சென்னை, ஜூலை 29–
எல்லாம் தெரிந்தவர் போல காட்டிக்கொண்ட முதல்வர் ஜோசப் விஜய்க்கு வாக்களித்த மக்கள் நிர்வாக திறமையின்மையால்
த.ெவ.க. ஆட்சியில் விழி பிதுங்கி தவிக்கிறார்கள் என ‘‘தினகரன்’’ நாளேடு தலை யங்கத்தில் விமர்சித்துள்ளது.
அது வருமாறு:–
தமிழ்நாட்டில் திமுக கூட்டணி கட்சிகளுடன் ஆட்சி அமைத்த தவெக அரசு, 81 நாட்களை கடந்தும் மக்கள் நல பிரச்சினை கள், பெண்கள் பாதுகாப்பு, வெளிமாநிலங்களுக்கு செல்லும் புதிய தொழிற்சாலைகள், காவிரியில் தண்ணீர் திறக்க சட்ட போராட்டம் எடுக்காததால் விவசாயி களின் வாழ்வாதாரம் வெகுவாக பாதிப்பு, அனைத்து துறைகளின் செயல்பாடுகளும் முடங்கி இருப்பது என்பது உள்பட பல்வேறு பிரச்சினை களில் தெளி வான நடவடிக்கை எடுக்காததால் வெகுஜன மக் கள் பெரிதும் பாதிக்கப்பட்டு உள்ளனர்.
தமிழ்நாட்டில் வழக்கமாக புதிய அரசு அமைந்ததும் ஆட்சியின் செயல்பாடுகள் அனைத்து துறைகளிலும் பிரதிபலிக்கும். மேலும் மக்கள் நல பிரச்சினைகளில் கூடுதல் கவனம் செலுத்தப்படும். மக்களின் சேவைகளுக்காக ஒவ்வொரு துறையும் மாற்றி அமைக்கப்படும். கடந்த 2021ம் ஆண்டு திமுக ஆட்சி அமைந்ததும் மகளிர் இலவச பேருந்து பயணம், புதுமைப் பெண் திட்டம், தமிழ்ப் புதல்வன் திட்டம், மக்களைத் தேடி மருத்துவம், காலை உணவுத் திட்டம் மற்றும் மகளிர் நலம். கல்வி மற்றும் மருத்துவம் ஆகிய துறைகளில் பல முக்கிய திட்டங்கள் நிறைவேற்றப் பட்டது. ஆனால் தற்போதைய தவெக அரசு, திமுக அரசின் திட்டங்களுக்கு பெயர் மாற்றம் செய்து ஸ்டிக்கர் ஒட்டும் வேலையை தான் செய்து வருகிறது.
இந்த புதிய அரசு அமைந்ததும் 200 யூனிட் வரை மின்சாரம் இலவசம் என அறிவிப்பு வெளியானது. அதற்கான பலன்கள் மக்களுக்கு சென்றடைந்ததா? என்பதற்கு பதில் மின் கட்ட ணம் உயர்ந்துள்ளதாக மின் நுகர்வோர்கள் சமூக வலைதளங்களில் குற்றம் சாட்டுகின்றனர். காவிரி நீரை கர்நாடகம் திறக்காததால் டெல்டா முழுவதும் பாலைவனமாக மாறி வருகிறது. விளையும் பயிர் முளையிலேயே தெரியும் என்ற பழமொழிக்கு ஏற்ப ஆட்சி அமைந்து 3 மாதங்கள் நிறைவடையும் நிலையில் மக்கள், விவசாயிக ளின் மனதில் மகிழ்ச்சி தெரியவில்லை.
காவிரி நீர் விவகாரம் குறித்து தமிழக முதல்வர் விஜய், கர்நாடகா சென்று அம்மாநில முதல்வரிடம் பேச்சுவார்த்தை நடத்த உள்ளதாக வேளாண்மைத்துறை அமைச்சர் வினோத் கூறி னார். மறுநாளே இதற்கு மறுப்பு தெரிவித்து கூறுகிறார் பள்ளி கல்வித்துறை அமைச்சர் ராஜ் மோகன். உச்ச நீதிமன்ற வழிகாட்டுதலை மீறி பேச்சுவார்த்தை நடத்துவதை தவிர்க்க வேண்டும். உடனே சட்டப் போராட்டத்தை நடத்தி காவிரி நீரை பெற்றுத்தர வேண்டும் என விவசாய சங்கங்கள், திமுக உள்ளிட்ட எதிர்க்கட்சிகள் வலியுறுத்தி வரு கின்றன. ஆனால் அரசு சார்பில் இதுவரை எந்த விளக்கமும் வெளியிடவில்லை.
கடந்த கால தி.மு.க. ஆட்சியை குறை கூறி வந்தால் தப்பித்து விடலாம் என அரசு மனக்கணக்கு போடுகிறது. காவிரி நீர் உள்ளிட்ட பல்வேறு விவரங்களை தீர்க்க அரசியல் நிபுணர்க ளிடம் ஆலோசனை நடத்துங்கள். ஆனால் அதற்கு வாய்ப்பில்லை. ஏன் என்றால் நீங்கள் அனைத்தும் தெரிந்தவர் என நினைப்பில் இருந்து வருகிறீர்கள். மாற்று அரசியல் வேண்டும் என வாக்களித்த மக்கள் தான் தற்போது விழிபிதுங்கி தவிக்கின்றனர்.
அரசு வழக்கறிஞர்கள் நியமனத்துக்கு லஞ்சம், மாநிலத்தில் குற்றச் செயல்கள் மற்றும் கொலைகள் அதிகரித்துள்ளது. லாக்அப் மரணங் கள், அரசின் நிதி மேலாண்மை மற்றும் நிர்வாக செயல்பாடுகள் மீது அதிருப்தி, தேர்தல் வாக்குறுதிகள் நிறை வேற்றாதது, பொதுமக்களுக்கு பாதுகாப்பின்மை, காவல்துறை சுதந்திரமாக செயல்படவில்லை மற் றும் அனைத்து துறைகளும் செயலிழந்து விட்டது. விரைவில் மக்கள் பிரச்சினை கள் மற்றும் விவசா யிகள் பிரச்சினைகளை தீர்க்க வேண்டும் என்பதே அனைவரின்விருப்பமாக உள்ளது.
இவ்வாறு ‘தினகரன்’ தலையங் கத்தில் கூறப்பட்டுள்ளது.
சேலம் மாவட்டம் ஆத்தூர் ஒன்றியம் விவசாய சங்கம் சார்பில், தமிழக முதல்வர் தேர்தல் வாக்குறுதியில் அளித்த வாக்குறுதிபடி, கூட்டுறவு வங்கியில் விவசாயிகள் பெற்ற பயிர் கடனை தள்ளுபடி செய்யக்கோரி, கவன ஈர்ப்பு ஆர்ப்பாட்டம் நடைபெற்றது. தமிழக விவசாயிகள் பாதுகாப்பு சங்க கிழக்கு மாவட்ட செயலாளர் க.சி. அருள்மணி வரவேற்புரையாற்றினார். தமிழக விவசாயிகள் பாதுகாப்பு சங்க
நிறுவனத் தலைவர் வழக்கறிஞர் ஈசன் முருகசாமி கலந்து கொண்டு கண்டன உரையாற்றினார்.
ஆர்ப்பாட்டத்தில் விவசாயிகள் கலந்து கொண்டு பயிர் கடனை தள்ளுபடி செய்யக் கோரி முழக்கங்களை எழுப்பினர். இதில் அன்பரசு, செல்வராஜ், மோகன்ராஜ், செந்தில்குமார் உள்ளிட்ட நூற்றுக்கும் மேற்பட்ட விவசாயிகள் பங்கேற்றனர். ஆர்ப்பாட்டம் முடிவில் இயற்கை விவசாயி இரா. சுந்தர்ராஜன் நன்றியுரையாற்றினார். இதனை தொடர்ந்து மஞ்சினி தொடக்க வேளாண்மை கூட்டுறவு சங்க செயலாளர்
அழகனிடம் கோரிக்கை மனுவை வழங்கினர்.