சென்னை, ஜூலை.30
கழகத் தலைவர் மு.க. ஸ்டாலின் வழிகாட்டுதல்படி, பெண்களின் பொருளாதார முன்னேற்றம் மற்றும் சுயதொழில் வாய்ப்பு களை உருவாக்கும் நோக்கில் சென்னை கிழக்கு மாவட்டம் துறைமுகம் சட்டமன்றத் தொகுதியில் செயல்பட்டு வரும் அன்னை தயாளு அம்மாள் பயிற்சி பள்ளி, நூற்றுக் கணக்கான பெண்களின் வாழ்க்கையில் மாற்றத்தை ஏற்படுத்தி வருகிறது.
கொளத்தூர் சட்டமன்றத் தொகுதியில் மறைந்த மாணவி அனிதா பெயரில் கணினி மற்றும் தையல் பயிற்சி மையங்கள் தொட ங்கப்பட்டு இளைஞர்கள் மற்றும் பெண்களின் திறன்களை மேம்படுத்தியதைப் போலவே, துறைமுகம் தொகுதியிலும் அன்னை தயாளு அம்மாள் பெயரில் பயிற்சி பள்ளி தொடங்கப்பட்டு, பெண்கள் பொருளாதார ரீதியாக தன்னிறைவு பெறும் வகையில் பல்வேறு தொழில்பயிற்சிகள் வழங்கப்பட்டு வருகின்றன.
இந்தப் பயிற்சி பள்ளியில் கணினி பயிற்சி, தையல் பயிற்சி மற்றும் அழகு கலை பயிற்சி ஆகியவை இலவசமாக அளிக்கப்பட்டு வருகின்றன. பயிற்சியை வெற்றிகரமாக நிறைவு செய்த பெண்களுக்கு சான்றிதழ்கள் வழங்கப்படுவதுடன், அவர்கள் உடனடியாக சுயதொழில் தொடங்கும் வகையில் தேவையான உபகரணங்களும் வழங்கப்பட்டுள்ளன.
அதன்படி, தையல் பயிற்சியை முடித்தவர்களுக்கு தையல் இயந்திரங்கள், கணினி(TALLY) பயிற்சியை முடித்தவர்களுக்கு மடிக்கணினிகள், அழகு கலை பயிற்சியை முடித்தவர்க ளுக்கு சுழலும் நாற்காலி மற்றும் தொழிலுக்குத் தேவையான அழகு கலை உபகரணங்கள் வழங்கப்பட்டுள் ளன. இதன் மூலம் பல பெண்கள் தன்னம்பிக்கையுடன் சுயதொழில் தொடங்கி குடும்பத்தின் பொருளாதார நிலையை உயர்த்தி வருகின்றனர்.
இந்த முயற்சியின் தொடர்ச்சியாக, அன்னை தயாளு அம்மாள் பயிற்சி பள்ளியில் அழகு கலை பயிற்சி பெற்ற 297 பெண்களுக்கு, துறையில் சிறந்து விளங்கும் அழகு கலை நிபுணர்களின் வழிகாட்டுதலுடன் முழுநேர சிறப்பு திறன் மேம்பாட்டு பயிற்சி முகாம் இன்று (30.07.2026 – வியாழக்கிழமை) காலை 9.00 மணி முதல் மாலை 5.00 மணி வரை, சென்னை ஏழுகிணறு பகுதியில் உள்ள குலோப் திருமண மண்டபத்தில் நடைபெறும் முகாமை சென்னை கிழக்கு மாவட்ட கழகச் செயலாளரும் துறைமுகம் சட்டமன்ற உறுப்பினருமான பி.கே. சேகர்பாபு அவர்கள் துவக்கி வைத்து சிறப்புரையாற்று கிறார்.
இம்முகாமில் துறைமுகம் கிழக்கு -மேற்கு பகுதிக் கழகச் செயலாளர்கள்ச எஸ்.ராஜசேகர்,எஸ். முரளி, தாஹா.எல்.நவீன்.எம்.சி, எல்.சத்யநாராயணன்மற்றும் கழக நிர்வாகிகள், செயல்வீரர்கள் முன்னோடிகள் கலந்து கொண்டு சிறப்பிக்கின்றனர்.