#Title

சோளிங்கர் – த.வெ.க எம்.எல்.ஏ. தலைமையில் 20 பேர் கொண்ட கும்பல் பத்திரிகையாளர்களை அறையில் அடைத்து வைத்து கொலைவெறித் தாக்குதல்! நடவடிக்கை எடுக்கக் கோரி உறவினர்கள் – பொதுமக்கள் சாலை மறியல்!

வேலூர், ஜூலை 30 –

இராணிப்பேட்டை மாவட்டம் சோளிங்கரில் தினகரன், தினமலர் நிருபர்களை அறையில் அடைத்து வைத்து கொலைவெறி தாக்குதல் நடத்திய சோளிங்கர் எம்.எல்.ஏ. தலைமையில் 20க்கும் மேற்பட்ட கும்பல் மீது நடவடிக்கை எடுக்க கோரி உறவினர்கள், பொதுமக்கள் சாலை மறியலில் ஈடுபட்டதால் பெரும் பரபரப்பு ஏற்பட்டது. இராணிப்பேட்டை மாவட்டம் சோளிங்கரில் ஒரு தியேட்டரில் சில நாட்களுக்கு முன்பு ஜனநாயகன் திரைப்படம் வெளியானது. இந்த திரைப்படத்தை சோளிங்கர் எம்எல்ஏ கபில் தியேட்டரில் பார்த்துவிட்டு வெளியே வந்துள்ளார். அப்போது யூடியூபர் சிவா என்பவர் அங்கே இருந்துள்ளார். உடனே த.வெ.க. எம்.எல்.ஏ. கபில் அந்த யூ.டியூபரை தாக்க முயன்றுள்ளார் அது தொடர்பான வீடியோ சமூக வலைத் தளங்களில் வைரலானது. மேலும் இது குறித்த செய்தி டி.வி.களில் ஒளிபரப்பானது.

இதனால் எம்.எல்.ஏ. கபில் மற்றும் அவரது ஆதரவாளர்கள் ஆத்திரமடைந்து அந்த யூ டியூபர் சிவாவை தேடி வந்துள்ளனர். தொடர்ந்து படத்தை தியேட்டருக்கு சென்று சி.சி.டி.வி. கேமரா பதிவுகளை ஆய்வு செய்துள்ளனர். அப்போது நிருபர்கள் யூடியூபர் மற்றும் யார் யார் வந்தார்கள் என்பது குறித்து ஆய்வு செய்துள்ளார்.

இந்நிலையில் சோளிங்கர் அண்ணா சிலை அருகே உள்ள யூ டியூபரின் வீட்டிற்கு எம்.எல்.ஏ. கபில் மற்றும் அவரது தம்பி தனஞ்செழியன் மற்றும் 20க்கும் மேற்பட்டவர்கள் அங்கு சென்றுள்ளனர். அப்போது அவர் குளித்து கொண்டு இருந்துள்ளார் குளித்து முடித்தவுடன் வெளியே வந்த சிவாவை வலுக்கட்டாயமாக அருகில் உள்ள யூடியூபரின் ஸ்டுடியோ கடைக்கு அழைத்துச் சென்று சரமாரியாக தாக்கி உள்ளனர்.

இதற்கு இடையே சம்பவம் குறித்து அறிந்த அப்பகுதி பொதுமக்கள் கடையின் வெளியே குவிந்தனர். கடையின் வெளியே நடந்த சம்பவங்களை நிருபர்கள் ரங்கநாதன், கல்யாணசுந்தரம் ஆகியோர் செல்போனில் வீடியோ பதிவு செய்து கொண்டிருந்தனர்.

இதைப் பார்த்த கபில், அவர் தம்பி தனஞ்செழியன் மற்றும் 20-க்கும் மேற்பட்ட ஆதரவாளர்கள் ஆவேசத்துடன் அரங்கநாதன் மற்றும் கல்யாணசுந்தரம் இருவரையும் சுற்றி வளைத்து பிடித்து அந்த கடையில் உள்ளே தள்ளி கதவை மூடி உள்ளே வைத்து சரமாரியாக தாக்கி உள்ளனர். மேலும் செல்போன்களை பறித்துக் கொண்டு பதிவு செய்த வீடியோக்களை அழிக்குமாறு கூறியுள்ளனர்.

இவர்களின் சத்தம் கேட்டதும் அங்கிருந்த பொதுமக்கள் கடையின் முன்பு குவிந்து கூச்ச லிட்டனர். தகவல் அறிந்த சோளிங்கர், போலீசார் சம்பவ இடத்திற்கு வந்தனர் காவல் அதி காரி எம்.எல்.ஏ. கபில் போன் செய்து வரவழைத்தார். அப்போது நிருபர்கள் அரங்கநாதன் தினமலர் நிருபர் கல்யாணசுந்த ரம் ஆகியோர் பதிவு செய்த வீடியோக்களை எஸ்.ஐ. முன்னி லையில் எம்.எல்.ஏ. கபில் அவரது தம்பி தனஞ்செழியன் ஆகியோர் அழித்துள்ளனர். தொடர்ந்து அவர்களை த.வெ.க.வின் எம்.எல்.ஏ. மற்றும் அக்கட்சியினர் அந்த நிருபர்களை கடுமை யாக தாக்கிவிட்டு காரில் தப்பி சென்றனர். தாக்குதலில் பலத்த காயடைந்த அரங்கநாதன், கல்யாணசுந்தரம், சிவா ஆகிய மூன்று பேரையும் அங்கிருந்த பொதுமக்கள் மீட்டு சோளிங்கர் அரசு மருத்துவ மனையில் சேர்த்துள்ளனர். அங்கு அவர்களுக்கு முதல் உதவி சிகிச்சை அளிக்கப்பட்டு மேல்சிகிச்சைக்குவேலூர்தனியார் மருத்துவமனைக்கு அழைத்துச் சென்றனர்.

இதற்கு இடையில் இந்த தாக்குதல் சம்பவத்தைநேரில் பார்த்து அதிர்ச்சி அடைந்த உறவினர்கள் மற்றும் பொதுமக்கள் சாலை மறியல் போராட்டத்தில் ஈடுபட்டனர். அப்போது தாக்கு நடத்திவிட்டு தப்பி ஓடிய எம்.எல்.ஏ. மற்றும் அவரது ஆதரவாளர்கள் மீது நடவடிக்கை எடுத்து கைது செய்ய வேண்டும் என்று கூறி போலீசாரிடம் வாக்குவாதத்தில் ஈடுபட்டனர். இதனால் அங்கு பெரும் பரபரப்பு ஏற்பட்டது. மேலும் தாக்குதலில் காயம்அடைந்த இந்த மூன்று பேரும் சோளிங்கர் போலீசில் தனித்தனியாக புகார் மனு அளித்துள்ளனர்.