சென்னை, ஆக. 1–

“NEET, EWS Quota எதிர்ப்­புப் போராட்­டத்­தைக் கண்டு ஒன்­றிய பா.ஜ.க. அர­சை­வி­டத் த.வெ.க. அர­சு­தான் அதி­கம் மிர­ளு­கி­றது என்று கண்­ட­னம் தெரி­வித்த கழ­கத் தலை­வர் மு.க.ஸ்டாலின் அவர்­கள் திரா­வி­டர் கழ­கம் நடத்­தும் – ஆசிரியர் கி.வீரமணி அவர்­க­ளின் பரப்­பு­ரைப் பய­ணத்­துக்கு உரிய அனு­ம­தியை த.வெ.க. அரசு வழங்­கிட வேண்­டும் என்று தனது சமூக வலை­த­ளப்­ப­தி­வில் கேட்­டுக் கொண்­டுள்­ளார்.

இது குறித்து நேற்று முன்தினம் (30–07–2026), கழ­கத் தலை­வர் மு.க.ஸ்டாலின் அவர்­க­ளின் சமூக வலைதளப் பதிவு வரு­மாறு:–

“NEET, EWS Quota எதிர்ப்­புப் போராட்­டத்­தைக் கண்டு ஒன்­றிய பா.ஜ.க. அர­சை­வி­ட த.வெ.க. அர­சு­தான் அதி­கம் மிர­ளு­கி­றது!

தந்தை பெரி­யா­ரைக் கொள்­கைத் தலை­வர் எனச் சொந்­தம் கொண்­டா­டும் த.வெ.க. அரசுபெரி­யார் திட­லி­லேயே போலி­சா­ரைக் குவித்­தி­ருப்­பது ஏன்?

திரா­வி­டர் கழ­கத்­தின் இரு­சக்­கர வாக­னப் பரப்­பு­ரைப் பய­ணத்­துக்­குக் கடைசி நிமி­டத்­தில் அனு­மதி மறுத்­த­தற்கு என்ன கார­ணம்? யாரின் அழுத்­தத்­துக்­குப் பணிந்து இதைச்செய்­கி­றார்­கள்?

கடந்த காலங்­க­ளில் மிக அமை­தி­யான முறை­யில், அற­வ­ழி­யில், கண்­ணி­யத்­தோடு இதே போராட்­டங்­க­ளைத் தாய்க்­க­ழ­க­மாம் திரா­வி­டர் கழ­கம் கட்­டுப்­பாட்­டு­டன் நடத்­திக் காட்­டி­யி­ருக்­கி­றது. அத்­த­கைய இயக்­கத்­தின் பரப்­பு­ரைப் பய­ணத்­தைத் தடை செய்­வது வன்­மை­யான கண்­ட­னத்­துக்­கு­ரி­யது.

சிவப்­பும் மஞ்­ச­ளும் சேர்ந்­தால் கிடைப்­பதுகாவி என்­பது இதன் மூலம் உறு­தி­யா­கி­விட்­டது.

அடக்­கு­முறை அர­சி­ய­லைக் கைவிட்டு, @AsiriyarKV அவர்­க­ளின் பரப்­பு­ரைப் பய­ணத்­துக்கு உரிய அனு­ம­தி­யை த.வெ.க. அரசு வழங்­கிட வேண்­டும்!”

இவ்­வாறு கழ­கத் தலை­வர் மு.க.ஸ்டாலின் அவர்­கள் தமது சமூக வலை­த­ளப்­ப­தி­வில் குறிப்­பிட்­டுள்­ளார்.