சென்னை, ஆக. 1–

த.வெ.க. ஆட்சிக்கு வந்ததிலிருந்து மின்சா ரத்தில் தடங்கல்தான். முதலில் மின்வெட்டு, இப்போது மின்கட்டணத்தை பலமடங்கு உயர்த்தி வசூல் செய்துள்ள த.வெ.க. ஆட்சிக்கு பொதுமக்கள் கடும் கண்டனம் தெரிவித்துள்ள னர் என்று, கழகத் தலைவர் மு.க.ஸ்டாலின் அவர்கள் தெரிவித்துள்ளார்.

தமிழ்நாட்டில், வீடு­க­ளில் இரு மாதங்­களுக்கு ஒரு முறை, மின் பயன்­பாடு கணக்­கெ­டுக்­கும் பணி­யில், மின் வாரி­யப் பணி­யா­ளர்­கள் ஈடு­ப­டு­கின்­ற­னர். வீடு­களுக்கு, 100 யூனிட் இல­வச மின்­சா­ரம் வழங்­கப்­பட்ட நிலை­யில், மே மாதம் முதல்­வ­ரா­கப் பொறுப்­பேற்ற விஜய், 200 யூனிட் இல­வச மின்­சா­ரம் வழங்­கப்­ப­டும் என அறி­வித்­தார்.

அதன்­படி, இரு மாதங்­க­ளுக்கு, 500 யூனிட் வரை மின்­சா­ரம் பயன்­ப­டுத்­தும் வீடு­க­ளில், 200 யூனிட்; 500 யூனிட்­டுக்கு மேல் பயன்­ப­டுத்­தி­னால், 100 யூனிட் இல­வச மின்­சா­ரம் வழங்­கப்­ப­டு­கி­றது.

அதிக மின் கட்­ட­ணம்

பொது­மக்­கள் பாதிப்பு!

பல வீடு­க­ளுக்கு வழக்­க­மாக வரும் மின் கட்­ட­ணத்தை விட, கடந்த மாத­மும், இம்­மா­த­மும், அதிக மின் கட்­ட­ணம் வந்­துள்­ளது. இத­னால், நுகர்­வோர் பெரி­தும் பாதிக்­கப்­பட்­டுள்­ள­னர்.

தமிழ்­நாட்­டில் அனைத்து மாவட்­டங்­களி­லும் 50 முதல் 75 சத­வி­கி­தம் வரை மின் கட்­ட­ணம் கூடு­த­லாக வந்­துள்­ள­தாக பொது­மக்­கள் குற்­றம் சாட்­டி­யுள்­ள­னர். 200 யூனிட் மின்­சா­ரம் இல­வ­சம் என்று கூறி­விட்டு, தாறு­மா­றாக மின்­கட்­ட­ணம்வசூ­லிக்­கப்­பட்­டுள்­ள­தாக த.வெ.க. அர­சுக்குகண்­ட­னம் தெரி­வித்­துள்­ள­னர்.

த.வெ.க. அர­சின்

மெகா மோசடி

ஆட்­சிக்கு வந்­தால் 200 யூனிட் மின்­சா­ரம் இல­வ­சம் என அறி­வித்­து­விட்டு, ஆட்­சிக்கு வந்த பிறகு மெகா மோச­டியை த.வெ.க. அரசு அரங்­கேற்­றி­யுள்­ளது.

200 யூனிட் இல­வ­சம் என அறி­விக்­கப்­பட்­ட­தால், மின்­கட்­ட­ணம் கணி­ச­மா­கக் குறை­யும் என எதிர்­பார்த்து காத்­தி­ருந்த பொது­மக்­க­ளுக்கு விஜய் அரசு பேர­திர்ச்­சி­யைக் கொடுத்­துள்­ளது. மாநி­லம் முழு ­வ­தும் மின் கட்­ட­ணக் கணக்­கீட்­டில் பல்­வேறு குள­று­ப­டி­களை ஏற்­ப­டுத்தி, மின் கட்­ட­ணம் தாறு­மா­றாக வசூல் செய்­யப்­பட்டுள்­ளது.

50 முதல் 75 சத­வீ­தம்

கூடு­தல்­ மின்­ கட்­ட­ணம்!

இந்­நி­லை­யில், நீல­கிரி மாவட்­டத்­தில் கடந்த மே மாதத்தை விட, இம்­மா­தம் எடுக்­கப்­பட்ட மின் கட்­ட­ணம் 50 முதல் 75 சத­வீ­தம் கூடு­த­லாக இருப்­ப­தாக பொது­மக்­கள் குற்­றம்­சாட்­டி­யுள்­ள­னர். 200 யூனிட் மின்­சா­ரம் இல­வ­சம் என்று கூறி­விட்டு, தாறு­மா­றாக மின்­ கட்­ட­ணம் வசூ­லிக்­கப்­பட்­டுள்­ள­தாக த.வெ.க. அர­சுக்கு பொது­மக்­கள் கடும் கண்­ட­னம் தெரி­வித்­துள்­ள­னர்.

இதை­ய­டுத்து, இம்­மா­தம் அதிக மின் கட்­ட­ணம் வந்த வீடு­க­ளில், மின் பயன்­பாடு கணக்­கெ­டுப்பை மறு ஆய்வு செய்­யும்­படி அதி­கா­ரி­க­ளுக்கு, மின் வாரி­யத் தலை­வர் அருண்­ராய் உத்­த­ர­விட்­டுள்­ளார். அதன்­படி, 3.70 லட்­சம் மின் இணைப்­பு­க­ளில், இம்­மா­தத்­தில் மே மாத மின் பயன்­பா­டு­க­ளு­டன் ஒப்­பி­டும் போது, அதிக வித்­தி­யா­சம் கண்­ட­றி­யப்­பட்டு உள்­ளது.

அந்த இணைப்­பு­க­ளில், தலை­மைப் பொறி­யா­ளர்­கள், மேற்­பார்­வைப் பொறி­யா­ளர்­கள், செயற் பொறி­யா­ளர்­கள், துணை நிதி கட்­டுப்­பாட்டு அதி­கா­ரி­கள், உதவி செயற்­பொ­றி­யா­ளர்­கள் ஆய்வு செய்ய வேண்­டும் என­வும் இந்த ஆய்வை ஆக., 7க்குள் முடிக்­கு­மா­றும் தெரி­விக்­கப்­பட்­டுள்­ளது.

இந்­நி­லை­யில் கழ­கத் தலை­வர் மு.க.ஸ்டாலின் அவர்­கள் நேற்று சமூக வலை­த­ளத்­தில் வெளி­யிட்ட பதிவு வரு­மாறு:–

“த.வெ.க. ஆட்சி அமைந்­த­தில் இருந்தே மின்­சா­ரத்­தில் தடங்­கல்­தான்...

முத­லில்மின்­வெட்­டுப் பிரச்­சினை, இப்­போது மின்­கட்­ட­ணத்­தில் பிரச்­சினை.

3.70 லட்­சம் குடும்­பங்­கள்

மின்­கட்­ட­ணம் தொடர்­பாக புகார்!

3.70 லட்­சம் குடும்­பங்­கள் கூடு­தல் மின்­கட்­ட­ணம் தொடர்­பா­கப் புகா­ர­ளித்­தி­ருப்­பதை அரசே வேறு வழி­யின்றி ஒப்­புக்­கொள்­ளும் நிலை ஏற்­பட்­டுள்­ளது. சமூக ஊட­கங்­க­ளில் பொது­மக்­க­ளின் குமு­ற­லைப் பார்க்­கும்­போது, மொத்­தம் பாதிப்­ப­டைந்­த­வர்­கள் எண்­ணிக்கை இன்­னும் பல­ம­டங்கு இருக்­கக் கூடும் என்­பது உறு­தி­யா­கி­றது.

இந்­தக் குள­று­ப­டி­கள் ஆய்வு செய்­யப்­பட்­டுத் தீர்வு காணப்­ப­டும் வரை, மின்­கட்­ட­ணம் செலுத்­து ­வ­தற்­கான கால அவ­கா­சம் நீட்­டிக்­கப்­பட வேண்­டும்.

இனி வரும் காலங்­க­ளில், மின்­சா­ரப் பயன்­பாட்­டைக் கணக்­கெ­டுக்­கும் reading சரி­யான முறை­யில் மேற்­கொள்­ளப்­ப­டு­வதை அரசு உறுதி செய்­திட வேண்­டும்.”

இவ்­வாறு அப்­ப­தி­வில் கழ­கத் தலை­வர் அவர்­கள் குறிப்­பிட்­டுள்­ளார்.