#Title

திருச்சி மாவட்டத்தில் நிலுவையில் உள்ள 3 ரயில்வே மேம்பாலப் பணிகளை விரைந்து முடித்திடுவீர்! ஒன்றிய அமைச்சரிடம் அருண் நேரு எம்.பி. மனு!

புதுடெல்லி, ஜூலை 31 –

திருச்சிராப்பள்ளி மாவட்டத்தில் பல ஆண்டுகளாக நிலுவையில் உள்ள முக்கிய ரயில்வே மேம்பால திட்டங்களை உடனடியாக முடித்து தர வேண்டும் என நாடாளுமன்ற உறுப்பினர் அருண் நேரு ஒன்றிய ரயில்வே, தகவல் தொழில்நுட்பம் மற்றும் தொலைத்தொடர்பு துறை அமைச்சர் அஸ்வினி வைஷ்ணவ் அவர்களை அவரது டெல்லி அலுவலகத்தில்நேரில் சந்தித்து கோரிக்கை மனு அளித்தார்.

இந்த சந்திப்பின் போது திருச்சி மாவட்ட மக்களின் நீண்ட நாள் பிரச்சினையை எடுத்துரைத்த எம்.பி. அருண் நேரு, மாநில அரசு பணிகள் முடிந்து பல மாதங்கள் ஆகியும் ரயில்வே துறையின் பகுதி பணிகள் மட்டும் நிறைவடை யாததால் 3 முக்கிய மேம்பால திட்டங்கள் முடங்கி கிடப்பதாக தெரிவித்தார்.

கோரிக்கை மனுவில் வலியுறுத்தப்பட்ட முக்கிய திட்டங்கள்:

1. திருச்சி கோட்டை ரயில் நிலைய சாலை (மாரிஸ்) மேம்பாலம்

நகரின் மையப்பகுதியில் அமைந்துள்ள இந்த பாலத்தின் பணி 12 மாதங்களுக்கு மேலாக நிலுவையில் உள்ளது. தினமும் ஆயிரக்கணக்கான வாகனங்கள் செல்வதால் கடும் போக்குவரத்து நெரிசல் ஏற்படுகிறது.

2. திருச்சி சந்திப்பு ரயில் நிலைய சாலை மேம்பாலம்

திருச்சி சந்திப்பு பகுதியில் ஏற்படும் போக்கு வரத்து நெரிசலை தீர்கும் இந்த திட்டம் 6 மாதங்களாக தாமதமாகி வருகிறது.

3. லால்குடி தாலுகா மணக்கால் கிராம சாலை மேம்பாலம்

கிராமப்புற மக்களின் பாதுகாப்பான பயணத்திற்கும், விவசாய பொருட்கள் விற்ப னைக்கும் மிக முக்கியமான இந்த பாலத்தின் பணியும் 12 மாதங்களாக நிறைவடையவில்லை.

இந்த 3 மேம்பாலங்களும் விரைவில் முடிக்கப் பட்டால் திருச்சி மாவட்டத்தில் போக்குவரத்து நெரிசல் குறையும், சாலை விபத்துகள் தவிர்க்கப்படும், பொதுமக்களின் பயண நேரமும் மிச்ச மாகும் என அருண் நேரு எம்.பி. தனது கோரிக்கை மனுவில் வலியுறுத்தினார்.

அவரது கோரிக்கையை பொறுமையாக கேட்டறிந்த மத்திய அமைச்சர் அஸ்வினி வைஷ்ணவ், தெற்கு ரயில்வே பொது மேலாளருக்கு உடனடியாக உத்தரவிட்டு இந்த மூன்று திட்டங்களின் ரயில்வே பகுதி பணிகளை முன்னுரிமை அடிப்படையில் விரைந்து முடித்து தர நடவடிக்கை எடுக்கப்படும் என உறுதியளித்தார்.