புதுடெல்லி, ஜூலை 29 –
பெரு நிறுவன விவகா ரங்கள் துறை அமைச்சகத்தின் தரவு மையத்தில் தீ விபத்து ஏற்பட்டதற்கான காரணங்கள் என்ன என்றும் இந்த தீ விபத்தால் நிறுவனங்களிடையே ஏற்பட்டுள்ள பாதிப்பை சரி செய்யவும் எதிர்காலத்தில் இதுபோன்ற சம்பவங்கள் நடக்காமல் இருக்க எடுத்துள்ள தடுப்பு நடவடிக்கைகள் என்ன என்றும் நாடாளுமன்றத்தில் ஒன்றிய நிதி மற்றும் பெருநிறுவன விவகாரங்கள் துறை அமைச்சர் நிர்மலா சீதாராமன் அவர்களிடம் கழக நாடாளுமன்றக் குழுத் துணைத் தலைவரும் மத்திய சென்னை நாடாளுமன்ற உறுப்பினருமான தயாநிதி மாறன் பல கேள்விகளை எழுப்பியுள்ளார்.
அதன் விவரங்கள் வருமாறு:-
பெரு நிறுவன விவகா ரங்கள் துறை அமைச்சகத்தின் (MCA) தரவு மையத்தில் ஏற்பட்ட தீ விபத்தை யடுத்து, நிறுவ னங்களின் சட்டப்பூர்வ ஆவணத் தாக்கல், புதிய நிறுவனப் பதிவு, மற்றும் பிற ஒழுங்குமுறை இணக்கச் சேவைகளில் ஏற்பட்ட பாதிப்புகள் குறித்து அரசு மதிப்பீடு செய்துள்ளதா? அவ்வாறெனில் அதன் விவரங்கள் என்ன?
சென்னையில் பேரிடர் மீட்பு மையம் (Disaster Recovery Site) செயல்பாட்டில் இருந்தபோதிலும், முக்கிய மான பெருநிறுவனங்களின் சேவைகளை தடை யின்றி வழங்குவதில் பேரிடர் மீட்பு மற்றும் வணிகத் தொடர்ச்சி நடைமுறைகள் முழுமையாக செயல்படாமல் தோல்வி அடைந்ததற்கான
காரணங்கள் என்ன?
நீண்ட நேர இணையதளச் சேவை முடக்கம் காரணமாக நிறுவனங்கள், ஸ்டார்ட் அப்கள் மற்றும் தொழில் வல்லுநர்கள் சட்டப்பூர்வ இணக்க நடவடிக்கைகளில் தாமதத்தைச் சந்தித்தனரா? ஆம் எனில், அதற்கான விவ ரங்கள் மற்றும் இதற்காக அவர்கள் மீது அபராதம் விதிக்க ப்படாமல் இருப்பதை உறுதி செய்ய அரசு எடுத்த நடவடிக்கைகள் என்ன?
இந்த தீ விபத்து தொடர்பாக மேற்கொள்ளப்பட்ட விசாரணையின் தற்போதைய நிலை என்ன? தீ விபத்திற் கான காரணம், பாதிக்கப்பட்ட தரவு மற்றும் இணையப் பாதுகாப்பில் ஏற்பட்ட தாக்கம், பேரிடர் தாங்கும் திறனை வலுப்படுத்த எடுக்கப்பட்ட நடவடிக்கை கள் குறித்த விவரங்கள் என்ன?
இத்தகைய இடையூறுகள் எதிர்காலத்தில் மீண்டும் ஏற்படாமல் தடுக்கும் வகையில், உயர் கிடைப்புத் தன்மை கொண்ட
கட்டமைப்பு (High Availability architecture) மற்றும் புவியியல் ரீதியாகப் பரவலான காப்புப் பிரதி அமைப்புகளுடன் (geographically distri buted backup systems) MCA-வின் டிஜிட்டல் உள்கட்டமைப்பை நவீனமயமாக்க அரசு திட்டமிட்டி ருந்தால் அதன் விவரங்கள் என்ன?
இவ்வாறு தயாநிதி மாறன் எம்.பி. கேள்வி எழுப்பினார்.