தி.மு.க. மூத்தத் தலைவரும், முன்னாள் அமைச்சருமான வே. தங்கபாண்டியன் அவர்களின் 29-வது நினைவு நாள் நேற்று அனுசரிக்கப்பட்டது. இதனை முன்னிட்டு, விருதுநகர் மாவட்டம் மல்லாங்கிணறு பகுதியில் அமைந்துள்ள வே. தங்கபாண்டியன் நினைவிடத்தில் அவரது மகனும், திருச்சுழி சட்டமன்ற உறுப்பினருமான தங்கம் தென்னரசு மற்றும் அவரது மகளும், நாடாளுமன்ற உறுப்பினருமான தமிழச்சி தங்கபாண்டியன் ஆகியோர் மலர்வளையம் வைத்து மரியாதை செலுத்தினர். இந்த நிகழ்வில் முன்னாள் அமைச்சரும், சட்டமன்ற உறுப்பினருமான கே.கே.எஸ்.எஸ்.ஆர். இராமச்சந்திரன், முன்னாள் அமைச்சர்கள் பெரியகருப்பன், மூர்த்தி, சட்டமன்ற உறுப்பினர்கள் காதர்பாட்சா முத்துராமலிங்கம், சேடப்பட்டி மணிமாறன், அப்துல் வஹாப் மற்றும் ஏ.ஆர்.ஆர். சீனிவாசன், செங்கை மாறன் , அக்ரி கணேசன், கழக நிர்வாகிகள், தொண்டர்கள் மற்றும் ஏராளமான பொதுமக்கள் கலந்து கொண்டு வே. தங்கபாண்டியனுக்கு அஞ்சலி செலுத்தினர்.