புதுடெல்லி,ஜூலை,31–
தமிழ்நாட்டில் சுற்றுலாத்துறையை மேம்படுத்த ஒன்றிய அரசு மேற்கொண்டுள்ள நடவடிக்கைகள் குறித்து, தருமபுரி மக்களவைத் தொகுதி உறுப்பினர் வழக்கறிஞர்.ஆ.மணி மக்களவையில் ஒன்றிய சுற்றுலாத்
துறை அமைச்சர் கஜேந்திர சிங் ஷெகாவத்திடம்
கடந்த ஐந்து ஆண்டுகளிலும் நடப்பு ஆண்டிலும் தமிழ்நாட்டிற்கு வருகை தந்த உள்நாட்டு மற்றும் வெளிநாட்டு சுற்றுலாப் பயணிகளின் எண்ணிக்கை, ஆண்டுவாரியாக எவ்வளவு என்பதையும், அதன்மூலம் மாநிலத்திற்கு கிடைத்த சுற்றுலா வருவாய் விவரங்கள் என்ன?
மேலும், தருமபுரி மாவட்டத்திற்கு வருகை தந்த சுற்றுலாப் பயணிகளின் எண்ணிக்கை, குறிப்பாக ஒகேனக்கல் அருவி உள்ளிட்ட முக்கிய சுற்றுலாத் தலங்களுக்கு ஆண்டுதோறும் எத்தனை பேர் வருகை தந்துள்ளனர் என்ற விவரங்கள் என்ன?
தமிழ்நாட்டின் பொருளாதார வளர்ச்சி மற்றும் வேலைவாய்ப்பு உருவாக்கத்தில் சுற்றுலாத்துறையின் பங்களிப்புகுறித்து ஒன்றிய அரசு ஆய்வு மேற்கொண்டுள்ளதா?
குறிப்பாக,தருமபுரி மாவட்டத்தில் சுற்றுலாத் துறையால் உருவாக்கப்பட்டுள்ள வேலைவாய்ப்புகள் மற்றும்பொருளாதார வளர்ச்சி தொடர்பான விவரங்கள் என்ன?
அத்துடன், தமிழ்நாட்டில் சுற்றுலாவை ஊக்குவிக்கும் வகையில் அடிப்படை கட்டமைப்பு வசதிகள் மேம்பாடு, சுற்றுலா தலங்கள் மேம்பாடு, பாரம்பரிய சுற்றுலா, சுற்றுச்சூழல் (Eco) சுற்றுலா, கடலோர சுற்றுலா, ஆன்மிக சுற்றுலா, விமானம் மற்றும் ரயில் இணைப்பு வசதிகள் விரிவாக்கம், டிஜிட்டல் சுற்றுலா சேவைகள் உள்ளிட்ட பல்வேறு திட்டங்கள் குறித்து விளக்கம் அளிக்குமாறும்,தருமபுரி மாவட்டத்தில் அனுமதிக்கப்பட்ட அல்லது செயல்படுத்தப்பட்ட சுற்றுலா மேம்பாட்டு திட்டங்கள், அவற்றின் தற்போதைய நிலை மற்றும் ஒன்றிய அரசு அது குறித்த எடுத்துள்ள நடவடிக்கைகள் பற்றிய முழுமையான விவரங்களையும் வெளியிடுமாறு அவர் ஒன்றிய அரசை வலியுறுத்தியுள்ளார்.