#Title

எஸ்.டி.பி.ஐ. கட்சியின் தமிழ்ச் சுடர் சார்பில் – 2026 சிறந்த ஆளுமைகளுக்கான விருதுகள் வழங்கும் விழா! எஸ்.டி.பி.ஐ. கட்சியின் மாநிலத் தலைவர் நெல்லை முபாரக் சிறப்புரை! அச.உமர் பாரூக் தலைமை!

சென்னை, ஜூலை 31–

எஸ்.டி.பி.ஐ. கட்சியின் தமிழ்ச் சுடர் சார்பில் – 2026 சிறந்த ஆளுமைகளுக்கான விருதுகள் வழங்கும் விழா நாளை (1.8.2026 சனிக்கிழமை) மாலை 4:30 மணி அளவில் ரித்தர்டன் ரோடு, புரசைவாக்கம் ஒய்.எம்.சி.ஏ. ஆடிட்டோரியத்தில் நடைபெறுகிறது.

எஸ்.டி.பி.ஐ. கட்சியின் மாநில துணைத் தலைவர், விருது தேர்வுக் குழுத் தலைவர் அச. உமர் பாரூக் தலைமை வகிக்கிறார்.

எஸ்.டி.பி.ஐ. கட்சியின் மாநில பொதுச் செயலாளர் ஏ.அபுபக்கர் சித்திக் வரவேற்புரையாற்றுகிறார்.

மாநில பொதுச் செயலாளர் ஏ.கே.அப்துல் கரீம் தொடக்க உரையாற்றுகிறார்.

மாநில பொதுச் செயலாளர் எஸ்.அகமது நவவி தொகுப்புரை ஆற்றுகிறார்.

விழாவிற்கு டி.இரவிச் சந்திரன், எம்.நிஜாம் முகைதீன், ஏ.எஸ்.ஷபீக் அஹம்மது, எஸ்.நஜ்மா பேகம், பாஸ்டர் வி.மார்க், வழ. அஸ்ஸான் பைஜி, ஏ.முஸ்தபா, எஸ்.அமீர் ஹம்சா, டி.ரத்தினம், ஏ.பஷீர் சுல்தான், இ.முஹமது ரஷீத், எஸ்.கே.அஸ்கர் அலி, ஜெ.எம்.ஹசன் பாபு, கே.பாத்திமா கனி, வழ.ஏ. ராஜா முகமது, எம்.அபுபக்கர் சித்திக், எஸ்.கே.முகம்மது இஸ்மாயில், எஸ்.செய்யது அஹமது, எம்.பூட்டோ மைதீன், எம்.ஒய்.சீனி முஹம்மது, கோல்டு ரஃபிக், எல்.அப்துல் ரசாக், எஸ்.முகமது பிலால், எம்.ஏ.சாதிக், வி.முகமது சலீம், ஆர்.எம்.கே.மாலிக், பி.பி.எம்.ஜுபைர் அலி, ஐ.ஜாபர் ஷரீப் ஆகியோர் முன்னிலை வகிக்கின்றனர்.

இவ்விழாவில் ஜமாத்து இஸ்லாமி ஹிந்த் முன்னாள் தலைவர் எச்.அப்துல் ரகீப்புக்கு கண்ணியத்திற்குரிய காயிதே மில்லத் விருதும், திரைப்பட நடிகர் சத்யராஜ்க்கு தந்தை பெரியார் விருதும், மொழி உரிமைச் செயல்பாட்டாளர் ஆழி செந்தில்நாதனுக்கு பேரறிஞர் அண்ணா விருதும்,

பிளாக் துலிப் குழும நிறுவனர் முஹம்மது யஹ்யாவுக்கு வணிக மேதை பி.எஸ்.அப்துர் ரஹ்மான் விருதும், பன்னூலாசிரியர் சேயன் இப்ராகிம்க்குகவி கா.மு.ஷெரீப் விருதும், சத்தியபாமா நிகர் நிலை பல்கலைக் கழக வேந்தர் டாக்டர் திருமதி மரியஸீனா ஜான்சனுக்கு கல்வி தந்தை மௌலானா அபுல் கலாம் ஆசாத் விருதும், மொழி அரசியல் ஆய்வாளர் முனைவர் சபூர் அலிக்கு சட்ட மேதை டாக்டர் அம்பேத்கர் விருது எஸ்.டி.பி.ஐ. கட்சியின் தேசிய செயலாளர் ஏ.யாமொய்தீனுக்கு அறிவுக் கடல் சயீத் சாஹிப் விருதும் ஐ.என்.டி.ஜே. நிறுவனர் மர்ஹூம் எஸ்.எம்.பாக்கருக்கு புரட்சியாளர் பழனிபாபா விருதும் யு.ஏ.இ. சமூக செயல்பாட்டாளர் திருமதி ஜாஸ்மின் அபுபக்கருக்கு அன்னை தெரசா விருதும் வழங்கப்படுகிறது.

எஸ்.டி.பி.ஐ. கட்சியின் மாநிலத் தலைவர் நெல்லை முபாரக் விருதுகளை வழங்கி சிறப்புரை யாற்றுகிறார்.

நிறைவாக மாநிலச் செயலாளர் எம்.ஏ.ஹமீத் ஃப்ரோஜ் நன்றி கூறுகிறார்.