சென்னை, ஜூலை 29–
அமைச்சர் நிர்மல் குமாரின் தரம் தாழ்ந்த பேச்சிற்கு கழக செய்தித் தொடர்புக் குழுத் துணைச் செயலாளர் சூர்யா கிருஷ்ண மூர்த்தி பதிலடி கொடுத்துள்ளார். வதந்தி பரப்புவதும், கட்சி மாறுவதும் தான் அமைச்சர் நிர்மல் குமாரின் தகுதி என்றும் – த.வெ.க. பாசிச கோமாளிக் கூட்டத்திற்கு எங்கள் தலைவர்களைப் பற்றி பேசத் தகுதியோ
அருகதையோ இல்லை என்றும் அவர், தனது பேட்டியில் குறிப்பிட்டார்.
சென்னை அண்ணா அறிவாலயத்தில் அவர் செய்தியாளர்களுக்கு அளித்த பேட்டி வருமாறு:–
அமைச்சர் நிர்மல் குமார் எங்களுடைய தலைவர்கள் குறித்து வாய்க்கு வந்ததை எல்லாம் தரந்தாழ்ந்து பேசி இருக்கிறார். தமிழ்நாடு சட்டமன்ற உறுப்பினர், இந்த அரசினுடைய அமைச்சர் என்கிற தகுதியெல்லாம் மறந்து, ஃபேக் நியூஸ் பரப்பக்கூடிய, வதந்தி பரப்பக்கூடிய அந்த நிலையிலிருந்து எங்களுடைய தலைவர்கள் குறித்து அவர் பேசியிருக்கிறார். அவருடைய தலைவர் எப்படி அநாகரிகமாக பேசுவாரோ, அதே பாணியில், அதே வகையில், அதே வளர்ப்பின் அடிப்படையில் அவர் பேசியிருக்கிறார். ஆனால் எங்கள் தலைவர்கள் எங்களை அப்படி வளர்க்கவில்லை. அதே சமயம் திமுக தலைவர்கள் குறித்து தொடர்ந்து இதுபோல அவர் பேசி வருவதுவன்மையாக கண்டிக்கத்தக்கது.
தகுதி இருக்கா என்று எங்கள் தலைவர்கள் குறித்து கேட்டிருக்கிறார். எது தகுதி? ஒரு டெக் ஸ்டைல் கடைக்கு போனீங்கன்னா அங்க இருக்கக்கூடிய கட்சி வேட்டியெல்லாம் எண்ணீங்கன்னா, அதைவிட அதிகமான எண்ணிக்கை யில் பல கட்சிகளுடைய கட்சி வேட்டியை வீட்டு அலமாரியில் வச்சிருக்கக்கூடிய சி.டி.ஆர். நிர்மல் குமாருக்கு இருப்பதுக்கு பேர்தான் தகுதியா? அவர் பரப்பின வதந்திகள் எத்தனை என ஒரு சென்செக்ஸ் எடுக்கலாம். அவர் போயிட்டு வந்த கட்சி எத்தனைஅப்படிங்கிறதை கையால எண்ண முடியாது, அந்த அளவிற்கு வதந்தி பரப்புவதையும் கட்சி மாறுவதையும் மட்டுமே தொழிலாக வைத்திருக்கக்கூடியசி.டி.ஆர். நிர்மல் குமாருக்கு இருக்கறதுக்கு பேர்தான் தகுதியா?
ஆயிரக்கணக்கில் கரண்ட் பில்!
அவருடைய கட்டுப்பாட்டில் இரண்டு துறை இருக்கிறது. ஒன்று மின்சாரத் துறை, இன்னொன்று சட்டத்துறை. மின்சாரத் துறையில் தினசரி மின்வெட்டு என்று தமிழ்நாடு முழுக்க போராட்டங்கள் நடக்காத நாளே இல்லை என்கிற அளவிற்கு இரவில் மக்கள் வீதியில் வந்து “எங்களுக்கு கரண்ட் கொடுங்க” என்று நடுரோட்டில் நின்று கதறிக் கொண்டிருக்கிறார்கள். ஒரு அம்மா, “நான் குடிசை வீட்டில் இருக்கேன், வீட்டில் பிரிட்ஜ் கிடையாது, ஏசி கிடையாது, ஒன்னும் கிடையாது, ஆயிரக்கணக்கில் கரண்ட் பில் வந்திருக்கு” என்று ஈபி ஆபீஸ் வாசலில் நின்று கதறுகிறார்.
இன்றைக்கு ஒரு அம்மா, “என்னுடைய வேலையே கம்ப்யூட்டரையும் கரண்டையும் நம்பிதான் இருக்கு. ஈபி பிரச்சனை யினால என் வேலை போயிடும் போல இருக்கு, நான் கரண்டுக்காக பிச்சை எடுக்கிறேன். என்ன வேலைக்காகவும் சோத்துக்காகவும் பிச்சை எடுக்க விட்டுறா தீங்க” என்று கதறக்கூடிய காட்சி பார்க்கிறோம்.தமிழ்நாடு முழுக்க மின்வெட்டால் மக்கள் அவதிப்படுகிறார்கள். மின்சாரக் கட்டணத்தின் விலை உயர்வு நெஞ்சில் கை வச்சுட்டு உட்காரும் அளவுக்கு ஷாக் அடிக்கக் கூடிய அளவிற்கு உயர்ந்திருக்கிறது. அறிவிக்கப்படாத கட்டண உயர்வாக அது இருக்கிறது. இது குறித்தெல்லாம் எந்த பதிலும் இல்லாத, எந்த அக்கறையும் இல்லாத, எந்த அறிவும் இல்லாத சி.டி.ஆர். நிர்மல் குமார் அவர்கள் எங்கள் தலைவர்களுடைய தகுதி குறித்து கேள்வி எழுப்புகிறார்.
அவருடைய இன்னொரு துறை சட்டத்துறை. அதில் என்ன நடக்கிறது என்றால், இன்றைக்கு காலையில் எல்லாரும் பார்த்திருப்பீர்கள் – ஒரு ஆடியோ வைரல் ஆயிற்று. அரசு வழக்கறிஞர் பதவிக்கு மற்றவர்களுக்கு 15 லட்சம், உனக்கு 12 லட்சம் ரூபாய் என்று ஏதோ ஆடி ஆஃபர் கொடுப்பது மாதிரி அரசு வழக்கறிஞர் பதவியை ஆஃபரில் விற்பது போல் விற்றுக் கொண்டிருக்கிறார்கள்.
கோமாளித்தனமான பேச்சு!
உங்களுடைய துறையில் நடக்கக்கூடிய இவ்வளவு பெரிய ஊழல் குறித்து இதுவரைக்கும் சி.டி.ஆர். நிர்மல் குமார் வாய் திறந்திருப்பாரா? இது குறித்து கட்டுப்படுத்துவதற்கு எந்த நடவடிக்கையாவது எடுத்திருப்பாரா? இதையெல்லாம் கட்டுப்படுத்த முடியாத அவர் எங்களுடைய தலைவர்களின் தகுதி பற்றி பேசுவது எவ்வளவு நகைச்சுவை. அது ஒரு கோமாளித்தனமான பேச்சாகத்தான் பார்க்க வேண்டியிருக்கிறது.
இன்னொரு பக்கம், பாலியல் புகார் கொடுக்கப்பட்ட ஒரு பெண் தவெக எம்.எல்.ஏ “என்னை மிரட்டுகிறார்” என்று குற்றச் சாட்டு வைக்கிறார். அந்த எம்.எல்.ஏவுக்கு துப்பாக்கி ஏந்திய போலீஸ் பாதுகாப்பு கொடுக்கிறது இந்த அரசு. ஒரு மந்திரி ஸ்டேடியத்துக்குள் உட்கார்ந்து கொண்டு மாத்திரை நுணுக்கு கிறார். அவர் மீது எந்த நடவடிக்கையும் எடுப்பதில்லை. இன்றைக்கு ஒரு அமைச்சரின் ஆடியோ ரிலீஸ் ஆகியிருப்பதாக தகவல் வருகிறது. அதில் “கொன்னு வெளியே எடுத்துருவேன்”, “என் பார்டரை தாண்டாதே” என்றெல்லாம் டயலாக் இருக்கிறது.
இதெல்லாம் ஒரு பக்கம் நடந்து கொண்டிருக்கும் போது, ஊர் எக்கேடு கெட்டால் என்ன, என்னுடைய படை பரிவாரங்கள் எவ்வளவு அயோக்கியத்தனங்களை பண்ணினால் என்ன, எனக்கு பத்தாவது மாடியில் ஃபுல் சி வியூவோட ஆபீஸ் இருந்தால் போதும் என்று சொகுசை என்ஜாய் பண்ணக்கூடிய அந்த தன்மைக்கு பெயர் கோமாளித்தனமா இல்லையா? என்று மக்கள் கேட்கிறார்கள்.
இன்றைக்கு இந்திய நாடு முழுக்க நீட் தேர்வுக்கு எதிராக, பாஜகவுக்கு எதிராக மக்கள் போராடி வருகிறார்கள். மாணவர்கள் ரோட்டில் வந்து உட்கார்ந்திருக்கிறார்கள். மாணவர் சமுதாயம் ஒன்று திரண்டு ஒரு மந்திரியையே பதவியிலிருந்து இறக்கியிருக்கிறது. அது குறித்துவாயே திறக்காத ஒருவர் இருக்கிறார் என்றால், அவர் இந்த தமிழ்நாட்டின் முதலமைச்சர் தான்.
கோவைக்கும் மதுரைக்கும் மெட்ரோ கிடையாது என்று இரண்டாவது முறையாக ரிஜெக்ட் பண்ணியிருக்கிறார்கள். அதை எதிர்த்து இப்போது வரை முதலமைச்சர் வாயே திறக்கவில்லை. நிதியாண்டின் முதல் குவாட்டரில் போன ஆண்டை விட இந்த ஆண்டு ஒன்றிய அரசாங்கத்தின் நிதி 2,500 கோடி ரூபாய் குறைந்
திருப்பதாக செய்தி வருகிறது. அதை எதிர்த்து கேள்வி கேட்பதற்கு இந்த முதல மைச்சருக்கு திராணி கிடையாது. தமிழ்த்தாய் வாழ்த்தை மூன்றாவ தாகத்தான் பாடுவோம் என்று தமிழ்நாட்டில்இருக்கக்கூடிய ஒரு பல்கலைக் கழகத்தின் துணைவேந்தர் பப்ளிக்காக செய்தி கொடுக்கிறார். அந்த துணைவேந்தரை கண்டிப்
பதற்கு வக்கு கிடையாது. முடிஞ்சா பா.ஜ.க.வைக் கண்டிக்கிறேன், பாஜகவை எதிர்க்கிறேன் என்று உங்க தலைவர் ஒரே ஒரு வார்த்தை பேசச் சொல்லுங்கள்.
தலைமைச் செயலகத்தில் முதலமைச்சர் ஆபீஸுக்கு புகார் கொடுக்க வருபவர்கள் தீக் குளிக்க முயல்கிறார்கள். இந்த லட்சணத்தில்தான் ஆட்சி இருக்கிறது. நாகரீகம் இல்லாமல் பேசுவதை முதலில் நிறுத்தினீர்கள் என்றால் நல்லது. நிறுத்த வில்லை என்றால் திராவிட முன்னேற்றக் கழகம் அதை எப்படி எதிர்கொள்ளுமோ அப்படி எதிர்கொள்ளும்.
களத்தில் நின்று
போராடியதி.மு.க.!
அமைச்சர் நிர்மல் குமார் அவருக்கு அந்த கட்சியில் எந்த மதிப்பும் இல்லை, மரியாதையும் இல்லை. மதுரையைச் சேர்ந்த அமைச்சர் அவர்; ஒரு நிகழ்ச்சிக்கு போகிறார், மதுரையைச் சேர்ந்த எம்.எல்.ஏக்கள் அந்த நிகழ்ச்சிக்கு வரவில்லை என்று ஸ்டேஜை விட்டு இறங்கி ஓடுகிறார். அவ்வளவு தான் அவருக்கு அக்கட்சிக்குள் மரியாதை.
ஒட்டுமொத்த ‘Gen Z’ எங்களுக்குத்தான் ஓட்டு போட்டார்கள் என்று அவர் கிரியேட் பண்ணி வைத்திருந்த அந்த நரேட்டிவுக்கு எதிராக, ‘Gen Z’ என்ற பெயரில் திராவிட முன்னேற்றக் கழகத்தின் பக்கம் பெருமளவு இளைஞர்கள் வருகிறார்கள் என்பதை பொறுத்துக் கொள்ள முடியாமல் பேசுகிறார். நீட் எதிர்ப்பு போராட்டத்தை ‘Gen Z’ மூலம் ஹைஜாக் பண்ண அட்டெம்ப்ட் பண்றாங்க என்கிறார்கள். அந்த போராட்டத்தை திமுக, நாம் தமிழர் என அனைத்து கட்சிகளும் போய் ஆதரித்தன. உங்களை எது தடுத்தது? பாஜக கோவிச்சுக்கும் என்கிற பயம்தான் உங்களைத் தடுத்தது. மதுரையில் காலேஜ் கிளாஸ்ரூமில் உட்கார்ந்திருந்த ஒரு ஸ்டூடண்டை தடுப்புக் காவலில் வைத்தீர்கள். தமிழ்நாட்டின் வரலாற்றிலேயே இதெல்லாம் நடந்ததே இல்லையே! நீட்டுக்காக என்ன பண்ணி னோம்? ஏ.கே. ராஜன் கமிட்டி அறிக்கை கொடுத்தது தி.மு.க. அரசு.
தமிழ்நாடு சட்டமன்றத்தில் இரண்டு முறை தீர்மானம் நிறைவேற்றி அனுப்பினோம். நீதிமன்றத்தில் வழக்கு நடத்தினோம், நாடாளுமன்றத்தில் பேசினோம். கட்சி ரீதியாகவும் தமிழ்நாடு முழுக்க போராட்டங்கள், ஆர்ப்பாட்டங்கள், உண்ணாவிரதங்கள் நடத்தினோம். ஆனால் தவெக என்ன செய்தது.? எல்லாம் முடிந்த பிறகு ஒன்றிய அமைச்சர் தர்மேந்திர பிரதான் ராஜினாமா செய்த பிறகு மாணவர்களை சந்திக்க அமைச்சர் ராஜ் மோகன் செல்கிறார். பாஜக என்ற வார்த்தையை கூட உச்சரிக்க பயம். அன்று நீங்கள் வருமான வரி வழக்கை எப்படி எதிர்கொள்ளலாம் என யோசித்து கொண்டிருந்த போது நீட் தேர்விற்கு எதிராக களத்தில் நின்று போராடி யது திமுக. அமைச்சர் பதவி போனாலும் பரவாயில்லை என உண்ணா விரத போராட்டத்தில் காலந்துகொண்டவர் எங்கள் இளம் தலைவர் அவர்கள்.
நீட் தேர்விற்கு எதிராக திமுக தான் சட்டமன்றத்திலும், நாடாளுமன்றத்திலும், ரோட்டிலும் போராடியது. ஆனால் இவர்கள் என்ன சொல்கிறார்கள் நாளை ஒரு வாய்ப்பு வருமானால் நீட் விலக்கு பெறுவோம் என்கிறார், அப்படி என்றால் வாய்ப்பை இவர்கள் உருவாக்க வக்கில்லை. அதுவாக நடந்தால் அதன் மீது ஸ்டிக்கர் ஒட்டி கிரெடிட்டை திருடி கொள்வார்கள் அவ்வளவு தான். கல்வி அமைச்சர் ராஜ் மோகன் கூறுகிறார்
கல்வியை ஒத்திசைவுப் பட்டியலுக்காகவது மாற்றுவோம் என்கிறார். ஏற்கனவே கல்வியானது ஒத்திசைவுப் பட்டியலில் தான் உள்ளது. இந்த மாதிரியான கேலிக்கூத்தை எல்லாம் செய்யும் த.வெ.க. பாசிச கோமாளிக் கூட்டத்திற்கு எங்கள் தலைவர்களைப் பற்றிப் பேச தகுதியோ அருகதையோ இல்லை.
இவ்வாறு அவர் செய்தியாளர்களுக்கு அளித்த பேட்டியின்போது குறிப்பிட்டார்.