புதுடெல்லி, ஜூலை31–
அமெரிக்க டாலருக்கு எதிரான இந்திய ரூபாயின் மதிப்பு வீழ்ச்சி யடைந்துள்ளதை நிலைப்படுத்த என்ன நடவடிக்கை எடுக்கப்பட்
டுள்ளது என ஒன்றிய அரசின் நிதி அமைச்சரிடம் தி.மு.க. எம்.பி. கிரிராஜன் கேள்வி எழுப்பியுள்ளார்.
நாடாளுமன்ற கூட்டத்தொடரில் கலந்துகொண்டுள்ள தி.மு.க. உறுப்பினர் இரா.கிரிராஜன், 2014ஆம் ஆண்டு முதல் அமெரிக்க டாலருக்கு எதிராக இந்திய ரூபாயின் மதிப்பில் ஏற்பட்ட முன்னெப்போதும் இல்லாத வீழ்ச்சியை ஒன்றிய அரசு கவனத்தில் கொண்டுள்ளதா? 2014ஆம் ஆண்டில் ஒரு அமெரிக்க டாலருக்கு இந்திய ரூபாயின் மதிப்பு 60 ரூபாய்க்கு குறைவாக இருந்த நிலையில், 96 ரூபாய்க்கும் அதிகமாக உள்ளதா? அமெரிக்க டாலருக்கு எதிராக இந்திய ரூபாயின் மதிப்பை நிலைப்படுத்த
அரசாங்கத்தால் எடுக்கப்பட்ட தீர்வு நடவடிக்கைகள் என்ன? போன்ற கேள்விகளைநிதி அமைச்சரிடம் எழுப்பிஇருந்தார்.
இதற்கு பதிலளித்துள்ள ஒன்றிய அரசின் நிதித் துறை இணை அமைச்சர் பங்கஜ் சௌத்ரி, சந்தையால் நிர்ணயிக்கப்படும் இந்திய ரூபாயின் பரிமாற்ற விகிதத்துக்கு, இலக்கோ, எல்லையோ, வரம்போ இல்லை என்றும், டாலர் குறியீட்டின் நகர்வு, மூலதனத்தின் போக்கு, வட்டி விகிதங்களின் நிலை, கச்சா எண்ணெய் விலையில் ஏற்ற இறக்கம், நடப்புக் கணக்குப் பற்றாக்குறை போன்றவை இந்திய ரூபாயின் பரிமாற்ற விகிதத்தைப் பாதிக்கும் காரணிகளாக இருப்பதாக தெரிவித்துள்ளார். 2014–15ஆம் நிதியாண்டில், ஒரு அமெரிக்க டாலருக்கு எதிரான இந்திய ரூபாயின் மதிப்பு ரூ. 58.34 லிருந்து ரூ. 63.89 என்ற வரம்பில் வர்த்தகமானது என்றும், தற்போதுரூ. 94.97லிருந்து ரூ. 96.26 என்ற வரம்பில் வர்த்தகமாகஇருப்பதாகவும் தெரிவிக்கப்பட்டுள்ளது.
அந்நியச் செலாவணி சந்தையைத் தொடர்ந்து கண்காணித்து வரும் இந்திய ரிசர்வ் வங்கி, வெளிநாட்டு வர்த்தகக் கடன்களுக்கான செலவு மீதான கட்டுப்பாடுகளை நீக்குதல், செபியிடம் பதிவு இல்லாமல் பங்குச் சந்தையில் வர்த்தகம் செய்யப்படும் பங்குப் பத்திரங்களில், வெளிநாடு வாழ் இந்தியர்கள் (NRI) மற்றும் வெளிநாட்டு இந்தியக் குடிமக்கள் (OCIS) முதலீடு செய்வதற்கான வரம்புகள் அதிகரித்திருப்பது; சலுகையுடன் கூடிய அந்நியச் செலாவணி மாற்று வசதி போன்ற நடவடிக்கைகளை எடுக்கப்பட்டுள்ளதாக ஒன்றிய அரசு பதிலளித்துள்ளது.