சென்னை, ஆக. 1–

துவரங்குறிச்சி நகரக் கழகத் தலைவர் அப்துல் மாலிக்கின் தாயாரும், கவிஞர் சல்மா எம்.பி.யின் மாமியாருமான திருமதி ஜமீலா பீவி அவர்கள் நேற்று இயற்கையெய்தினார் என்பதை அறிவிக்க வருந்துகிறோம்.

இச்செய்தி அறிந்ததும் கழகத் தலைவர் மு.க.ஸ்டாலின் அவர்கள் வெளியிட்டுள்ள இரங்கல் செய்தி வருமாறு:–

துவரங்குறிச்சி நகரக் கழக அவைத் தலைவர் அப்துல் மாலிக் அவர்களின் தாயாரும் கழக மாநிலங்களவை உறுப்பினர் கவிஞர் சல்மா அவர்களின் மாமியாருமான திருமதி ஜமீலா பீவி அவர்கள் மறைந்த செய்தியறிந்து வேதனையடைந்தேன்.

அன்னாரை இழந்து தவிக்கும் அவர்தம் குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்.

இவ்வாறு கழகத் தலைவர் மு.க.ஸ்டாலின் அவர்கள் வெளியிட்டுள்ள இரங்கல் செய்தியில் குறிப்பிட்டுள்ளார்.