#Title

த.வெ.க. ஆட்சியில் மும்முனை மின்சாரம் தடைபடுவதால் கரூர் மாவட்டத்தில் பயிர்கள் கருகி வருகின்றன! ஆட்சியின் அவலத்திற்கு விவசாயிகள் கண்டனம்!

கரூர். ஜூலை. 31–

த.வெ.க ஆட்சியில் மும்முனை மின்சாரம் தடைபடுவதால் கரூர் மாவட்டத்தில் பயிர்கள் கருகி வருகின்றன. ஆட்சியின் இந்த அவலத்திற்கு விவசாயிகள் கண்டனம் தெரிவித்துள்ளனர்.

கரூர் மாவட்டத்தில் லாலாபேட்டை மற்றும் அதன் சுற்றுவட்டார பகுதிகளான கள்ளப்பள்ளி, கருப்பத்தூர், மகாதானபுரம், சிந்தலவாடி, மகிளிப்பட்டி, புனவாசிப்பட்டி, கருப்பத்தூர் சபகுதிகளில் சுமார் 2500 ஏக்கருக்கு மேல் விவசாயிகள் நெல், கரும்பு, வாழை, வெற்றிலை, சோளம் கம்பு உள்ளிட்ட பயிர்களையும் கத்தரிக்காய், வெண்டைக்காய், சுரக்காய், பூசணிக்காய், அவரை, மிளகாய் உள்ளிட்ட காய்கறி வகைளையும் துவரை, கொள்ளு, உளுந்து உள்ளிட்ட பயிர் வகைகளையும், விரிச்சிப் பூ, சின்னரோஜா, மல்லிகை உள்ளிட்ட மலர் பயிர்களையும் பயிரிட்டு விவசாயம் செய்கின்றனர்.

விவசாயிகள் காவிரி ஆற்றின் கிளை பாசன வாய்க்கால்கள் மூலம் நேரடி பாசன வசதியையும், பல்வேறு மானாவாரி நிலங்கள் நிலத்தடி நீரை நம்பியும் விவசாயம் செய்கின்ற னர்.

இப்பகுதியில் விவசாயிகள் பெரும்பாலும் இலவச மின் இணைப்புகள் பெற்று மும்முனை மின்சாரம் மூலம் ஆழ்துளை கிணற்றிலிருந்து நீரை எடுத்து விளை நிலங்களில் பாய்ச்சி பயிரிட்டு வருகின்றனர். கடந்த திராவிட மாடல் ஆட்சியில் இந்த இலவசம் மின்சாரம் 24 மணி நேரமும் கிடைக்கும் வகையில் இருந்ததால் விவசாயிகள் எந்தவித சிரமமும் இன்றி பயிர்களை பயிரிட்டு விவசாயம் செய்து வந்தனர்.

இந்நிலையில் தவெக அரசு ஆட்சி அமைத்த பின்னர் கடந்த ஒரு மாதத்திற்கு மேலாக மும்முனை மின்சாரம் இப்பகுதியில் கிடைக்காமல் அடிக்கடி மின்வெட்டு ஏற்படுகிறது. இது குறித்து புகார் அளித்தும் எந்த நடவடிக்கையும் எடுக்கப்படவில்லை. புதிதாக மின் இணைப்பு வழங்காத நிலையில் ஏற்கனவே உள்ள இணைப்புகளில் தடையின்றி மின்சாரம் வழங்க பலமுறை அதிகாரிகளுக்கு கோரிக்கை விடுக்கப் பட்டுள்ளது. இருந்தும் கண்டுகொள்ளாத போக்கேதொடர்கிறது.

திராவிட மாடல் ஆட்சியில் இதுவரை இல்லாத அளவுக்கு விவசாயிகளுக்கு இலவச மின்சாரம் வழங்கப் பட்டது. வேளாண்மைக்கான தனி வரவு செலவு திட்ட அறிக்கை தாக்கல் செய்யும் முறை கொண்டுவரப்பட்டது. மின் இணைப்பு குறித்து புகார் செய்ய மகன்னகம் அமைத்து ஒரே எண் வழங்கப்பட்டு உடனடி நடவடிக்கை எடுக்கப்பட்டு வந்தது. இவர்கள் புதிதாக எதையும் செய்யத் தேவையில்லை பழைய திட்டங்களைக்கூட செயல்படுத்துவதற்கு, லாயக்கற்ற அரசாக இருக்கிறது என விவசாயிகள் இந்த ஆட்சியின் அவல போக்கிற்க்கு கடும் கண்டனம் தெரிவித்துள்ளனர்.