சென்னை, ஜூலை30 –
‘‘உச்சநீதிமன்றத்தில் அரசின் மூத்தவழக்கறிஞர்கள் வாய் பொத்தி நின்றதால் 151 உயர் சிறப்பு அரசு மருத்துவர் இடங்கள் இழப்பு
ஏற்பட்டுள்ளது” என்று கழகத் தலைவர் மு.க.ஸ்டாலின் அவர்கள் த.வெ.க. அரசுக்கு கண்டனம்
தெரிவித்துள்ளார்.
தமிழகத்தில் ‘சூப்பர் ஸ்பெ ஷாலிட்டி’மருத்துவப் படிப்புகளுக்கான, 2025- – 2026-ம் கல்வியாண்டு கலந்தாய்வில், அரசுப்பணியில் உள்ள டாக்டர்களுக்கான மாநில ஒதுக்கீட்டு இடங்கள் சில நிரப்பப்படாமல் காலியாக இருந்தன.
இந்த இடங்களை அகில இந்தியஒதுக்கீட்டுக்கு திருப்பி அளிக்கக்கோரிதமிழ்வாணி உள்ளிட்ட மருத்துவ மாணவர்கள் தரப்பில் உச்ச நீதிமன்றத்தில் மனு தாக்கல் செய்யப்பட்டது. இந்த மனுவை நீதிபதிகள் பி.எஸ். நரசிம்மா, ஆலோக் ஆராதே அடங்கிய அமர்வு கடந்த மே 29-ந் தேதி விசாரித்தது,
தமிழகத்தில் காலியாக உள்ள 151 மருத்துவ இடங்களை, அகில இந்திய ஒதுக்கீட்டுக்கு ஒப்படைக்க வேண்டும் என்று தமிழகஅரசுக்கு உத்தரவிட்டது.
இதற்கிடையே இந்த உத்தரவை செயல்படுத்தாமல் நிறுத்தி வைக்க தேசிய மெடிக்கல் கவுன்சில், தமிழ்நாடு அரசு, தேர்வு கமிட்டி, மெடிக்கல் கவுன்சில் கமிட்டி ஆகியவற்றுக்குஉத்தரவிடவும், 151 “மருத்துவ இடங் களில் மூன்றாவது கவுன்சிலிங் சுற்றின்போது சேர தமிழ்நாடு அரசு டாக்டர்களுக்கு அனுமதி அளிக்க உத்தரவிடக்கோரியும் தமிழ்நாடு மெடிக்கல் ஆபீசர்ஸ் அசோசியேஷன் சார்பில் ரிட் மனு தாக்கல் செய்யப்பட்டது.
அனைத்து தரப்பு வாதங்களையும்கேட்ட நீதிபதிகள், ‘இந்த விவகாரத் துக்கு தீர்வு காண்போம்.உச்சநீதி மன்றம் முந்தைய ஆண்டுகளில் பிறப்பித்த உத்தரவையே நடப்பாண்டிலும் பிறப்பிப்போம் என்று குறிப்பிட்டதுடன், காலியாக உள்ள ‘சூப்பர் ஸ்பெஷாலிட்டி’ 151 மருத்துவ இடங்களை, அகில இந்திய ஒதுக்கீடுக்கு இன்றைக்குள் ஒப்படைக்க தமிழ்நாடு அரசுக்கு உத்தரவிட்டனர்.
த.வெ.க. அரசு சரியாக
வாதாடவில்லை!
தமிழ்நாட்டில் 151 மருத்துவ இடங்கள் குறித்த வழக்கில், மூத்த வழக்கறிஞர்கள் அபிஷேக் சிங்வி மற்றும் பிரசாந்த் சென் ஆகியோர் தமிழ்நாடு அரசின் சார்பில் நியமிக்கப்பட்டிருந்தனர். ஆனால் தமிழ்நாடு அரசுக்கு எதிராகத் தொடரப்பட்ட இவ்வழக்கில் இவர்கள் ஆஜராகவில்லை. இதனால் அரசு மருத்துவர்களுக்கான தொகுப்பில் இருந்து 151 இடங்களைச் சரண்டர் செய்ய உச்ச நீதிமன்றம் உத்தரவிட்டுள்ளது.
இந்நிலையில் இதுகுறித்து கழகத் தலைவர் மு.க.ஸ்டாலின் அவர்கள் தமது சமூக வலை தளத்தில் பதிவிட்டிருப்பதாவது:–
ஆறாண்டுகளுக்கு முன்இதே நாளில், இந்தியாமுழுவதும்உள்ள இதர பிற்படுத்தப்பட்ட மாணவர்களுக்கு 27% இடஒதுக்கீட்டைத் தி.மு.க. போராடிப் பெற்றுத் தந்தது. ஆனால் இன்றோ, மருத்துவப் படிப்பில் தமிழ்நாட்டின் இடங்களை இழக்கும் செய்தி
வந்திருக்கிறது.
தமிழ்நாட்டின் சூப்பர் ஸ்பெஷாலிட்டி இடங்களைக் காற்றில் பறக்கவிட்ட த.வெ.க. அரசு; உச்சநீதி மன்றத்தில் வாய்பொத்தி நின்றதமிழ்நாடு அரசு வழக்கறிஞர்கள்.
தமிழ்நாடு அரசு நியமித்த மூத்த வழக்கறிஞர்கள் ஏன்
ஆஜராகவில்லை?
மிகுந்த முக்கியத்துவம் கொண்டஇந்த வழக்கில் தொடக்கம் முதல் அலட்சியம் ஏன்? மூத்த வழக்கறிஞரை நியமிப்பதில் கூட ஏன் தாமதம்?
நியாயம் நம் பக்கம் இருந்தும் நீதிமன்றத்தில் எந்த வலுவான வாதங்களையும் எடுத்து வைக்காமல் ‘சரண்டர்’ ஆனதன் பின்னணி என்ன?
அகில இந்திய கவுன்சிலிங்கின்இரண்டாம் சுற்று நடைபெறுவதற்குமுன்னரே, மாநிலக் கலந்தாய்வை அவசரமாக நடத்தி 151 இடங்கள் காலியாக உள்ளதாக அறிவித்தது திட்டமிட்டே செய்யப்பட்டதா?
தமிழ்நாட்டுக்கான சூப்பர் ஸ்பெஷாலிட்டி இடங்கள் அகில இந்தியத் தொகுப்புக்கு மாற்றப்படுவதை எதிர்த்து, கடந்த சட்ட மன்றக் கூட்டத்தொடரில் சிறப்புத் தீர்மானம் நிறைவேற்ற வலியுறுத்தியும் செய்யாதது ஏன்?
2025- – 2026 உச்சநீதிமன்றத் தீர்ப்பை எதிர்த்து தமிழ்நாடு அரசு தாக்கல் செய்த மறுசீராய்வு மனு என்ன ஆனது?
இப்படி பல கேள்விகளை இதனால் பாதிக்கப்பட்டுள்ள அரசு மருத்துவர்கள் எழுப்புகிறார்கள்.
எதிர்காலத்தில் தமிழ்நாட்டில் தொண்டாற்ற இருந்த 151 உயர்சிறப்பு அரசு மருத்துவர்களைஇழந்திருக்கிறோம். இலட்சக்கணக்கான தமிழ்நாட்டு மக்களின் உயிர்ப்பிரச்சினை இது.
த.வெ.க. அரசு இதில் உரிய விளக்கத்தை நம் அரசு மருத்துவர்களுக்கும் மக்களுக்கும் அளித்தாக வேண்டும்!
இவ்வாறு கழகத் தலைவர் மு.க.ஸ்டாலின் அவர்கள் தமது முகநூலில் பதிவிட்டுள்ளார்.