தேனி, ஜூலை 30–
த.வெ.க. ஆட்சியில் அனைத்து சட்டமன்ற உறுப்பினர்களும் சமமாக பார்க்கப்படும் என்று தமிழக முதல்வர் சட்டசபையில் அறிவித்தார்.
தேனி மாவட்டம் ஆண்டிபட்டி தொகுதி வருஷநாடு பகுதி மக்களை வெளியேற்ற வேண்டாம்: மாவட்ட நிர்வாகத்திடம் ஆண்டிபட்டி எம்.எல்.ஏ மகாராஜன் கோரிக்கை மனு கொடுத்து பல நாட்களாகியும் எந்தப் பதிலும் இல்லை.
தேனி மாவட்டம், ஆண்டிபட்டி சட்டமன்றத் தொகுதிக்குட்பட்ட வருஷநாடு பகுதியில் தலைமுறை தலைமுறையாக வசித்து வரும் மக்களை, த.வெ.க. ஆட்சி மெத்தனப் போக்கால் வனத்துறை திடீரென அங்கிருந்து வெளியேற்றும் நடவடிக்கைகளில் ஈடுபட்டு வருகிறது.
வனத்துறையின் இந்த நடவடிக்கைக்கு அப்பகுதி பொதுமக்கள் கடும் எதிர்ப்பைத் தெரிவித்து வருகின்றனர்.
இந்நிலையில், வருஷநாடு பகுதியில் குடியிருந்து வரும் ஏழை எளிய மக்களின் வாழ்வாதாரத்தையும், அவர்களின் தற்போதைய சூழ்நிலையையும் கருத்தில் கொண்டு, அவர்களை அங்கிருந்து கட்டாயப்படுத்தி வெளியேற்றக் கூடாது என்றும், அவர்களுக்கு உரிய மாற்று ஏற்பாடுகள் அல்லது சட்டப்பூர்வ தீர்வுகள் வழங்கும் வரை வனத்துறையின் நடவடிக்கையைத் தடுத்து நிறுத்த வேண்டும் என்றும் ஆண்டிபட்டி சட்டமன்ற உறுப்பினர் மகாராஜன் அவர்கள் மாவட்ட நிர்வாகத்திடம் கோரிக்கை மனு ஒன்றை அளித்தார்.
இருப்பினும், இந்த மனு அளித்து பல நாட்கள் கடந்துவிட்ட நிலையிலும், மாவட்ட நிர்வாகத்தின் தரப்பிலிருந்து இதுவரை எவ்வித அதிகாரப்பூர்வ பதிலோ அல்லது சாதகமானஅறிவிப்போ வரவில்லைஎன்று கூறப்படுகிறது.
இதனால், எந்த நேரத்திலும் தங்களின் இருப்பிடம் பறிபோய் விடுமோ என்ற அச்சத்திலும், மாவட்ட நிர்வாகத்தின் அலட்சியப் போக்கினால் மிகுந்த மனவேதனையிலும் வருஷநாடு பகுதி பொதுமக்கள் தவித்து வருகின்றனர்.
மக்கள் நலன் கருதி மாவட்ட ஆட்சியரும், மாவட்ட நிர்வாகமும் உடனடியாகத் தலையிட்டு உரிய நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.