சென்னை, ஜூலை 31–
தமிழ் – தமிழர் – தமிழ்நாட்டு உரிமைக்கு எதிராக என்ன நடந்தாலும் திராவிட இயக்கமும் பொதுவுடைமை இயக்கமும் என்றைக்கும் ஓரணியில் கைகோர்த்து களத்தில் நிற்கும் என்று வடசென்னையில் ‘தகைசால் தமிழர்’ அய்யா நல்லகண்ணு சிலை திறப்பு – நூல் வெளியீட்டு விழாவில் உரையாற்றிய தமிழ்நாடு சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் குறிப்பிட்டார்.
சென்னை, பழைய வண்ணாரப்பேட்டையில், `உதவும் கைகள் அறக்கட்டளை’ மற்றும் `திணை நிலவாசிகள்’ ஒருங்கிணைக்கும் தகைசால் தமிழர்தோழர் இரா.நல்லகண்ணு சிலை திறப்பு விழா மற்றும் `அம்மாச்சி கற்பனையின் முதல் ஆசிரியர்’ நூல் வெளியீட்டு விழா நடைபெற்றது.
இந்த விழாவில் கழக இளைஞர் அணிச் செயலாளரும் சட்டப்பேரவை எதிர்க்கட்சித் தலைவருமான உதயநிதி ஸ்டாலின் கலந்து கொண்டு தோழர் நல்லகண்ணு அவர்களின் திருஉருவச் சிலையைத் திறந்து வைத்து, ‘அம்மாச்சி கற்பனையின் முதல் ஆசிரியர்’ எனும் நூலை வெளியிட்டார்.
விழாவில், கழக இளைஞர் அணிச் செயலாளரும் சட்டப்பேரவை எதிர்க்கட்சித் தலைவருமான உதயநிதி ஸ்டாலின் அவர்கள் ஆற்றிய வாழ்த்துரை வருமாறு:–
‘’இன்று, தோழர் நல்லகண்ணு அவர்களுக்காக, முதன்முதலாக எழுப்பப்பட்டுள்ள சிலையை உங்களுடன் சேர்ந்துதிறந்துவைப்பதில் மிகுந்த மகிழ்ச்சிஅடைகிறேன். இந்த வாய்ப்பை எனக்குத் தந்திருக்கும் உங்கள்அத்தனை பேருக்கும் என்னுடைய நன்றியைத் தெரிவித்துக் கொள்கிறேன். இத்துடன் சேர்ந்து, `திணை நிலவாசிகள்’ அமைப்பைச் சேர்ந்த அருமைச் சகோதரர் பகுவின் “அம்மாச்சி – கற்பனையின் முதல் ஆசிரியர்” நூலையும் இங்கே வெளியிட்டுள்ளோம்.
தோழர் நல்லகண்ணு சிலை
தோழர் நல்லகண்ணு அவர்களுக்குச் சிலை அமைத்திருப்பதன் மூலமாக, இந்தச் சமூகம் இன்றைக்கு உண்மையில் யாரையெல்லாம் கொண்டாட வேண்டும் என்பதனை இந்த நிகழ்ச்சி யின் மூலமாக, இந்த அமைப்பினர் மிகத்தெளிவாகச் சொல்லியுள்ளார்கள். ஏனெனில், இன்றைக்கு மக்களுக்கானகளப் போராளிகளைக் கொண்டாடுவதைவிட இன்ஸ்டாகிராமில்ரீல்ஸ் எடுக்கும் போராளிகளைத்தான் இந்தச் சமூதாயம் அதிகமாகக் கொண்டாடிக்கொண்டு இருக்கிறது.
“போராடினால் எதுவும் கிடைக்கும்” என்று உறுதியாக நம்பியவர், அய்யா நல்லகண்ணு அவர்கள். அதற்கு ஒரு மிகச்சிறந்த உதாரணம், சமீபத்தில் டெல்லியில் நடந்த நீட் விலக்குப்