை சுவதேஷ் தர்ஷன் (Swadesh Darshan), பிரசாத் (PRASHAD) மற்றும் மத்திய முகமைகளுக்கான சுற்றுலா உள்கட்டமைப்பு மேம்பாட்டுத் திட்டம் ஆகியவற்றின் மூலம் மாநிலங்களுக்கு நிதி உதவி வழங்கி வருவதாக தெரிவித்துள்ளது. மாநில அரசுகளிடமிருந்து பெறப்படும் விரிவான திட்ட அறிக்கைகளின் அடிப்படையில் நிதி ஒதுக்கீடு செய்யப்படுவதாகவும் கூறப்பட்டுள்ளது.
மேலும், Swadesh Darshan 2.0 திட்டத்தின் கீழ் Challenge Based Destination Development என்ற துணைத் திட்டம் அறிமுகப்படுத்தப்பட்டுள்ளதாகவும், சுற்றுலாத் தலங்களை நிலையான மற்றும் பொறுப்புமிக்க சுற்றுலா மையங்களாக மாற்றுவதே இதன் நோக்கம் என்றும் ஒன்றிய அரசு தெரிவித்துள்ளது. சுற்றுலா உள்கட்டமைப்பு, பாதுகாப்பு, சுகாதார வசதிகள், கடைசி மைல் சாலை இணைப்பு, வாகன நிறுத்தம், சுற்றுலா சேவைகள் மற்றும் பொதுவான தள மேம்பாட்டுப் பணிகளுக்கும் இந்தத் திட்டத்தின் கீழ் நிதி வழங்கப்படுவதாக கூறப்பட்டுள்ளது.
பழங்குடியின மக்களின் வாழ்வாதாரத்தை மேம்படுத்தும் நோக்கில் பிரதமர் ஜனஜாதிய உன்னத் கிராம் அபியான் (PM-JUGA) திட்டத்தின் கீழ் பழங்குடியினர் பகுதிகளில் ஹோம்ஸ்டே (Homestay) வசதிகளை உருவாக்கும் திட்டம் அறிவிக்கப்பட்டுள்ளதாகவும், ஒவ்வொரு கிராமத்திற்கும் ரூ.5 லட்சம் வரை, புதிய அறைகள் அமைப்பதற்கு குடும்பத்திற்கு ரூ.5 லட்சம் வரை, ஏற்கனவே உள்ள அறைகளைப் புதுப்பிப்
பதற்கு ரூ.3 லட்சம் வரை உதவி வழங்கப்படும் என்றும் தெரிவிக்கப்பட்டுள்ளது. ஹோம்ஸ்டே உரிமையாளர்களுக்கு தொழில் நுட்ப மற்றும் திறன் மேம்பாட்டுப் பயிற்சிகளும் வழங்கப்படும் என்று ஒன்றிய அரசு விளக்கியுள்ளது.
சுற்றுலாத்துறையில் திறன் மேம்பாடு, உள்ளூர்மக்களுக்கு வேலைவாய்ப்பு,சுற்றுச்சூழல் பாதுகாப்புகுறித்த விழிப்புணர்வு ஆகியவற்றை மேம்படுத்தபர்யடன் மித்ரா, பர்யடன் தீதி, ஹுனர் சே ரோஜ்கார் தக் உள்ளிட்ட பல்வேறு திட்டங்களும் செயல்படுத்தப்பட்டு வருவதாகவும், நாட்டில் நிலையான சுற்று லாவை ஊக்குவிக்கும் வகையில் தேசிய சுற்றுச்சூழல் சுற்றுலா மற்றும் நிலையான சுற்றுலா உத்திகள் மற்றும் Travel for LiFE திட்டங்களும் நடைமுறையில் உள்ளதாகவும் பதிலில் குறிப்பிடப்
பட்டுள்ளது.
தமிழகத்தில் ஒன்றிய அரசின் பல்வேறு சுற்றுலா திட்டங்களின் கீழ் இதுவரை ரூ.390.74 கோடி மதிப்பிலான திட்டங்கள் அனுமதிக்கப்பட்டுள்ளதாகவும், அவற்றில் சென்னை–மாமல்லபுரம்–இராமேஸ்வரம்–மணப்பாடு–கன்னியாகுமரி சுற்றுலா வழித்தட மேம்பாட்டிற்கு ரூ.73.13 கோடி, மாமல்லபுரம் கடற்கரை கோயில் சுற்றுலா அனுபவ மேம்பாட்டிற்கு ரூ.30.02 கோடி, இராமேஸ்வரம் ஆன்மிக சுற்றுலா மைய மேம்பாட்டிற்கு ரூ.20.01 கோடி, காஞ்சிபுரம், வேளாங்கண்ணி மற்றும் 8 நவகிரக கோயில்கள் மேம்பாட்டிற்கு ரூ.59.79 கோடி, நந்தவனம் பாரம்பரிய பூங்கா மற்றும் ஊட்டி சுற்றுச்சூழல் பூங்கா அமைப்பதற்கு ரூ.169.90 கோடி, சென்னை துறைமுகம், கங்கைகொண்ட சோழபுரம், இராமேஸ்வரம் மற்றும் மதுரை ரயில் நிலையங்களில் சுற்றுலா வசதிகளை மேம்படுத்த ரூ.37.89 கோடி ஒதுக்கப்பட்டுள்ளதாக அமைச்சர் தனது பதிலில் கூறியுள்ளார்.