புதுடெல்லி, ஆக, 1 –
தருமபுரி மாவட்டத்தில் நிலவும் தொடர் வறட்சி, நீர்ப்பற்றாக்குறை மற்றும் தோட்டக்கலை சாகுபடிகள் அதிகம் உள்ள சூழலை கருத்தில் கொண்டு,பிரதமர் கிரிஷி சிஞ்சாயி யோஜனா (PMKSY) – ‘Per Drop More Crop’ திட்டத்தின் செயல்பாடு மற்றும் அதன் தாக்கம் குறித்து பின் வரும் கேள்விகளை மக்களவையில் தருமபுரி தொகுதி உறுப்பினர் மணி ஆ.கேள்வி எழுப்பினார்.அவர் எழுப்பிய கேள்வியில்,தருமபுரி மாவட்டத்தில் PMKSY திட்டம் எவ்வாறு செயல்படுத்தப்பட்டுள்ளது, அதன் பயன்கள் குறித்து ஒன்றிய அரசு ஆய்வு மேற்கொண்டுள்ளதா? மேற்கொண்டிருந்தால் அதன் விவரங்கள் என்ன?
சிறுதானியங்கள்,காய்கறிகள் உள்ளிட்ட பயிர்களை சாகுபடி செய்யும் சிறு, குறு விவசாயிகளின் பாசனத் தேவையை பூர்த்தி செய்யும் அளவுக்கு சொட்டு நீர் மற்றும் தெளிப்பு பாசன வசதிகள் தற்போது உள்ளனவா?
தருமபுரி மாவட்டத்தில் நுண்ணீர் பாசன வசதியை மேலும் விரிவுபடுத்த எளிமையான விண்ணப்ப நடைமுறை,விவசாயிகளுக்கு விழிப்புணர்வு முகாம்கள், தொழில்நுட்ப உதவி மற்றும் மானியத்தை விரைந்து வழங்கும் நடவடிக்கைகளை ஒன்றிய அரசு மேற்கொள்ள திட்டமிட்டுள்ளதா?
PMKSY திட்டத்தின் கீழ் நீர் பயன்பாட்டு திறனை மேம்படுத்துதல், பாசன வசதியை அதிகரித்தல், விவசாய உற்பத்தித் திறனை உயர்த்துதல் மற்றும் காலநிலை மாற்றத்தை எதிர்கொள்ளும் திறன் கொண்ட வேளாண்மையை வலுப்படுத்த தருமபுரி மாவட்டத்தில் எடுக்கப்பட்டுள்ள நடவடிக்கைகள் என்ன?என ஒன்றிய வேளாண்மை மற்றும் விவசாயிகள் நலத்துறை இணை அமைச்சர் ராம்நாத் தாக்கூரிடம் வழக்கறிஞர்.ஆ.மணி எம்.பி கேள்வி எழுப்பி உள்ளார்.
மடத்துக்குளம் சட்டமன்ற உறுப்பினர் இரா.ஜெயராமகிருஷ்ணன் 2027-ஆம் ஆண்டு இந்தியா முழுவதும் மக்கள் தொகை கணக்கெடுப்பு நடைபெறுவதை ஒட்டி https://se.census.gov.in/ என்ற வலைதளத்தில் தனது குடும்பத்தின் சுய கணக்கெடுப்பை பூர்த்தி செய்தார். அதேபோல் மடத்துக்குளம் சட்டமன்ற தொகுதிக்குட்பட்ட மக்கள் அனைவரும் தாங்கள் மேலே கொடுக்கப்பட்டுள்ள இணையதளத்தின் வாயிலாக 2027 மக்கள் தொகை கணக்கெடுப்பிற்கான சுயவிவரத்தை பூர்த்தி செய்யுமாறு அறிவுறுத்தியுள்ளார்.