புதுடெல்லி, ஆக. 1 –
திராவிட முன்னேற்றக் கழக, அரக்கோணம் நாடாளுமன்ற உறுப்பினர், டாக்டர் எஸ். ஜெகத்ரட்சகன் அவர்கள், நேற்று மக்களவையில், நாட்டில் கச்சா எண்ணெய் உற்பத்தி தொடர்ந்து பதினொன்றாவது ஆண்டாகவும், இயற்கை எரிவாயு உற்பத்தி தொடர்ந்து இரண்டாவது ஆண்டாகவும் குறைந்து வருவதால், நாட்டின் எரிசக்தி பாதுகாப்பு, இறக்குமதி சார்பு, எரிசக்தி விலை நிலைத்தன்மை மற்றும் சர்வதேச எரிசக்திச் சந்தைகளில் ஏற்படும் மாற்றங்களால் உருவாகும் பாதிப்புகளை எதிர்கொள்ள ஒன்றிய அரசு மேற்கொண்டுள்ள நடவடிக்கைகள் குறித்து கேள்வி எழுப்பினார்.
இதற்கு ஒன்றிய அரசின் பெட்ரோலியம் மற்றும் இயற்கை எரிவாயுத் துறை இணை அமைச்சர் சுரேஷ் கோபி அவர்கள் அளித்த பதில் பின்வருமாறு:–
நாட்டில் கச்சா எண்ணெய் மற்றும் இயற்கை எரிவாயுவின் உள்நாட்டு உற்பத்தி தொடர்ந்து கண்காணிக்கப்பட்டு வருவதுடன், உள்நாட்டு உற்பத்திக்கும் தேவைக்கும் இடையிலான இடைவெளி மற்றும் வழங்கல்–தேவை நிலையும் தொடர்ந்து மதிப்பாய்வு செய்யப்பட்டு வருவதாக அமைச்சர் தெரிவித்தார்.
கடந்த பத்தாண்டுகளில் உள்நாட்டு கச்சா எண்ணெய் உற்பத்தியில் காணப்படும் சிறிய அளவிலான சரிவு, முதிர்ச்சிய டைந்த மற்றும் நீண்டகால மாக உற்பத்தியில் உள்ள எண்ணெய் மற்றும் இயற்கை எரிவாயு வயல்களில் இயற்கையாக ஏற்படும் உற்பத்திக் குறைவே முக்கிய காரணம் என்றும் அமைச்சர் கூறினார். இருப்பினும், தேசிய எண்ணெய் நிறுவனங்களான ஆயில் அண்ட் நேச்சுரல் கேஸ் கார்ப்பரேஷன் மற்றும் ஆயில் இந்தியா லிமிடெட் ஆகியவை தங்களது உற்பத்தி அளவை நிலைநிறுத்தி யுள்ளதாகவும் தெரிவித்தார்.
ஆயில் அண்ட் நேச்சுரல் கேஸ் கார்ப்பரேஷன் சராசரியாக 19.6 மில்லியன் மெட்ரிக் டன் கச்சா எண்ணெய் உற்பத்தியைத் தொடர்ந்து பேணியுள்ளதுடன், ஆயில் இந்தியா லிமிடெட் தனது உற்பத்தியை 2.94 மில்லியன் மெட்ரிக் டனிலிருந்து 3.44 மில்லி யன் மெட்ரிக் டன்னாக உயர்த்தியுள்ளதாகவும் கூறினார். மேலும், 2014–15 முதல் முதிர்ச்சியடைந்த எண்ணெய் வயல்களில் ஆண்டுதோறும் ஏற்படும்
உற்பத்திக் குறைவு 2 சதவீதத்திற்குள் கட்டுப்படுத்தப்பட்டுள்ளது; இது சர்வதேச எரிசக்தி முகமையின் கணக்கீட்டின்படி உலகளாவிய சராசரியான 6 சதவீதத்தை விட குறிப்பி டத்தக்க அளவில் குறைவாகும் என்றும் அமைச்சர் தெரிவித்தார்.
2021–22 முதல், கிருஷ்ணா–கோதாவரி ஆழ்கடல் பகுதியில் புதிய உற்பத்தி தொடங்கியதன் காரணமாக இயற்கை எரிவாயு உற்பத்தியில் முன்னேற்றம் ஏற்பட்டதாகவும், எனினும் கடந்த இரண்டு ஆண்டுகளில் இயற்கை எரிவாயு உற்பத்தி மீண்டும் குறைந்து, 2023–24ஆம் ஆண்டில் 36.438 பில்லியன் கன மீட்டராக இருந்த உற்பத்தி, 2025–26ஆம் ஆண்டில் 34.776 பில்லியன் கன மீட்டராகக் குறைந்துள்ள தாகவும் அமைச்சர் தெரிவித்தார்.
சீர்திருத்தங்களை அரசு
செயல்படுத்தி வருகிறது!
நாட்டின் எரிசக்தி பாதுகாப்பை வலுப்படுத்தவும், கச்சா எண்ணெய் மற்றும் இயற்கை எரிவாயு இறக்குமதிச் சார்பைக் குறைக்க வும், உள்நாட்டு ஆய்வு மற்றும் உற்பத்தியை அதிகரிக்கவும், பொதுத்துறை மற்றும் தனியார் நிறுவனங்க ளின் பங்களிப்புடன் பல்வேறு கொள்கை, ஒழுங்குமுறை மற்றும் நிதிசார் சீர்திருத்தங்களை ஒன்றிய அரசு செயல்படுத்தி வருவதாக அமைச்சர் தெரிவித்தார்.
எண்ணெய் வயல்கள் ஒழுங்குமுறை மற்றும் மேம்பாடு திருத்தச் சட்டம், ஆய்வு மற்றும் உற்பத்திக்குத் தடை விதிக்கப் பட்டிருந்த கடல்சார் பகுதிகள் மீதான கட்டுப்பாடுகளை நீக்குதல், உற்பத்தி பகிர்வு ஒப்பந்த முறையிலிருந்து வருவாய் பகிர்வு ஒப்பந்த முறைக்கு மாற்றம், நில அதிர்வு ஆய்வுத் தரவுகளைச் சேகரிப்பதிலும் செயலாக்குவதிலும் பெரிய அளவிலான முதலீடுகள் ஆய்வுக் கிணறுகளின் எண்ணிக்கையை அதிகரித்தல் உள்ளிட்ட பல்வேறு நடவடிக்கைகள் மேற்கொள்ளப்பட்டுள்ளதாகவும் தெரிவித்தார்.
கடந்த பத்தாண்டுகளில் 3.5 லட்சம் சதுர கிலோமீட்டருக்கும் அதிகமான ஆய்வுப் பகுதிகள் ஒதுக்கப்பட்டுள்ளதுடன், கண்டறி யப்பட்ட சிறிய எண்ணெய் வயல்களை விரைவாக உற்பத்திக்குக் கொண்டுவருதல், ஹைட்ரோகார் பன் ஆய்வு மற்றும் உரிம வழங்கல் கொள்கையை அறிமுகப்படுத்துதல், ஆய்வுப் பணிகளை விரைவு படுத்துதல், சர்வதேச தொழில்நுட்ப நிறுவனங்க ளுடன் ஒத்துழைப்பை விரிவுபடுத்துதல், தேசிய புவியியல் தரவுக் களஞ்சியத்தை உருவாக்குதல் மற்றும் ஹைட்ரோகார்பன் வள மதிப்பீட்டு ஆய்வுகளை மேற்கொள்ளுதல் உள்ளிட்ட பல்வேறு நடவடிக்கைகளும் செயல்படுத்தப்பட்டு வருவதாக அமைச்சர் தெரிவித்தார்.
கச்சா எண்ணெய்
இறக்குமதியை
அதிகரிக்க முடிவு!
நாட்டின் எரிசக்தி பாதுகாப்பை மேலும் வலுப்படுத்தவும், வழங்கல் தடைகளின் அபாயத்தை குறைக்க வும், கச்சா எண்ணெய் இறக்குமதி செய்யப்படும் நாடுகளின் எண்ணிக்கை 27 நாடுகளிலிருந்து 41 நாடுகளாக உயர்த்தப்பட்டுள்ளதாகவும்,
திரவ இயற்கை எரிவாயு மற்றும் திரவ பெட்ரோலிய எரிவாயு இறக்குமதி 15 நாடுகளுக்கு விரிவு படுத்தப்பட்டுள்ளதாகவும் அமைச்சர் தெரிவித்தார். இதன் மூலம் குறிப்பிட்ட ஒரு நாடு, பிராந்தியம் அல்லது போக்குவரத்து வழியைச் சார்ந்திருக்கும் நிலை குறைக்க ப்பட்டு, வழங்கல் தடைகள் மற்றும் சந்தை ஏற்ற இறக்கங்களை திறம்பட சமாளிக்கும் திறன் மேம்படுத்தப்பட்டுள்ளதாகவும் கூறினார்.
பொதுத்துறை எண்ணெய் மற்றும் இயற்கை எரிவாயு நிறுவனங்கள் மற்றும் பிற தொடர்புடைய அமைப்புகளுடன் இணைந்து உலகளாவிய வழங்கல் நிலைமைகளை ஒன்றிய அரசு தொடர்ந்து மதிப்பீடு செய்து, கச்சா எண்ணெய், திரவ இயற்கை எரிவாயு மற்றும் பெட்ரோலியப் பொருட்கள் தடையின்றி கிடைப்பதை உறுதி செய்ய தேவையான நடவடிக்கைகளை மேற்கொண்டு வருவதாகவும் தெரிவித்தார்.
மேலும், இந்திய வியூக பெட்ரோலியக் கையிருப்பு நிறுவனம் என்ற சிறப்பு நோக்க நிறுவ னத்தின் மூலம், குறுகிய கால வழங்கல் பாதிப்புகளை சமாளிப்பதற்காக வியூக பெட்ரோலியக் கையிருப்பு வசதிகள் உருவாக்கப்பட்டுள்ளதாக அமைச்சர் தெரிவித்தார். முதல்கட்ட மாக, ஆந்திரப் பிரதேசம் மற்றும் கர்நாடகாவில் மூன்று இடங்களில் மொத்தம் 5.33 மில்லியன் மெட்ரிக் டன் கொள்ளளவு கொண்ட கச்சா எண்ணெய் கையிருப்பு வசதிகள் அமைக்கப்பட்டு ள்ளன. இரண்டாம் கட்டத் திட்டத்தின் கீழ், ஒடிசா மற்றும் கர்நாடகாவில் மொத்தம் 6.5 மில்லியன் மெட்ரிக் டன் கொள்ளளவு கொண்ட மேலும் இரண்டு வணிக–வியூக பெட்ரோலியக் கையிருப்பு வசதிகளை அமைக்க ஒன்றிய அரசு ஒப்புதல் அளித்துள்ளது என்றும் ஒன்றிய அரசின் பெட்ரோலியம் மற்றும் இயற்கை எரிவாயுத் துறை இணை அமைச்சர் சுரேஷ் கோபி அவர்கள், தி.மு.க. அரக்கோணம் நாடாளுமன்ற உறுப்பினர் டாக்டர் எஸ். ஜெகத்ரட்சகன் அவர்கள் எழுப்பிய கேள்விக்கு எழுத் துப்பூர்வமாக அளித்த பதிலில் தெரிவித்துள்ளார்.