கழகத் தலைவர் அவர்கள் முதல்வராக இருந்தபோது கொண்டுவந்த கனவுத்
திட்டம்! முதலமைச்சரின் காலை உணவு திட்டத்திற்கு காமராஜர் பெயரை வைக்கிறாராம். கலைஞரால் சூட்டப்பட்ட விமான நிலையத்தில் இருந்த காமராஜர் பெயரை எடுத்து, அதற்கு எம்.ஜி. ராமச்சந்திரன் பெயர் வைக்க வேண்டும் என குரல் கொடுத்த செங்கோட்டையன், ஜே.சி.டி. பிரபாகரன் போன்றோரை பக்கத்தில் வைத்துக்கொண்டு, “ஊரான் வீட்டு நெய் என் பொண்டாட்டி கை” என சம்பந்தம் இல்லாமல் பெயர் வைத்து அள்ளி ஊற்றுகிறார் முதல்வர் விஜய்.
அப்படி என்ன ‘‘முதல்வர்” என்கிற பெயரில் விஜய்க்கு வெறுப்போ தெரியவில்லை. ஒருவேளை “முதல்வர்” என்று எழுதினாலே. கார்பனுக்கு கீழே மு.க.ஸ்டாலின் என்றுதான் வருகிறதோ, தெரியவில்லை.
நான் முதல்வன் என்றால் “முதல்வனை” எடுக்கிறார். முதல்வர் காலை உணவு திட்டம் என்றால் “முதல்வரை” எடுத்துவிட்டு காமராஜர் என்று பெயர் வைத்துள்ளார்.
பண்பாட்டின் சிகரமான தளபதி, அதைப்பற்றி கண்டு கொள்ளவில்லை. தன் தந்தையின் சிந்தனையில் உருவான புதிய தலைமைச் செயலகத்தை. செம்மொழி பூங்காவை, அறிஞர் அண்ணா நூற்றாண்டு நூலகத்தை அ.தி.மு.க.வினர் சிதைக்கும்போதே அவர்களது நாகரிகம் அவ்வளவுதான் என அமைதியாக கடந்துவிட்டார். மீண்டும் தி.மு.க. ஆட்சி மலர்ந்த உடன் மருத்துவமனையை மீண்டும் தலைமைச் செயலகமாக தளபதி மாற்ற வில்லை. அம்மா உணவகம்” பெயர் மாற்றப்படவில்லை. பள்ளிக்கூட புத்தகப் “பை”யிலிருந்த ஜெயலலிதா – எடப்பாடி பழனிச்சாமி படத்தைக் கூட இரண்டு ஆண்டாக மாற்றவில்லை தளபதி. இவைகளுக்கான புதிய செலவுத் தொகையை கொரோனாவுக்கு நிதியாக மடை மாற்றினார் தளபதி ஸ்டாலின்.
தி.மு.க., கொரோனாவுக்கு குடும்பத்திற்கு
ரூ. 5,000/– கொடுக்கச் சொன்னபோது, எடப்பாடி ரூ. 1.000/– மட்டும்தான் கொடுத்தார். தளபதி வந்தவுடன் 2+2 ஆக ரூ. 4,000/– கொடுத்து மக்களின் குறையைப் போக்கினார்.
இப்போது கூட ஆட்சிக்கு தி.மு.க. வந்திருந்தால் மகளிர்க்கு மாதம் ரூ. 2,000/– உடனே கொடுத்திருப்பார். ஏன் பிரிட்ஜ். வாஷிங்மெஷின் உள்ளிட்ட வீட்டு உபயோகப் பொருட்கள் வாங்கிட உதவியாக தலா ரூ.8,000/–கொடுத்திருப்பார் தளபதி.
எங்கே நிதியை திரட்டி, எங்கே மக்கள் நலத்
திட்டத்திற்கு மாற்றலாம் என்கிற அனுபவம் அறிவு தந்தையிடம் கற்ற அறிவு உண்டு நம் கழகத்
தலைவருக்கு.
ஆனால் விஜய் ரூ.2,500/– தருவதற்கு, வேலையில்லா பட்டதாரி மாணவர்களுக்கு ரூ.4,000/–, முதியோர் பென்ஷன் ரூ.3,000/–. பெண்கள் திருமணத்திற்கு ஒரு பவுன் மற்றும் பட்டுப்புடவை, அரசு பள்ளியில் படித்த மாணவர்களின் குடும்பத்திற்கு ரூ.12.000/– வழங்குவதற்கு என எந்த தேர்தல் வாக்குறுதிகளையும் நிறைவேற்ற ஒரு சதவீத முயற்சி கூட அக்கறை காட்டவில்லை.
“அரசன் அன்று கொல்வான் – தெய்வம் நின்று கொல்லும்” என்பார்கள். பா.ஜ.க.வின் தூண்டு தலில், சினிமா கிளுகிளுப்பில் தி.மு.க. ஆட்சி அகன்றது அன்று. கொள்கை சீற்றத்தால் மாணவர் போராட்டத்தால் தர்மேந்திர பிரதான் பா.ஜ.க. அமைச்சர் அவையிலிருந்து அகற்றம் இன்று.
பா.ஜ.க.வின் வீழ்ச்சிக்கு பிரதான் முதல் அடி. இனி தொடர் அடி அது. ஆஞ்சநேயர் வால் போல் நீண்டு கொண்டிருக்கும்.
தர்மேந்திர பிரதான் விலகலுடன் நம் சிந்தனை, செயல் முடிவுக்கு வந்து விடாது. நீட்டையே அகற்ற வேண்டும் என்பதுதான் நமது தலைவர் மு.க.ஸ்டாலின் அவர்களின் முழக்கம்.
நாடாளுமன்றத்தில் தமிழ்மொழிக்கு நாம் போராடிய போது, இன்று ராஜினாமா செய்த தர்மேந்திர பிரதான், தமிழர்களை ‘காட்டுமிராண்டிகள்” என்றார் அன்று. அதிகம் படிச்ச மூஞ்சுறு கழனிப்பானையில் விழுந்ததாம் என்பதுபோல தமிழர்களின் சாபம் அமைச்சர் பதவியை இழந்து நிற்கிறார் இன்று.
நாளை தர்மேந்திர பிரதான் போல இன்னொரு பிரதான் வரலாம். ஆதலால் நீட்டையே” விரட்ட வேண்டும் என்பதுதான் தி.மு.க.வின் வலியுறுத்தல்.
தமிழ்நாட்டில் பி.எம்.ஜி. திட்டத்தை ஏற்றால்தான் ஆண்டிற்கு 10.000 கோடி தருவேன் என அடம் பிடித்த தர்மேந்திர பிரதானை நீக்கியது மகிழ்ச்சியே.
ஆனாலும் தில்லியில் அறிவுக்கு– ஜனநாயகத்துக்கு போராட்டம். தமிழ்நாட்டில் கில்லி ஜனநாயகன் படத்திற்கு கொண்டாட்டம். பெண்கள் கல்வியில் 42% முன்னேறிய தமிழ்நாடு, ஜனநாயகன் படத்தை கொண்டாடுவது என்பதையும் மீறி தமிழர்கள் தைரியமாக நின்று போராடினார்கள்.
போராட்டத்தில் ஈடுபட்ட கல்லூரி புகுந்து, மாணவர்களின் விடுதிக்குள் சென்று கைது செய்து. அடித்து விரட்டி ஓட விட்ட காவல்துறை செயல்
கண்டிக்கத்தக்கது.
மெரினாவையே பூட்டியது த.வெ.க.வின் காவல்துறை ஒருபுறம். மறுபுறம் புகழ் தி.மு.க.விற்கு வந்துவிடக்கூடாது என்பதற்காக மாணவர்கள் போராட்டத்தில் த.வெ.க.வின் நடிகை சனம் ஷெட்டி போன்றோர் கலந்து கொண்டு பேசினர்.
ஆனால் பேசுபொருளான “நீட்டினை” பேசாது. ஜனநாயகன் படப்புகழை மட்டுமே பேசினார் சனம். கொந்தளித்தது ஜனம். அதனால் ஒலிபெருக்கி பிடுங்கப்பட்டு விரட்டப்பட்டார்.
அமைச்சர் ராஜ்மோகன் பேசும்போது “மெரினா மெரினா” என குரல் எழுப்பி அவரை ஓட ஓட
விரட்டினர்.
தி.மு.க. “போராட்டத்திற்கு” போகக்கூடாது, அது தங்களுக்கு விளம்பரம் தேடிக்கொள்ள என்கிறார் அமைச்சர் ராஜ்மோகன், அப்படியானால் காங்கிரஸ் தில்லியில் போராட்டத்தில் கலந்து கொண்டது தவறா? காங்கிரஸ் விளம்பரம் தேடுகிறதா?
தர்மேந்திர பிரதான் ராஜினாமா செய்த விவகாரத்தில் இது வரை ஆதரித்தோ, எதிர்த்தோ த.வெ.க. கருத்து கூட கூறவில்லை. ஏன் இந்த இரட்டை வேடம் த.வெ.க. போடுகிறது?
நீட்டைக் கொண்டு வந்தது காங்கிரஸ். அதை பல மடங்கு உறுதிப்படுத்துகிறது பா.ஜ.க. அன்றி லிருந்து இன்றுவரை நீட்டை எதிர்த்துக் கொண்டேதான் இருக்கிறது தி.மு.க.
தி.மு.க.வும் ஜெயலலிதாவின் அ.தி.மு.க.வும் ஆட்சியில் இருந்தவரை நீட்டோ, பா.ஜ.க.வோ தமிழ்நாட்டில் தலைகாட்ட முடியவில்லை.
டி.ஆர். பாலு நாடாளுமன்றத்திலும், அனைத்துக் கட்சி கூட்டத்திலும் நீட்டிற்கு எதிர்ப்பு தெரிவித்தார். ஆ.ராசா அமைச்சராக இருக்கும்போதே “தமிர்நாட்டில் நாங்கள் பொறியியல் கல்லூரி யிலேயே நுழைவுத் தேர்வை எடுத்துவிட்டோம்” என்றார்.
‘‘உச்சந்தலையில் இருந்து உள்ளங்கால் வரை” என்பது போல “நீட்டின் தொடக்கம் முதல் இன்று வரை” தி.மு.க. எதிர்ப்புடன் இருக்கிறது. அதற்கு உரிமை இல்லை என்று சொல்வதற்குத்தான் த.வெ.க.விற்கு தகுதி இல்லை.
இரட்டை வேடம் போட்டு வந்த த.வெ.க.விற்கு வேட்டுவைத்து பாடம் புகட்டினர் போராட்டத்தினர். த.வெ.க.வின் பா.ஜ.க. எடுபிடி வேஷம் நீட் போராட்டத்தால் மக்களுக்கு தெளிவாக தெரிந்தது.
த.வெ.க.வின் பா.ஜ.க எதிர்ப்பு வேஷம் “கருப்பு சாயம் வெளுத்து விட்டது டும் டும்’ என்கிற கதையாக தெளிந்தது. போராட்டம் அன்று வெளியிட்ட ஜனநாயகன் படத்தை 10 நாள் கழித்து விஜய் வெளியிட்டு இருக்கலாமே! நீங்கள்தானே முதல்வர் முடிவெடுக்க கூடாதா?
படத்துக்காக அமைச்சருக்கு ஒரு நாள் விடுமுறை கேட்கத் தெரிந்தவருக்கு, போராட்டத்திற்காக படத்தை தள்ளிப் போடத் தெரியாதா?
உங்கள் அலப்பறையில் ஜனநாயகன் படமே ஊத்திக்கிச்சு.
டெல்லி போராட்டத்தில் காங்கிரஸார் தி.மு.க.வை காணவில்லை எனக் கூறுகின்றனர்.
10 ஆண்டு காலமாக நீட்டை எதிர்த்து தி.மு.க. போராடுகிறது. ராகுல் கூட பிரதமர் வீடு முன்புதான் மோடியை எதிர்த்து போராடினாரே தவிர, “நீட்டை நிறுத்த கோரும் மாணவர்களுடன் ஐந்தர் மந்தர் மைதான போராட்ட களத்திற்கு நேரடியாக செல்லவே இல்லை”.
போராட்டக்குழுவுடன் கழக துணைப்
பொதுச்செயலாளர் கனிமொழி கருணாநிதி அமர்ந்து போராடினார்கள், போர்க்குரல் எழுப்பினார்கள். இது தொலைக்காட்சிகளில் ஓடியது. ஆ.இராசா மருத்துவமனை வரை சென்று ஆறுதல் கூறியது எல்லா மீடியாக்களிலும் வந்தது.
கரப்பான்பூச்சி ஜனதா, தான் வென்றது என்பதனால் காங்கிரஸை கழட்டி விடலாமா? வெற்றிதான் தலைமைக்கு இலக்கு என்பது காங்கிரஸ் ஸ்ைடல். இனி இந்தியாவுக்கு தலைமை தாங்கும் பொறுப்பு காங்கிரஸுக்கு இல்லை என்பது இந்தியாவிற்கு
புரிந்துவிட்டது.
12 ஆண்டு கால தி.மு.க. தலைவர் தளபதி ஸ்டாலினின் உழைப்புக்கு ஒரு உயர்வு நியாயம் தீர்வு கிடைத்திருக்கிறது. த.வெ.க.வின் முகமூடி கிழிந்திருக்கிறது.
தளபதி ஸ்டாலின், ‘தொட்டது துலங்கும் கை பட்டது மலரும் விரைவில் நீட் ஒழியும்’’