புதுடெல்லி, ஜூலை 30–
பாதசாரிகளுக்கான வசதிகள் பெருக்கவும், மிதிவண்டி பயன்பாட்டை அதிகரிக்கவும், சுற்றுச் சூழலை மேம்படுத்தவும் உரிய முயற்சிகளில் ஒன்றிய அரசால் எடுக்கப்பட்டுள்ளதா? என்று மாநிலங்களவையில் திராவிட முன்னேற்றக் கழக மேலவை உறுப்பினர் எஸ்.ஆர். சிவ லிங்கம் கேள்வி எழுப்பினார்.
திராவிடமுன்னேற்றக் கழக, மேலவை உறுப்பினர் எஸ்.ஆர். சிவலிங்கம் அவர்கள் 27 ஜூலை 2026 அன்று மாநிலங்களவையில் பாதசாரிகளுக்கான வசதிகள் பெருக்கவும், மிதிவண்டி பயன்பாட்டை அதிகரிக்கவும், சுற்றுச் சூழலை மேம்படுத்தவும், போக்குவரத்து நெரிசலை குறைக்கும் வகையில் ஒன்றிய அரசு, ஏதேனும் முயற்சிகளை எடுத்துள்ளதா? என்றும் அதன் விவரங்களை உறுப்பினர்களுக்கு தெரிவிக்க இயலுமா? என்றும், ஒன்றிய அரசின் நகர்புற வளர்ச்சித் துறைஇணையமைச்சர் மோகன் சாகு அவர்களிடம் விரிவான கேள்வியை எழுப்பினார்.
ஒன்றிய அரசின் நகர்புற வளர்ச்சித துறை இணையமைச்சர் அவர்கள் அளித்த பதில் வருமாறு:-
அரசிலமைப்பு சட்டத்தின்படி உள்ளாட்சி சார்ந்த சாலைகள், பாலங்கள் அனைத்தும் மாநில அரசின் பட்டியலில் இருப்பதால் உள்ளாட்சிஅமைப்புகள், நகராட்சிகளே உரிய முயற்சி எடுக்க வேண்டும் என்றும், ஆனால் போக்குவரத்து நெரிசலை தவிர்க்கத் தேவையான கொள்கை முடிவுகள், விதிகள் ஆகியற்றை ஒன்றிய அரசு அனைத்து மாநில அரசுகளுக்கும் அவ்வப்போது வழங்கி வருகிறது என்றும், தேசிய நகரப் போக்குவரத்து கொள்கை, மெட்ரோ தொடர்வண்டி கொள்கை ஆகியவற்றின்படி பாதசாரிகளுக்கும், மிதிவண்டி உபயோகப்பவர்களுக்கும் தேவையான வசதி செய்து தர ஆலோசனை வழங்கப்பட்டுள்ளது என்றும், அடல் மிஷன் எனப்படும்அம்ருத் திட்டத்தின்படி 500 நகரங்களுக்கான வழிகாட்டி நெறிமுறைகள் ஒன்றிய அரசால் அளிக்கப்பட்டுள்ளது என்றும், இணையமைச்சர் தெரிவித்தார்.
மேலும், தேசிய நகர வாழ்வாதார திட்ட த்தின் கீழ் 2958 திட்டங்களின் வழி சுமார் 8 இலட்சம் மரக்கணிகள் நடப்பட்டுள்ளன என்றும், இதன் மூலம் சுற்றுச் சூழல் மேம்பட ஆவன செய்யப்பட்டுள்ளது என்றும், 100க்கும் மேற்பட்ட நகரங்களில் 10000க்கும் அதிகமான மின்சாரப் பேருந்துளை இயக்கி சுற்றுச் சூழல் பாதுகாக்க அனைத்து முயற்சிகளை யும் ஒன்றியு அரசு எடுத்துள்ளது என்றும் ஒன்றியஅரசின் நகர்புற வளர்ச்சித துறை இணைய மைச்சர் அவர்கள் மாநிலங்களவையில் தி.மு.க. மேலவை உறுப்பினர் எஸ்.ஆர். சிவலிங்கம் எழுப்பிய கேள்விக்கு ஒன்றிய அமைச்சர் விரிவான பதிலை அளித்துள்ளார்.