புதுடெல்லி, ஜூலை 30–
பல நூற்றாண்டுகளாக வரலாற்றுச் சிறப்புமிக்க விளையாட்டாகத் திகழ்ந்து வரும் வில்வித்தைக்கு உரிய ஊக்கமும் மேம்பட ஆதரவும் அரசு தரவில்லை என்பது உண்மைதானா?
கடந்த ஐந்து ஆண்டுகளில் இந்த புராதனப் புகழ் பெற்ற வில்வித்தையை பேணி வளர்த்திட அரசு எடுத்த நடவடிக்கைகள் என்ன?
வரலாற்றுப்பெருமை மற்றும் புராதனப் புகழ் ஆகியவற்றை கருத்தில் கொண்டு வில்வித்தை விளையாட்டை இந்தியாவின் தேசிய விளையாட்டாக அறிவிக்க ஒன்றிய அரசு முன்வருமா?
2036ஆம் ஆண்டில் சர்வதேச ஒலிம்பிக் விளையாட்டு கள் இந்தியாவில் நடத்தப்படலாம் என்ற நிலையில் அதில் உயர்ந்த இடங்களை வென்றிட இந்திய அரசு மேற்கொண்டு வரும் முயற்சிகள் உத்திகளின் விவரங்கள் என்ன?
என நாடாளுமன்றத்தில் திமுக மக்களவைக் குழுத் தலைவர் டி.ஆர்.பாலு அவர்கள் வினா எழுப்பினார்.
விளையாட்டுத்துறை
அமைச்சர் பதில்.
பாரம்பரியப் பெருமை கொண்ட வில்வித்தை விளையாட்டு வளரவும் மேம்பாடு அடைந்திடவும் தேவையான முக்கியத்து வத்தை ஒன்றியஅரசு தர வேண்டும் என்ற நோக்கில் கேட்கப்பட்ட இந்த கேள்விக்கு ஒன்றிய அரசின் இளைஞர் விவகாரங்கள் மற்றும் விளையாட்டுத் துறைக்கான அமைச்சர் டாக்டர் மன்சுக் மாண்டவியா அவர்கள் விரிவான பதிலை நேற்றுமுன்தினம் (27.7.2026 அன்று) மக்களவையில் அளித்தார்.
“உயர் முன்னுரிமை”யுடன்
நிதி உதவி.
வில் விளையாட்டைப் பொறுத்த வரை அதனை மேம்படுத்தும் முதன்மைப் பொறுப்பு தேசிய அளவிலான அமைப்பான இந்திய வில்வித்தை சங்கத்திடம் (Archery Association of India) தான் உள்ளது. எனினும், ஒன்றிய விளை யாட்டுத் துறை பல்வேறு திட்டங்கள், முயற்சிகள் , உதவிகள்மூலம் இச்சங்கத்தின் செயல்பாடுகளுக்கு துணைபுரிகி றது.
தேசிய விளையாட்டுக் கள் இணையம் (நேஷனல் ஸ்போர்டஸ் ஃபெடரேஷன்) அமைப்புகள் வழியாக வழங்கப்படும் நிதி உதவித் திட்டத்தின் கீழ் வில்வித்தை விளையாட்டுக்கு “உயர் முன்னுரிமை” அடிப்படையில் நிதி அளிக்கப் படுகிறது. இந்திய விளையாட்டு ஆணையத்தால் (ஸ்போர்ட்ஸ் அத்தகரிட்டி ஆஃப் இந்தியா) கண்டறியப்பட்டுள்ள முக்கிய விளை யாட்டுகளில் வில்வித்தை யும் ஒன்றாகும். இந்த திட்டங்கள் வாயிலாகத் தேர்வு செய்யப்படும் வில்வித்தை விளையாட்டு வீர்களுக்கு தங்குமிடம், உணவு, திறன்மிக்க பயிற்சியாளர்கள் வாயிலாக உயர்தர அறிவியல் சார்ந்த பயிற்சி, பயிற்சிக்கானகான நவீன கருவிகள், மருத்துவ வசதிகள், ஆடுகள வசதிகளுடனான உயர்ந்த உள்கட்டமைப்பு, போட்டிச்சூழலை உருவாக்கிடும் ஏற்பாடு உள்ளிட்ட அனைத்து வசதிகளும் விளையாட்டு வீரர்களுக்கு அளிக்கப் படுகின்றன.
2022 முதல் 124 அணிகளின்
வில்வித்தைப் போட்டிகள்.
“கேலோ இந்தியா” திட்டமும் வில்விளையாட்டுக்கு முன்னுரிமை அளிக்கிறது. மேலும், 34 மாநிலங்கள்/ ஒன்றிய பிரதேசங்களில் உள்ளகேலோ இந்தியா மாநிலச் சிறப்பு மையங்கள், மொத்தம் 55 கேலோ இந்தியா மையங்கள், மற்றும் 21 கேலோ இந்தியா சான்றளிக்கப்பட்ட அகாடமி களும் வில்வித்தை யை ஏற்றுக்கொள்ளப்பட்ட (Accredited)விளை யாட்டுப் பிரிவாக அறிவித்துள்ளன. இவை எல்லாவற்றுக்கும் மேலாக, சென்ற 2022 ஆம் ஆண்டு முதல் நாட்டின் 15 மாநிலங்களில், பெண்கள் குழுக்கள் உட்பட, மொத்தம் 124 வில்வித்தை அணிகளின் போட்டிகள் நடத்தப் பட்டுள்ளது.
ஆசியா மற்றும் ஒலிம்பிக்ஸ் சர்வதேச போட்டிகளில் இந்திய வில்வித்தை பங்கேற்பதை ஊக்குவிக்கும் நோக்கிலும் மகளிருக்கான விளையாட்டு (Sports For Women SFW) முன்னெடுப்பாகவும் இம்முயற்சி மேற்கொள்ளப்பட்டது.
தேசிய விளையாட்டு அந்தஸ்து
பரிசீலனையில் இல்லை
வில்வித்தையை இந்தியாவின் தேசிய விளையாட்டாக அறிவிப்பது குறித்து ஒன்றிய அரசு தற்போது பரிசீலிக்க படவில்லை.
2036 ஆம் ஆண்டில் நடைபெற உள்ள சர்வதேச ஒலிம்பிக்ஸ் போட்டிகளுக்காக இந்திய விளையாட்டு வீரர்களை தயார்படுத்தும் முயற்சிகள் அனைத்தும் தொடர்ச்சியாக மேற்கொள்ளப்பட்டு வருகின்றன. ஒன்றிய விளையாட்டு அமைச்சகம், தேசிய விளையாட்டு இணையங்கள் மற்றும் தேசிய விளையாட்டு ஆணையசத்துடன் நெருக்கமான ஒருங்கிணைப்புடன் பணியாற்றி இந்தியாவின் பல்வேறு பிரிவு விளையாட்டுக் குழுக்களை யும் தனிநபர் விளையாட்டு வீரர்களையும் தயார்படுத்தி வருகிறது. இதற்குத் தேவைப்படும் அனைத்து விதமான உதவிகளையும் ஆதரவையும் அரசு வழங்கி வருகிறது. தனிப்பட்ட வீரர்களுக்கும் அவர்களின் குறிப்பிட்ட விளையாட்டுக்கு உரித்தான சிறப்புத் தேவைகளும் “டார்கெட் ஒலிம்பிக் போடியம் ஸ்கீம் Target Olympic Podium Scheme (TOPS)” என்றழைக்கப்படும் திட்டத்தின் கீழ் ஒன்றிய அரசினால் வழங்கப்படுகிறது.
ஒன்றிய விளையாட்டுத் துறை அமைச்சர் மன்சுக் மாளவியா தனது பதிலில் இந்தத் தகவல்களைத் தெரிவித்தார்.